Рубрики

Новость часа

ХIажи ХIасанов

Автор ХIажи ХIасанов

Июль 28, 2015
Игорь Каляпин:"Нижеца лъилниги тIадкъаял тIуразаруларо"

«ГIазаб кьеялде данде комитет» абураб инсанасул ихтиярал цIунулеб регионаздагьоркьосеб гIуцIиялъул бетIер Игорь Каляпиница талат къоялда лъазабуна гьеб гIуцIи къаялъул хIакъалъулъ. Гьелъул бакIалда рагьулеб рагьун буго цIияб гIуцIи.
Июль 21, 2015
РГВК "Дагъистан": баянлъи гьечIеб "гьужум"

МоцIалъул байбихьуда Дагъистаналда Жанисел ишазул министерлъиялъ жиндирго идарабазул цояб тIамуна РГВК «Дагъистан» телекомпаниялда хал-шал гьабизе. Гьеб хIужа хутIизе бегьулаанин кинабгIаги кIвар кьечIого, гьелдаса цебесеб къоялда гьелъул эфиралда Дагъистаналда гьеб министерлъиялъул системаялда хIалтIизарулел вахIшиял къагIидабазул бицун букIинчIебанийин хъвалеб буго интернет-гIатIилъиялда жидерго пикраби загьир гьабулезул цояз.
Июль 19, 2015
ГIицIго рахьдал мацI гIоларо глобализациялъул нухда

Левада-централъул цIех-реххалъ бихьизабулеб буго россиялъулазул 70 проценталда къватIисел улкабазул цогIаги мацI лъалеб гьечIолъи. Бищунго гIемер дунялалда лъазабулеб инглис мацIалда жиндирго пикраби дагьалъ гIаги загьир гьаризе бажарулезул къадар гьезда гъорлъ рагIула 11 гIанаб процент. КъватIисел улкабазул мацIазда информациялдаса пайда босизе россиялъулазул кIудияб къадаралъул рес гьечIин абураб кколин гьебин, рикIкIунеб буго социологаз. Кинаб зарал гьелдаса бугеб улкаялъул жамгIияталъе? Кинаб зарал гьелдаса бугеб улкаялъул жамгIияталъе?
Июль 06, 2015
Полициялъул ресал гIатIилъизариялдаса инсанасул ихтиярал мукъсанлъизариялде

Пачалихъияб Думаялъ къанунал хъачIлъизариялъул нух бищун букIиналде къвар буссинабулеб буго инсанасул ихтиярал цIунулел гIуцIабаз. Гьезул пикруялда, ахир-къадги гьедининаб хIаракатчилъи, цо рахъалъан босани, буссунеб буго низам цIунулеб системаялъул идарабазул ресал гIатIилъизариялде, цогидаб рахъалъан, гIагсалда, гIадатиял гражданазул кьучIиял ихтияраздацин гIорхъаби чIезариялде.
Май 28, 2015
Марго Гонтарь: "Гьересиялде данде ниж къеркьола хIужабаздалъун"

Украиналда бугеб ахIвал-хIалалъ информациялъулабин абулеб рагъалде гъорлъе цIцIана улкабазул гIемер информалатал. Гьезул цояз интернеталда букIа, телевидениялда букIа, прессаялда букIа рахъула пропагандаялъулал «сенсацияби», цогидазин абуни гьел нахъ чIвала. Амма ракI чIун хIакъикъат чIезабизе захIматаб масъала кколин, гьелъие къваригIунин далилал ратун, хIужа чIезабизейин, абулеб буго нижер программаялъе комментариял гьарурай Украиналдаса Stopfake.org абураб проект гIуцIаразул цояй Марго Гонтарица.
Май 28, 2015
Унгогийищ Дагъистан экстремистияб дандечIеялъул централде буссун бугеб?

Информалатазул лъазабиязда рекъон, 19-20 апрелалда хасаб операциялда чIварав «Имарат Кавказ» абураб экстремистияб къокъаялъул лидер Гебеков ГIалиасхIабил бакIалда тун вуго Генуб кьалбал ругев Сулейманов МахIамад. Цо-цо экпертаз рикIкIунеб буго, гьеб гIуцIиялда жаниб ахирисеб заманалда загьирлъулеб тенденциялъ ресал рагьулел ругин «Исламияб пачалихъ» гIуцIиялъул асар регионалде цикIкIиналъейин.
Май 27, 2015
«Единая Россия» партиялъул цогIаги кандидат бергьинчIо рищиязда

«Единая Россия» партиялъул цогIаги кандидат бергьун гьечIо Калинград областалъул Балтийск мухъалъул мажлисалъул рищиязда. Россиялъул ахирисеб тарихалда гьеб кколеб буго цIакъ къанагIатаб хIужа. Нижер программаялъе комментариял гьарурав «Голос» ассоциациялъул эксперт Василий Вайсенбергица лъазабуна, рищиязда гIемер рукIанин къанунал хвезариялъул хIужжаби, амма рехсараб партиялъул кандидатазул жидерго конкурентазде данде гьабулеб букIараб хIалтIи гIададагосеб букIанин, жубалеб буго гьес.
Май 25, 2015
ХъачIал къанунал улкаялъул хъаравуллъиялда...

19 маялда Пачалихъияб Думаялъ тIубанго къабул гьабуна «Данде кколарел гIуцIиязул хIакъалъулъин» жиндие цIар щвараб къанун, хадусеб къоялъго гьеб тасдикъ гьабуна Федералияб Мажлисалъги. Къанун президентас гъулбасана, гьеб байбихьана хIалтIизе. Документалда рекъон, «данде кколарел» гIуцIабазул сияхIалде росизе руго «Россиялъул конституциялъулаб гIуцIиялъе, улка цIуниялъул ва пачалихъалъул хIинкъигьечIолъиялъул рахъалда хIинкъи жидедаса букIине бегьулел къватIисел улкабазул ва халкъаздагьоркьосел гIуцIаби». РукIинчIищ Россиялъул къануназда гьанжелъезегIан гьединал хIинкъияздаса улка цIуниялъул механизмал?
Май 21, 2015
WhatsApp квешаб батани, кинаб бугеб Instagram?

Социалиял интернет-сурсатаздаса жамгIияталъе кIудияб зарал бугин рикIкIунеб буго Чачан республикаялъул бетIер Рамзан Къадировас. Ахирисел къоязда гьабураб иргадулаб лъазабиялда гьес жамгIият ахIулеб буго социалиял интернет-сурсатаздаса ва Америкаялъул мессенджераздаса инкар гьабиялде.
Май 11, 2015
Кинаб хIинкъи бугеб Шималияб Кавказалъе "Исламияб пачалихъ" гIуцIиялдаса?

Россиялъул Федералияб хасаб хъулухъалъул директор хисулев Сергей Смирновасул раг1абазда, жакъаялде «Исламияб пачалихъ» гIуцIиялъ жиндирго контролалде гъоркье росарал террриториязда гIумру гьабун буго микьго миллион гIанав чияс. ХIакъикъаталдагиян, жубалеб буго гьес, абизе бегьулин 2013 соналдаса «Исламияб пачалихъ» гIуцIи бугин лъицаниги къабул гьабичIеб шаргIияб къануназдалъун хIалтIулеб гьересияб пачалихъин.
Апрель 29, 2015
Лъие бугеб гьуинаб "амнистия" рагIи?

КIудияб ВатIанияб рагъда бергьенлъи щун 70 сон тIубаялда бан Россиялъул Пачалихъияб Думаялъ лъазабулеб буго гIатIидаб амнистия. Официалияб къиматалда рекъон, гьеб хъвазе бегьула 260-ялдаса 400 азаргоялде щун чиясда. Инсанасул ихтиярал цIунулезул пикруялда, гьединазул къадар букIине бегьула чанго нухалъ дагь. Лъие битIккезе бегьулеб амнистиялда хурхун?
Апрель 19, 2015
А. Ярлыкапов: "РитIухълъиялъул атмосфера - ИГИЛалдаса "иммунитет"

Россиялъул федералияб хасаб хъулухъалъул вакильзабаз лъазабулеб буго, «Исламияб Пачалихъ» абураб радикалиял исламистазул гIуцIиялъул ахIиялда гIенеккун, ГIагараб Машрикъалде унел гIолохъабазул къадар дагьлъулеб гьечIин. Щай нилъер пачалихъалда ва динияб системаялда бажарулареб эффективияб къагIидаялда данде чIезе «Исламияб пачалихъ» гIуцIиялъул пропагандаялде? «Дир ихтиярал – дир эркенлъи» абураб хасаб программаялда гьеб ва цогидал суалазде жавабал кьолел руго МГИМОялъул Кавказалъул проблемабазул ва регионалияб хIинкъигьечIолъиялъул централъул гIалимчи ва этнограф АхIмад Ярлыкаповас.
Апрель 16, 2015
Митингазул регионалияб хаслъиялъул хIакъалъулъ

Дагъистаналдаги, тIолабго Шималияб Кавказалдаги тIоритIулел митингазул, протесталъул акциязул хаслъи бугин рикIкIунеб буго жамгIияв хIаракатчи Шамилов МахIамадицаги Гъизилюрталдаса блогер Бадрудин Ибрагьимовасги. КIиясулго пикруялда, гьел акциязул хасияталда буго тухумчилъиялъулги миллатчилъиялъулги лъалкI.
Апрель 15, 2015
Политэмигрантал Россиялда кIочонел гьечIо

Журналистазул ва политологазул цояз пикруялда, нилъ жакъаги цIидаса руго политэмиграциялъул цIияб «карачелалъул» нугIзаби. Щай аслияб къагIидаялда оппозициял политиказ, инсанасул ихтиярал цIунулез ва коррупциялде данде къеркьолез тезе кколеб бугеб улка?
Март 15, 2015
Мажгитазде хьвадулелни гIемер ругоан...

Экспертаз кIвар буссинабулеб буго, тIаде балагьун, диналда тIадчIаразул цIикIкIараб къадар бугеб Дагъистаналда коррупциялъулги, такъсирчилъиялъулги, цогидал негативиял рахъазулги даража бихьулеб къагIидаялда цIикIараб букIиналде. Гьеб киналъулъго иман дагьлъиялъул ва гIемерисез дин рихьдае гьабулеб букIиналъул гIаламатал рихьулел руго цоязда.
Февраль 24, 2015
Урбанизация: шагьаралъул гьумер хисулеб буго

Урбанизациялъул процесс хехлъулеб буго. Амма, статистикаялъ бихьизабухъе, гIицIго Шималияб Кавказалъул росдал халкъалъул къадар шагьаралъулалдаса цIиккIараблъун хутIулеб буго гьанжеги. Гьелдаго цадахъ, специалистаз абулеб буго, жиб-жиб республикаялда гьеб процесс унеб бугин жиндирго къагIидаялдайин ва жиб-жибалъул бугин жиндирго хаслъийин.
Февраль 15, 2015
Пропагандаялъул "пардавалда" нахъ бугеб баянлъулеб буго. Щиб цинги?

Россиялъул пачалихъалъул тIалъи ва политикияб курс хисиялъул шартIал цIикIкIунел руго Россиялда, президент Владимир Путинил рейтинг цIакъ борхараб букIаниги. Гьедин рикIкIунезда гъорлъ живго рехсолев вуго машгьурав блогер ва тарихалъул гIельмабазул кандидат Даниил Коцюбинскияс. Миллияв лидерлъун рикIкIунев Путинил рейтинг кколин гьес ва гьесул сверухълъиялъ гIуцIараб авторитарияб режималъул хIасилин ва гьединаб кардиналияб хиса-баси улкаялда гьанжелъезегIан лъугьинчIого хутIун бугин гIицIго пропагандаялъ халкъалъулъ щула гьарурал хIинкъияз ва оппозициялъул лидеразул тохлъиялъин, абулеб буго Эркенлъи радиоялъул суалазе жавабал кьурав Коцюбинскияс.
Февраль 01, 2015
Щай миллиял багъа-башарияз талихIалде рачинчIел?

Цо-цо политологазул рагIабазда, 90 соназда Дагъистаналда пачалихъияб политикаялдаги жамгIиял гIуцIабазул хIаракатчилъиялдаги гьоркьоб чIван къотIараб баянаб хIучч цIазе захIматго букIана. Щай доб заманалъ раккарал миллияб жамгIиял гIуцIаби цинтIаго гIадин тIагIарал ва кинаб хасият бугеб жакъасел миллиял жамгIиял гIуцIиязул республикаялда?
Январь 11, 2015
Шималияб Кавказ: божи гьечIеб перспектива

Шималияб Кавказалда ахIвал-хIал дагьалъ гIодобе биччай, цо-цо экспертаз хурхинабулеб буго «рохьилал» Сириялд рагъде ун рукIиналда. Аммайин, абулеб буго гьез, гьенисан гьел нахъе руссине ругин дагьалъги цIикIкIараб рагъулаб хIалбихьигунин ва гьез регионалда ахIвал-хIал цIидаса хIалуцинабизе бегьулин.
Январь 11, 2015
И. Бердиев: "Шималияб Кавказалда диназда гьоркьоб жахIда гьечIо".

Шималияб Кавказалда ГIиса аварагасул диналда рухI речIчIулеб буго дагь-дагьккун. Регионалда цIикIкIунеб буго гьатIаназул ва диналде руссарал христианазул къадар. Гьедин бицунеб буго «Кавполит» сайталда кьураб макъалаялда.

Загрузить еще

XS

SM

MD

LG