Рубрики

Новость часа

ХIажи ХIасанов

Автор ХIажи ХIасанов

Январь 06, 2015
А. Звягинцев: "Дун тамашалъизавуна "Левиафан" бахъизе нухмалъиялъ кумек гьабиялъ".

Америкаялъул киноакадемиялъул «Оскаралъе» гIоло къеркьезе рес буго Россиялъул «Левиафан» абулеб фильм. Гьелда бицунеб буго жинхъа кинабго гьабун хIалкIолеб ва гурхIел лъалареб пачалихъалъул машинаялде данде къеркьолев гьитIинав чиясул хIакъалъулъ. РукIана баянал гьеб фильм Россиялда бихьизабизе гьукъизегицин рес бугин абуралги.
Декабрь 31, 2014
2014 сон. Щиб хутIараб ракIалда?

2014 сон. Чанго сагIаталдаса араб заманалъул чIумазда гьелъ ккола чIван-къотIун жиндиего бихьизабураб бакI. Амма гIадамазул пагьмуялда унеб соналъ кквезе руго батIи-батIияб бакIал. Жив-живасулъ гьелъ тезе руго батIи-батIиял лъалкIал. Кинаблъун хутIараб 2014 сон пачалихъияб, жамгIияб, хасаб гIумруялда?
Декабрь 22, 2014
Чачаналъ Россиялъул къануназул "тату" холеб буго...

Пачалихъалде данде чIарал къокъабазул гIахьалчагIазул хIаракатчилъиялъул жавабчилъи гьезул гIага-божараздеги тIибитIизабулеб букIиналъул хIакъалъулъ «Инстаграммалдасахун» Чачан республикаялъул бетIер Рамзан Къадировас гьабураб лъазабиялъе ахир-къадги жиндирго къимат кьуна Россиялъул президент Владимир Путиница. Кколищ гьеб битIахъего улкаялъул конституция ва къанунал хвезарулел ругин абун, Къадировасе тамихI гьабизе бегьулин абураб?
Декабрь 16, 2014
Кин "хвасар" гьабилеб гIарац?

Россиялъулаз хехаб къагIидаялда росулел руго хириял автомобилал. Гьеб ккола гъурщил багьа «бортулеб» фоналда, автомобилал риччалел ва ричулел компанияз жидерго багьаби рукIалиде рачиналда цебе загьирлъулеб ажиотажалъул гIаламат. Экспертаз абулеб буго, гьединал лъикIал ресал гIемер заманалъ хутIизе гьечIин.
Декабрь 11, 2014
Рамзан Къадиров Игорь Каляпиниде данде

Каляпин абураб фамилия бугев чиясул хал гьабизе кколин 2014 соналъул 4 декабралда Грозныялде гьабураб тIадекIанцIиялде гIахьаллъи букIиналъул рахъалдасайин, лъазабуна Чачан республикаялъул бетIер Къадиров Рамзаница.
Декабрь 10, 2014
Чачаналъ гьанжеялдаса "мунагьал" гIаммал руго

Яргъид гIуцIаразул хьвада-чIвадиялда хурхун гьезул гIага-божаразул жавабчилъиялда хурхараб Чачан республикаялъул нухмалъулев Рамзан Къадировасул лъазаби къануназде данде кколарин, лъазабуна ГIазаб кьеялде данде комитеталъул бетIер Игорь Каляпиница Россиялъул Генералияб прокуратураялъул ва ЦIех-рехалъул комитеталъул бутIрузухъе хъвараб хитIабалда.
Ноябрь 30, 2014
М. Шамилов: "Зулмуялъ маслигIаталде нух къала".

Октябралъул ахиралда МахIачхъалаялда салафиязулин абулеб мажгиталде хьвадулездаги полициялдаги гьоркьоб ккараб тунка-гIусиялъул хIакъалъулъ цIалун хадуб «Независимая газетаялъул» журналистас бахъун буго Дагъистан «кIиабилеб Сириялде» свериялъул хIинкъи бугин абураб магIнаялъул макъала. Кинаб бугеб гIаммаб жо Дагъистаналда бугеб ахIвал-хIалалъулги Сириялда унеб гражданияб рагъалъулги? Щай Россиялъул СМИяз цIидаса «хасаб» кIвар кьезе байбихьараб Дагъистаналде?
Ноябрь 24, 2014
ГI. Набиев: "Дагъистан Сирия гуро".

Дагъистан «кIиабилеб Сириялде» свериялъул хIинкъи бугин абураб магIнаялъул макъала бахъун буго гьал къоязда «Независимая газетаялда». Макъалаялъул авторги гьеб пикруялде вачIун вуго 3I октябралда МахIачхъалаялда салафиязулин абулеб мажгиталде хьвадулездаги полициялдаги гьоркьоб тунка-гIуси ккеялда бан. Рехсараб макъалаялда бицунеб буго Сириялда гражданияб рагъде рачарал гIиллабазулги. Кинаб гьоркьоблъи бугеб Дагъистаналда бугеб ахIвал-хIалалъул Сириялда унеб гражданияб рагъалъулгун? Дагъистаналда бугеб хIакъикъаталде данде кколищ «Независимая газетаялда» кьун бугеб макъала?
Ноябрь 09, 2014
Цо гали цебе, анцIго - нахъе…

Россиялъул статискаялъул идараялъул хIисабалда рекъон, 2014 соналъул микьго моцIида жаниб улкаялдаса къватIире аразул къадар цIикIкIараб Владимир Путиница улкаялъул нухмалъи гьабураб бокьараб тIубараб соналда къватIире аразул къадаралде дандеккун. Гочунел руго батIи-батIиял гIадамал, амма бищунго тIоцере - къватIиб хIалтIи батизе шансал цIикIкIарал махшел тIокIал специалистал. Шай ватIаналдаса унезул къадар цIикIкIуб бугеб Россиялда?
Ноябрь 05, 2014
Кибе мун гирулеб, гургинаб гъурущ?

6 ноябралда Россиялъул Централияб Банкалъ борхизабулеб буго валютаялъул курсалъул даража. Хамис къоялда евроялъул официалияб курс бахана 56 гъурущгун 77 капекалде. Долларалъул - 46 гъурущгун 37 капекалде. Щиб гьеб кколеб Россиялъул экономикаялъе ва гIадатиял гIадамазе?
Октябрь 30, 2014
Ругищ жакъа Россиялда политикиял репрессияби?

Россиялда 30 октябрь бихьизабун буго политикиял репрессиязул къурбанал ракIалде щвезариялъул къо хIисабалда. I974 соналда Мордовиялъулгун Пермалъул лагеразул политикиял туснахъаз СССРалда гьарулел политикиял репрессиязда хурхун протест загьир гьабулаго, лъазабун букIана ракъун чIеялъул акция. Гьеб къо кIодо гьабизе байбихьана I99I соналдаса. Цо-цо политологаз рикIкIунеб буго Россиялда жакъаги тIоритIулел ругин политикиял репрессиялин.
Октябрь 28, 2014
Украиналда гIуцIулеб буго демократияб парламент

Украиналда бищана цIияб ТIадегIанаб Рада. Бергьана Европаялъул рахъ ккурал Порошенкол, Яценюкил, Садовоясул партияби. Гьанже парламенталда бакIал щварал партияз хIаракат бахъулеб буго Европаялдехун балагьараб демократияб парламент ва хIукумат гIуцIизе.
Октябрь 19, 2014
ЧIвана15 журналист, валагьичIо цогIаги такъсирчи

Кремлалда Гражданияб жамгIият цебетIезабиялъул ва инсанасул ихтиярал цIуниялъул президентасул мажлисалъул данделъиялда Россиялъул президент Владимир Путиница рагIи кьуна Шималияб Кавказалда, хасго Дагъистаналда, журналистал чIваялда хурхун унеб цIех-рехалде хасаб кIвар буссинабизе. Гьелъие гIиллалъун лъугьана рехсараб гIуцIиялъул гIахьалчи ва «Кавказская политика» абураб информагентлъиялъул бетIер Максим Шевченкоца гьеб цIех-рехалъул кинал гIаги хIасилал гьечIеблъиялде президентасул кIвар буссинаби.
Октябрь 15, 2014
ТакъсирчагIи туснахъазда гьечIо, цIех-рехчагIи хъулухъазда руго

2000 соналдаса байбихьун Дагъистаналда чIванин 15 журналист ва гьел хIужабазда хурхун цIех-рехалъ кинабгIаги хIасил кьечIин абун хитIаб гьабуна Россиялъул президент Владимир Путиниде 14 октябралда Кремлалда тIобитIараб Гражданияб жамгIият цебетIезабиялъул ва инсанасул ихтиярал цIуниялъул мажлисалъул данделъиялда гьеб идараялъул гIахьалчи ва «Кавказская политика» абураб информагентлъиялъул бетIер Максим Шевченкоца.
Октябрь 14, 2014
Миллияб батIалъиялдаса динияб цолъиялде

Этнолог Дмитрий Опариница ва тарихчи Марат Сафаровас рикIкIунеб буго, Москваялда бусурбабазул аслияб къадар кколеб татаразулги къватIисан, гьездаго гъорлъ Шималияб Кавказалдаса, рачIарал бусурбабазулги гьоркьорлъаби реццизе бегьулел гьечIин. ТIаде рачIараз букIине кколеб къагIидаялда адаб гьабулеб гьечIин бакIалъулал миллатазул диниял гIадатазулин.
Октябрь 06, 2014
"Къокъаб" пагьмуялъ балагьалде рачуна

Экпертазул пикруялда, Сталинил репрессиязул къурбаналлъун милллионал лъугьараб Россиялда сталинизмалде бербалагьи тамахлъулеб буго жакъа.
Сентябрь 30, 2014
Чахъуги къваригIун, къурбанги бокьун...

4-6 октябралда бусурбабаз кIодо гьабизесеб Къурбан-къоялде хIадулъулел руго бусурбабазул дунялалда.
Сентябрь 17, 2014
Прагаялъул къватIазул бакънал

Европаялъул централда бугеб цIакъ гIемер туристал щолеб некIсияб Прагаялъул бакьухъ цо къоялда жаниб нужеда рагIине бегьула анцI-анцI бакъан, батIи-батIиял культурабазул асарал.
Сентябрь 14, 2014
Миллияб политика: проблема буго идара гьечIо

Россиялъул президент Владимир Путиница 8 сентябралда гъулбасана Регионал церетIезариялъул министерлъи биххизабиялъул буюри. ТIадтаразул лъазабиязда рекъон, гали хурхараб буго пачалихъалъул нухмалъиялъул къагIидаби лъиклъизариялда.
Август 17, 2014
"Маххул пардавалде" нахъе халатал галабигун

«Левада-централъ» июлалда тIобитIараб цIех-рехалъ бихьизабулеб буго россиялъулазул бищунго квешаб бербалагьи Цолъарал Штатазде букIин. Гьикъа-бакъаразул 34 проценталъ бищун буго «аслияб къагIидаялда квешаб» бербалагьи бугин абураб жаваб. «Цакъ квешаб» абураб жаваб кьун буго 40 проценталъ. Араб соналъул январалда Цолъарал Штатазде негативияб берблагьи загьир гьабун букIун гьечIо гьикъа-бакъаразул 44 проценталъ гурони.

Загрузить еще

XS

SM

MD

LG