Жакъа Россиялъул Федерациялда терроризмалъул хIаракатчилъи бищунго цIикIкIараблъун рикIкIунеб Дагъистаналда ахвал-хIал рукIалиде бачиналъе хIалтIизаризе ккола чачаналъ гIадинал къагIидаби. Гьедин рикIкIунеб буго цо-цо экспертаз. Республикаялъул нухмалъиялдаги вукIине кколин, жакъасеб чачанлъиялъул гIадав лидерин, рикIкIунел дагъистаниялги дагьал гьечIо. Гьебго заманаялда Frankfurter Allgemeine газеталъ хъвалеб буго, «щибаб моцIалъ чачаназул тIубараб цо росуялъ гьарулеб бугин жидер улкаялда лъутун чIезе бакIин.» Чачаналъ бугеб хIакъаб атмосфера гьединал гIадамазда лъалеб батаниги, гьенир хIалтIизарулел къагидаби гьединазул цо-цояз рикIкIунел руго Дагъистаналъе «дарулъун.»
