«Левада-централъул» социологазул баяназда рекъон, маялда 45 регионалда гьикъа-бакъаразул 22 проценталъ лъазабун буго жидее улкаялдаса гочине бокьун бугин. Гьединазул аслияб къадарги кколеб рагІула чІахІиял шагьараздаса студентал ва бизнесчагІи. 2009 соналда эмиграциялде хьул бугезул букІун буго І3 процент. Гьеб центарлъул бетІер Лев Гудковас абулеб буго гьединазул къадар бихьулеб къагІидаялда тІаде анин 20ІІ соналда Владимир Путиница президентасул хъулухъалде кандидатура цІидаса лъолеб букІиналъул хІакъалъулъ лъазабун хадубин.
«Коммерсант» газетаялъе комментариял гьарулаго Лев Гудковас лъазабуна, тІоцебесеб иргаялда улкаялдаса нахъе ине бокьун бугин чІахІиял шагьараздаса тІадегІанаб лъай щварал гІолохъабазеян. Гьесул рагІабазда, гьединазул гьечІо чІван къотІарал политикиял претензияби. Амма гьезде буго улкаялда киназего гІаммаб дискомфорталъул ва жал цІунун гьечІолъиялъул асар. «Улкаялда гьечІо лъиданиги бачІеб диваналъул система. Бокьараб мехалда гьесухъа бахъизе бегьула бизнес. Гьеле гури чІагояб мисал – Россиялъул экономикияб школаялъул вукІарав ректор Сергей Гуриевасул мисал. ЮКОСалъул ишалда хурхун гьикъа-бакъи гьабун хадуб гьев ине ккана Франциялде.» – ян лъазабуна Гудковас.
Официалияб статистикаялда рекъон, Россиялдаса санайил къватІисел пачалихъазде гочунев вуго 40-азаргоялдаса 60-азаргоялде гІунтІун чи. Гудковасул рагІабазда, потенциалиял эмигрантазда гъорлъан киналго мурадазде щолел рукІарабани, гьеб къадар букІунаан чанго нухалъ цІикІкаІраб. Гьезул гІемерисез ракІалда бугеб гали гьабичІого толеб буго кире гочинел, щиб гьениб гьабизе бугеб, лъие жал къваригІун ругин? абурал суалазе жавабал ратичІого. Гьединазул цояй йигин абизе бегьула МахІачхъалаялдаса машгьурай журналист ва хъвадарухъан Светлана Анохина.
Светлана Анохина, журналист ва хъвадарухъан
Светлана Анохина: «Дие цІакь бокьилаан Россиялдаса нахъе ине. Гьелдасанги цІикІкІун дие бокьалаан дир лъимал ва лъималазул лъимал Россия тун къватІир рижунел рукІарабани. Россиялда дун цІунун гьечІо. Дида ккола дун къануназулгун ихтияразул гІатІилъиялдаса ятІа гьаюн йигин. Дун хІинкъизаюла пачалихъиял гІадамазул инициативабаз. Дир пикруялда, гьел чанги гІантІал рукІуна. Дида цо-цо нухалъ берцинго бичІунаро гьез рахъулел къануназул, загьир гьарулел инициативабазул магІна. Гьез рахъулел къануназ чІван къотІун нилъ цІунун ругин абизе бакІ хутІизабуларо.
Дун цІакъ хІинкъула нилъер Пачалихъияб Думаялдаса. Дица рикІкІуна гьелъ бокьараб мехалда, бокьараб бищунго гІантаб, бищунго магІна гьечІеб къанун къабул гьабизе бегьулин. Дагъистан, МахІачхъала гІемерисез рикІкІуна хІинкъи бугеб регионлъун. Амма дицаго хвасар гьайизе кколей йикІарабани, дие гьеб гьабизе бокьилаан къватІисеб улкаялдеги ун.»
ЭР. Щайха мун гьений чІун йигей, щай эмиграция гьабулареб. Сунца яги лъица мун ккун йигей?
«Дун ккун йиго гьанир регел эбел-инсуца, дирго хІинкъияз. Эмен инсульталда хадув вегун вукІана. Эбелин абуни, гІодой речІун ракьандиса хІетІеги бекун азарханаялда йикІана. Гьенисан гьей мекъаб диагнозги лъун нахъе йитІана. Гьел тохтурзабазда бох бекун букІинцин лъан гьечІо. Дида бичІун буго къватІисел улкабазда алжан гьечІеблъи. Амма гьаниб цо-цо нухалда цІакъ квеш букІуна дие. Гьанже эбел-эмен диде ккун рукІинчІебани, дуни ине йикІана къватІие. Добани алжан батиларо, амма гьанибги зама-заманалдаса жужахІалда релъараб хІал букІуна.
Дун ккун иго къватІисел улкабазул мацІал лъангутІиялъ. Дие захІматго букІинарищха, цогидаб бакІалда гІадамазда гъорлъ жуян йикІине. Цингиги дун кколаро квераз хинкІ-чед бахъизе бажарулей чІужу-гІадан. Дун йиго къалам -щакъиялъ чед бахъулей хІалтІул чІужу.
Дица гІамал гьабулеб буго лъималгІаги къватІирехун ккезаризе. Дие бокьун буго дозие ресал щвезаризе, цогидаб жамигІиялда гІумру гьабиялъул. Дида ккола, Дагъистаналда ва тІолабго Россиялда лъай щварал ва гІумруялъул мисалал рихьарал гІадамазул бербалагьи квешаб рахъалдехун хисулин.»
Дилималдаса мугІалим МахІмадова Зумратица рикІкІунеб буго эмиграция мекъаб къагІидалъун:
Ростовалдаса журналист ва «Дица нуж ругьун гьарила ватІан бокьизе» абураб техьалъул автор Сергей Левченкол щаклъи буго къватІисел улкабазде ине бокьаразул къадар «Левада-централъул» статистикаялъ бихьизабуралда бан. КигІан жидие ватІан бокьулеб букІаниги, жинцаги къватІибе нух бахъизе букІанин абулеб буго гьес нижер программаялъе ккомментариял гьарулаго.
Сергей Левченко, журналист ва хъвадарухъан
Сергей Левченко: "У, статистикаялъ абулеб буго, шибав щуабилев чиясе бокьун бугин улка тун къватІиве инее. Россиялдаса Гочине бокьарал гІадамазул къадар гьелдасанги цІикІкІарбцин бугин ккола дидагони. Дунги ккола гьединал хьулал ругел гІадамазул цояв. Гьединаб галиялде дкн ине вукІана, гьитІинабго рес букІарабани. Гьелъие бугеб аслияб багьана ккола лъикІаб гІумруялъул перспективаби рихьунгутІи, дир букІа, дир лъималазул букІа.
Балагьеха, дир буго 54 сон. Анлъго соналдаса дун вукІуна пенсионер. Дие бачІине буго пенсиялъул микьазаргоялдаса анцІазаргоялде щун гъурущ. Гьединаб гІарцица метерисеб къоялда бан божилъи баккизабулищ? ТІоцебесебго унтиялъул, тІоцебесебго операциялъул багьа букІине буго соналда жаниб дие бачІунеб пенсиялъул къадаралъул.
Цингиги, дир вуго кІиго вас. Цоясе буго 30 сон, цогидасе - 24. КІиясулго руго лъикІал дипломал. КІудияв лъикІаб энергетикияб компаниялда хІалтІулев вуго. Гьесие бачІунеб харжалъул къадар буго 500-гІанаб доллар. Гьелъ гьесие рес кьоларо рукъ босиялъе яги ригьин гьабиялъе гІарац бакІаризе. Цингиги нижеца киназго ункъго чияс гІумру гьабун буго цорукъалъул квартираялда. Васал руго богогьанлъиялъул рукъурги кьижун. Сундол бицине бегьулеб кинабгІаги перспектива бихьулареб мехалда!
Карьералъул болъодаса тІаде ине кканиги къваригІуна бухьенал яги гІага-божарал чагІи. Гьелги гьечІо. Карьераялда бергьенлъаби щола кІудиял хъулухъчагІазул лъималазе. Дур кигІан лъикІаб лъай бугониги, жакъа карьера гьабизе цІакъ захІматго буго.»
Чанго соналъ телевидениялда хІалтІун хадуб профессия хисун бетІербахъиялъе ресал ралагьулей йигей кІиго школалъимералъул эбел Керимханова Джаннетаца абулеб буго, жинцаги тезе букІанин улка, хасго лъималазе гІолойин.
Джаннета Керимханова
Джаннета Керимханова: "Гьадинаб коррупцияги такъсирчилъиги батиларо цогІаги улкаялда. ГьечІого цогІаги щвалде щун хІалтІулеб къанун. ХъулухъчагІаз жидеего бокьа-бокьараб гьабулеб буго. Лъилниги гьечІо, кинабгІаги жавабчилъи. Жакъа мун вукІине бегьула данде кколев лъикІав гражданав. Метерин абуни, дур такъсирчи гьавизе бегьула. Бокьараб мехалда гьединаб жо ккезе бегьула нилъер пачалихъалда. Гьеб букІине бегьула мун лъиениги рихун ватани яги дуца лъилниги чІегІерал ишазе квал-квал гьабулеб бугони. Дуда гьелде данде щибниги гьабизеги кІоларо, мун цІунизе кколел къанунал къанунал цІунизе колел идарабаз дудего данде хІалтІизаризе рес бугеб пачалихъалда.
Дунни гьаниса ракІ-ракІалъ йохун нахъе ине йикІана, дир рес букІарабани. У, дун гьаюна гьаний. Дие Дагъистан цІакъ бокьула, дие рокьуларо пачалихъиял хъулухъчагІи. Пачалихъиял хъулухъчагІи гурелъул кколел ватан. ВатІан ккола дур ракь, дур тІабигІат, дур гІага-бажарал, дур гьалмагъзаби. Жакъасел гІемерисел хъулухъчагІазде балагьун, абизе бегьула гьел ругин нилъер жив-живасул тушбаби гІадал чагІийин. Гьединлъидал дун гьанисан еке-екерун нахъе ине йикІана.
Нилъер гьайбатаб бакІ буго. Амма гьелъул тІалаб гьабизе гьечІо пачалихъиял гІадамал. Щибниги гьабулеб гьечІо гІадамасул бер яги ракІ бохиялъе. Щвалде щварал гІумрудул шартІал гІуцІизе лъицаниги хІаракат бахъулеб гьечІо. Я гьекъезе лъин гуро сахаб, я квешлъараб сахлъи рукІалиде буссанибизе гьечІо рес. Кисса-кибеги къваригІуна гІарац.
Лъималазул бицунни, гІодизе бачІунеб буго. Дун йиго кІиго лъимералъул эбел. Гьезие кьолеб лъаялъул къадарни буго бицун пайда гьечІеб жо. Гьебго ЕГЭян абураб экзаменазул къагІидаги гьаниб гІицІго ришватал росиялъе гьабураб бугин ккола. Дир васасда лъикІ лъала математиика. Амма гьев кІудияв гьела, кинал гьесул перспективаби рукІинел? ГьечІо перспективаби. Киса, кибеги гІарац, гІарац, гІарац...»
Дагъистаналъул хъвадарухъабазул цолъиялъул авар секциялъул бетІер ПатахІов МахІамадица абулеб буго, къватІире унел ругин аслияб къагІидаялда гІолохъабийин, ватІаналда гьездаги бихьулеб гьечІин жидеего перспективаби.
ПатахΙов МахΙамад:
Россиялъул Федерациялда Польшаялъул вакил Войцех Зайончковскияс хамис къоялда Федерациялъул Мажлисалъул нухмалъулев хисулев Ильяс ГІумахановасулгун букІараб гара-чІвариялда лъазабуна 450ялдаса 600ялде щун россиялъул гражданас щибаб анкьалда Польшаялда гьарулин политикияб багьанабаздалъун лъутІун чІезе бакІин. Зайончковскияс гьединго лъазабуна, Белорусалъул рахъалдасан Польшаялъул гІорхъаби аслияб къагІидаялда чачаналъа гІадамаз бахунин. Гьелъие багьана цеве Грозныялъул пединституталъул мугІалимлъун вукІарав, ганже къватІисел улкабазде ине рес балагьулев вугев Лема Даудовас бихьулеб буго республикаялдаги улкаялдаги жиндирго пикру загьир гьабулев чиясул «щекъер кколеб букІиналда».
Лема Даудов: «Дида ккохъе чачаналъа гІадамал къватІире унел руго, жалго гьенир винтикал-шурупал хІисабалда рихьулел рукІиналъ. Гьезда жалго рихьулел руго республикаялда бугеб ахІвал-хІалалде кинабгІаги асар гьабизе бажаруларел гІадамаллъун. Мун профессионал, лъикІав специалист ватани, дур гьечІо ихтияр профессионал хІисабалда кІалъазе, щибниги гьабизе. Дур бакІалда кІалъалел рукІуна цогидал, аслияб къагІидаялда, кинабгІаги махшел гьечІел, амма нухмалъиялда гІагарухъ ругел чагІи.
Киса-кибеги буго коррупция. КинабгІаги рес гьечІо эркенго хьухь, цІазе, Гьеб киналъго гІадамал гьесизарулел руго гочиналде. ГІадамазул хьулал руго гІорхъаби тун дорегІан жидеца гІадамазгІадин гІумру гьабизе бугин абурал.»
Гьесул рагІаби таксдикъ гьарулел гІадал пикраби нижер программаялъе загьир гьаруна чачаналъа цойги кІиго чияс.
Бицоев МахІамад: "ТІоцебе босани, гІадамал нахъе унел руго хІалтІи гьечІолъиялъ. Чиясда бихьулеб гьечІо жив пачалихъалъе къваригІун вукІин, гьелъ цІунун вукІин. Ниж руго щибниги квешаб жо ккезе бегьулин абун ургъелалгун къасиги-къадги. ГІадамал гочунел рукІиналъе руго гІемер багьанаби. Амма гьел багьанаби тІагІинариялъе щибниги гьабулеб гьечІо я чачаналъ, я Дагъистаналда, я тІолабго улкаялда."
Имаева Зара: «ГІадамал улка тун къватІире унел руго, кире кІанцІилел лъаларого. ГьечІо хІалтІи. ГІадамазул хъизанал хьихьизе ресал гьечІо. Лъамалазе лъай кьезе гьечІо ресал. Чи унтани, гьеб рикІкІине бегьула гьесие хвалил хІукму къотІун бугин абураб гІадаб жо.
Моралияб рахъалдасанги гІадамал руго къуватаб прессалда гъоркь. Рагъ унеб гьечІониги, нижер ракІал гІодор риччан гьечІо. КъватІире унел руго гьединаб хІалциналдаса хвасарлъиялъул хьулалгун.»
Жакъасеб къоялда Россиялъул эмигрантазда гьоркьоб бищунго машгьурал улкабилъун хутІулел руго Германия, Цолъарал штатал ва Британия.
«Коммерсант» газетаялъе комментариял гьарулаго Лев Гудковас лъазабуна, тІоцебесеб иргаялда улкаялдаса нахъе ине бокьун бугин чІахІиял шагьараздаса тІадегІанаб лъай щварал гІолохъабазеян. Гьесул рагІабазда, гьединазул гьечІо чІван къотІарал политикиял претензияби. Амма гьезде буго улкаялда киназего гІаммаб дискомфорталъул ва жал цІунун гьечІолъиялъул асар. «Улкаялда гьечІо лъиданиги бачІеб диваналъул система. Бокьараб мехалда гьесухъа бахъизе бегьула бизнес. Гьеле гури чІагояб мисал – Россиялъул экономикияб школаялъул вукІарав ректор Сергей Гуриевасул мисал. ЮКОСалъул ишалда хурхун гьикъа-бакъи гьабун хадуб гьев ине ккана Франциялде.» – ян лъазабуна Гудковас.
Официалияб статистикаялда рекъон, Россиялдаса санайил къватІисел пачалихъазде гочунев вуго 40-азаргоялдаса 60-азаргоялде гІунтІун чи. Гудковасул рагІабазда, потенциалиял эмигрантазда гъорлъан киналго мурадазде щолел рукІарабани, гьеб къадар букІунаан чанго нухалъ цІикІкаІраб. Гьезул гІемерисез ракІалда бугеб гали гьабичІого толеб буго кире гочинел, щиб гьениб гьабизе бугеб, лъие жал къваригІун ругин? абурал суалазе жавабал ратичІого. Гьединазул цояй йигин абизе бегьула МахІачхъалаялдаса машгьурай журналист ва хъвадарухъан Светлана Анохина.
Дун цІакъ хІинкъула нилъер Пачалихъияб Думаялдаса. Дица рикІкІуна гьелъ бокьараб мехалда, бокьараб бищунго гІантаб, бищунго магІна гьечІеб къанун къабул гьабизе бегьулин. Дагъистан, МахІачхъала гІемерисез рикІкІуна хІинкъи бугеб регионлъун. Амма дицаго хвасар гьайизе кколей йикІарабани, дие гьеб гьабизе бокьилаан къватІисеб улкаялдеги ун.»
ЭР. Щайха мун гьений чІун йигей, щай эмиграция гьабулареб. Сунца яги лъица мун ккун йигей?
«Дун ккун йиго гьанир регел эбел-инсуца, дирго хІинкъияз. Эмен инсульталда хадув вегун вукІана. Эбелин абуни, гІодой речІун ракьандиса хІетІеги бекун азарханаялда йикІана. Гьенисан гьей мекъаб диагнозги лъун нахъе йитІана. Гьел тохтурзабазда бох бекун букІинцин лъан гьечІо. Дида бичІун буго къватІисел улкабазда алжан гьечІеблъи. Амма гьаниб цо-цо нухалда цІакъ квеш букІуна дие. Гьанже эбел-эмен диде ккун рукІинчІебани, дуни ине йикІана къватІие. Добани алжан батиларо, амма гьанибги зама-заманалдаса жужахІалда релъараб хІал букІуна.
Дун ккун иго къватІисел улкабазул мацІал лъангутІиялъ. Дие захІматго букІинарищха, цогидаб бакІалда гІадамазда гъорлъ жуян йикІине. Цингиги дун кколаро квераз хинкІ-чед бахъизе бажарулей чІужу-гІадан. Дун йиго къалам -щакъиялъ чед бахъулей хІалтІул чІужу.
Дица гІамал гьабулеб буго лъималгІаги къватІирехун ккезаризе. Дие бокьун буго дозие ресал щвезаризе, цогидаб жамигІиялда гІумру гьабиялъул. Дида ккола, Дагъистаналда ва тІолабго Россиялда лъай щварал ва гІумруялъул мисалал рихьарал гІадамазул бербалагьи квешаб рахъалдехун хисулин.»
Дилималдаса мугІалим МахІмадова Зумратица рикІкІунеб буго эмиграция мекъаб къагІидалъун:
Ростовалдаса журналист ва «Дица нуж ругьун гьарила ватІан бокьизе» абураб техьалъул автор Сергей Левченкол щаклъи буго къватІисел улкабазде ине бокьаразул къадар «Левада-централъул» статистикаялъ бихьизабуралда бан. КигІан жидие ватІан бокьулеб букІаниги, жинцаги къватІибе нух бахъизе букІанин абулеб буго гьес нижер программаялъе ккомментариял гьарулаго.
Балагьеха, дир буго 54 сон. Анлъго соналдаса дун вукІуна пенсионер. Дие бачІине буго пенсиялъул микьазаргоялдаса анцІазаргоялде щун гъурущ. Гьединаб гІарцица метерисеб къоялда бан божилъи баккизабулищ? ТІоцебесебго унтиялъул, тІоцебесебго операциялъул багьа букІине буго соналда жаниб дие бачІунеб пенсиялъул къадаралъул.
Цингиги, дир вуго кІиго вас. Цоясе буго 30 сон, цогидасе - 24. КІиясулго руго лъикІал дипломал. КІудияв лъикІаб энергетикияб компаниялда хІалтІулев вуго. Гьесие бачІунеб харжалъул къадар буго 500-гІанаб доллар. Гьелъ гьесие рес кьоларо рукъ босиялъе яги ригьин гьабиялъе гІарац бакІаризе. Цингиги нижеца киназго ункъго чияс гІумру гьабун буго цорукъалъул квартираялда. Васал руго богогьанлъиялъул рукъурги кьижун. Сундол бицине бегьулеб кинабгІаги перспектива бихьулареб мехалда!
Карьералъул болъодаса тІаде ине кканиги къваригІуна бухьенал яги гІага-божарал чагІи. Гьелги гьечІо. Карьераялда бергьенлъаби щола кІудиял хъулухъчагІазул лъималазе. Дур кигІан лъикІаб лъай бугониги, жакъа карьера гьабизе цІакъ захІматго буго.»
Чанго соналъ телевидениялда хІалтІун хадуб профессия хисун бетІербахъиялъе ресал ралагьулей йигей кІиго школалъимералъул эбел Керимханова Джаннетаца абулеб буго, жинцаги тезе букІанин улка, хасго лъималазе гІолойин.
Дунни гьаниса ракІ-ракІалъ йохун нахъе ине йикІана, дир рес букІарабани. У, дун гьаюна гьаний. Дие Дагъистан цІакъ бокьула, дие рокьуларо пачалихъиял хъулухъчагІи. Пачалихъиял хъулухъчагІи гурелъул кколел ватан. ВатІан ккола дур ракь, дур тІабигІат, дур гІага-бажарал, дур гьалмагъзаби. Жакъасел гІемерисел хъулухъчагІазде балагьун, абизе бегьула гьел ругин нилъер жив-живасул тушбаби гІадал чагІийин. Гьединлъидал дун гьанисан еке-екерун нахъе ине йикІана.
Нилъер гьайбатаб бакІ буго. Амма гьелъул тІалаб гьабизе гьечІо пачалихъиял гІадамал. Щибниги гьабулеб гьечІо гІадамасул бер яги ракІ бохиялъе. Щвалде щварал гІумрудул шартІал гІуцІизе лъицаниги хІаракат бахъулеб гьечІо. Я гьекъезе лъин гуро сахаб, я квешлъараб сахлъи рукІалиде буссанибизе гьечІо рес. Кисса-кибеги къваригІуна гІарац.
Лъималазул бицунни, гІодизе бачІунеб буго. Дун йиго кІиго лъимералъул эбел. Гьезие кьолеб лъаялъул къадарни буго бицун пайда гьечІеб жо. Гьебго ЕГЭян абураб экзаменазул къагІидаги гьаниб гІицІго ришватал росиялъе гьабураб бугин ккола. Дир васасда лъикІ лъала математиика. Амма гьев кІудияв гьела, кинал гьесул перспективаби рукІинел? ГьечІо перспективаби. Киса, кибеги гІарац, гІарац, гІарац...»
Дагъистаналъул хъвадарухъабазул цолъиялъул авар секциялъул бетІер ПатахІов МахІамадица абулеб буго, къватІире унел ругин аслияб къагІидаялда гІолохъабийин, ватІаналда гьездаги бихьулеб гьечІин жидеего перспективаби.
ПатахΙов МахΙамад:
Россиялъул Федерациялда Польшаялъул вакил Войцех Зайончковскияс хамис къоялда Федерациялъул Мажлисалъул нухмалъулев хисулев Ильяс ГІумахановасулгун букІараб гара-чІвариялда лъазабуна 450ялдаса 600ялде щун россиялъул гражданас щибаб анкьалда Польшаялда гьарулин политикияб багьанабаздалъун лъутІун чІезе бакІин. Зайончковскияс гьединго лъазабуна, Белорусалъул рахъалдасан Польшаялъул гІорхъаби аслияб къагІидаялда чачаналъа гІадамаз бахунин. Гьелъие багьана цеве Грозныялъул пединституталъул мугІалимлъун вукІарав, ганже къватІисел улкабазде ине рес балагьулев вугев Лема Даудовас бихьулеб буго республикаялдаги улкаялдаги жиндирго пикру загьир гьабулев чиясул «щекъер кколеб букІиналда».
Лема Даудов: «Дида ккохъе чачаналъа гІадамал къватІире унел руго, жалго гьенир винтикал-шурупал хІисабалда рихьулел рукІиналъ. Гьезда жалго рихьулел руго республикаялда бугеб ахІвал-хІалалде кинабгІаги асар гьабизе бажаруларел гІадамаллъун. Мун профессионал, лъикІав специалист ватани, дур гьечІо ихтияр профессионал хІисабалда кІалъазе, щибниги гьабизе. Дур бакІалда кІалъалел рукІуна цогидал, аслияб къагІидаялда, кинабгІаги махшел гьечІел, амма нухмалъиялда гІагарухъ ругел чагІи.
Киса-кибеги буго коррупция. КинабгІаги рес гьечІо эркенго хьухь, цІазе, Гьеб киналъго гІадамал гьесизарулел руго гочиналде. ГІадамазул хьулал руго гІорхъаби тун дорегІан жидеца гІадамазгІадин гІумру гьабизе бугин абурал.»
Гьесул рагІаби таксдикъ гьарулел гІадал пикраби нижер программаялъе загьир гьаруна чачаналъа цойги кІиго чияс.
Бицоев МахІамад: "ТІоцебе босани, гІадамал нахъе унел руго хІалтІи гьечІолъиялъ. Чиясда бихьулеб гьечІо жив пачалихъалъе къваригІун вукІин, гьелъ цІунун вукІин. Ниж руго щибниги квешаб жо ккезе бегьулин абун ургъелалгун къасиги-къадги. ГІадамал гочунел рукІиналъе руго гІемер багьанаби. Амма гьел багьанаби тІагІинариялъе щибниги гьабулеб гьечІо я чачаналъ, я Дагъистаналда, я тІолабго улкаялда."
Имаева Зара: «ГІадамал улка тун къватІире унел руго, кире кІанцІилел лъаларого. ГьечІо хІалтІи. ГІадамазул хъизанал хьихьизе ресал гьечІо. Лъамалазе лъай кьезе гьечІо ресал. Чи унтани, гьеб рикІкІине бегьула гьесие хвалил хІукму къотІун бугин абураб гІадаб жо.
Моралияб рахъалдасанги гІадамал руго къуватаб прессалда гъоркь. Рагъ унеб гьечІониги, нижер ракІал гІодор риччан гьечІо. КъватІире унел руго гьединаб хІалциналдаса хвасарлъиялъул хьулалгун.»
Жакъасеб къоялда Россиялъул эмигрантазда гьоркьоб бищунго машгьурал улкабилъун хутІулел руго Германия, Цолъарал штатал ва Британия.
