Рубрики

Новость часа

Ашахан Юсупов

Автор Ашахан Юсупов

Сентябрь 13, 2012
Нахъеги хасал операциял

Хамиз къоялъ Дагъистаналъул Унсоколо, Гъизляр ва Хасавюрт мухъазда цадахъгогIадин унел рукIана изну гьечIого яргъид гIуцIаразде данде хасал операциял. Республикаялъул оперативияб штабалъ ва жанисел ишазул идараялъги инкар гьабулеб букIана гьезда сверун баянал кьезе. ГIицIго лъазабулеб буго кIиябго рахъалдаса камиялги лъукъаралги ругин.
Сентябрь 03, 2012
"Лъаларо устарасул васигат кинаб букIарабали"

ЧIикIаса СагIид- Афанди чIвараб къоялъго Россиялъул ва Шималияб Кавказалъул цо-цо экспертаз загьир гьабулеб букIана гьелдаса хадуб Дагъистаналда цо кIудияб багъа- бачари лъугьине бугилан, хIатта цIияб рагъул кор боркьизеги бегьулин гьенибилан. Амма гьеб букIана мекъаб пикру.
Сентябрь 01, 2012
М. ХанмахIамадов: «Нахъе ниж къазе гьечIо…»

Дагестанские Огни шагьаралда къватIибе биччалеб «Площадь Свободы» абураб газеталъул бетIерав редактор ХанмахIамад МахIамадовасде тIадекIанцIи гьабуна шамат къоялъул радалиса. Живго журналистас рикIкIунеб буго гьеб жив викъизе гьабулеб букIараб къасд букIанин кколин жиндайилан.
Август 27, 2012
Миллионазде хьулгун такъсирчилъиялде данде...

Россиялъул жанисел ишазул министерлъиялъ хIисабалде босун буго такъсирчагlазул хIакъалъулъ кинаб бугониги бан кьурав чиясе гIарцудалъун кумек гьабизе. Экспертазул пикруялда, рехсараб къагIида я гьалдаса цебе, я Советияб хIукумат бугеб мехалда халтIизабун букIинчIо вмма бакътIерхьул улкабазда гьеб нусгониги соналъ цебе байбихьун буго хIалтIизабизе ва гьелъ гьениб лъикIаб хIасилги кьун буго.
Август 25, 2012
Дагъистаналъул жамгΙият бикь-бикьун буго

Экспертазул пикруялда, республикаялда машгьурлъулеб буго салафиязулин абулеб гIуцIиялъул багъа-бачари. Гьез гIадахъ росуларо пачалихъалъул къанунал, гIахьаллъи гьабуларо республикаялда тIоритIулел рищиязулъ, исламалъе пайда кьолареб жо щиб гьеб батаниги гьез рикIкIуна хIарамаблъун. Киналха ругел ресал тIалъиялдаги гьездаги гьоркьоб лъугьун ругел дандечIеялъул мисалал лъугIизариялъе?
Август 24, 2012
Спортивияб шавкъ, миллатчилъи, ракIчIегIерлъи - данде кколелда гъоркь хIучч цIай!

«Европаялъул Лига» турниралда тIобитIулеб футболалъул чемпионаталъул рахъалъ иргадулаб Анжиялъул хIаялъухъ балагьизе Москваялде рачIарал МахIачхъалаялъул команадаялъул фанатазде тIа –тIатIалаго гьужумал гьаруна россиялъул миллатчагIаз.
Август 11, 2012
ЦIоралъул магIарулазе вацлъиялъулаб кумек

Гьал къоязда магIарулаз гIумру гьабулеб Гуржиялъул Къварел мухъалде щун рукIана аваразул миллиябгун культурияб автономиялъул вакилзаби. Сапаралъул аслияб мурад букIанин Къварел мухъалда бугеб лъабго росулъ магIарул мацI малъиялъе хIажатал тIахьал гьезухъе щвезариян бицана рехсараб автономиялъул нухмалъулев ШагIбанов Маркъоца. Гьединго гьев ккола Дагъистаналда биччалеб «Новое Дело» газеталъул бетIерав редакторги.
Август 09, 2012
Р.Гереев: «Исламалъул пикру щулалъулеб буго къо бахъанагIан»

Гьанже россиялъул армиялда хъулухъ гьабулел ругел Шималияб Кавказалъул республикаялдаса гIолохъабазе рес щвезе буго рузманалъул как базе аскIор ругел шагьаразул мажгитазде ине.
Июль 31, 2012
Дагъистаналдаса вукIин-Расулил тIоцебесеб «гIайиб»

Москваялъул Замоскворецкий абулеб диваналъ итни къоялда х1укму гьабун буго диваналъул процессалде х1ал гьабун чанго нуг1 вачине. Гьенир унел руго рагъулаб самбоялъул рахъалъ дунялалъул чемпион Мирзаев Расулил ишалъухъ гlенеккиял.
Июль 26, 2012
Рохьоре унезул къадар щай дагьлъулареб?

АнцIго соналъ цебе республикаялда ахIвал-хIал гIодобе биччан бугилан тун букIанин, амма мекъи кканин нижилан мукIурлъулев вуго Дагъистаналъул жанисел ишазул министерлъиялъул нухмалъулев ГIабдурашид МухIамадов.
Июль 26, 2012
ВатIаналъе гIоло цеве вахъине конкуренциялъ квал- квал гьабулеб буго.

Исана Олимпиадаялъул хIаязда гIахьаллъизе вуго гIицIго анлъго дагъистанияв. Эркенаб гугариялъул рахъалъ ГIабдусалам ХIадисов ва Билал Махов. Дзюдаялъул ТIагьир ХIайбулаев ва Мансур Рамазанов, боксалъул МухIамад ГIумаров ва тхэквандоялъул рахъалъ ургуялде вахъине вуго ХIажи ГIумаров.
Июль 18, 2012
Кьурун бахъизе кколеб компенсация

Анлъго соналъ цебего Россиялъул финансазул министерлъиялъ кьезе кколеб букIараб гIарац щвечIев Гумбет мухъаладаса ШайихмухIамадов ШайихмухIамадица диваналде кьуна гьеб идара. 2006 соналъул май моцIалда рарал кутакал чвахунцIадазул хIасилалда гьесулги жеги чангоясулги рукъзабазе зарал ккун букIана доб мехалъ. Дагъистаналъул гIорхъолъа рорчIарал ахIвал-хIалазул рахъалъ министерлъиялъ ккараб заралъул цIех -рехалда рекъон документал хIадурулаго рагIи кьун букIун буго гьезие рецIалил гIарац щвезе бугилан. ХIадур гьарурал кагътазда рекъон гьезие гIарац кьезе кколеб букIун буго Россиялъул Финансазул министерлъиялъ, амма гIарац жакъа къоялъги щун гьечIо.
Июль 17, 2012
"Настоящее время" - гьабсагIаталда лъугьа-бахъунеб

«Настоящее Время» газеталда сверухъ иргадулаб диваналъулаб процесс байбихьана гьал къоязда. Гьаб соналъул апрель моцIалда газеталъул иргадулаб номералда бахъун букIана Россиялъул президентасухъе хъвараб рагьараб кагътил хIакъалъулъ макъала. Гьелъул автор ккола Лак мухъалдаса бакIал раялъулаб комапаниялъул нухмалъулев АхIмадов АхIмад. Президентасухъе рагьараб кагъат хъваялъе гIиллалъун ккун буго 90 абилел соназдасаго АхIмадица нухмалъи гьабулеб гьеб идараялъул къайимлъиялда бугеб кIиго гектар ракьул къанунги хвезабун, гьересиял документалги гьарун Исрапилов Артурица ва гьесул гIагарлъиялъ гьесухъа батIа гьаби. Артур ккола территориалияб цебетIеялъулгун, бакIалъул нухмалъиялъул рахъалъ Дагъистаналъул нухмалъулесда цебе гIуцIараб идараялъул кIудияв.
Июль 16, 2012
Кинаб бугеб инсанасул гΙумруялъул багьа?

АнцΙазарго гъурущ сабаблъун ккараб дагΙба-рагΙиялъул хΙасилаллда кΙиго чи гΙумруялдаса ватΙалъана гьал къоязда Буйнакск мухъалъул Гъафар-Гъумухъ абулеб росулъ. Ι4 июлалъул сардилъ ккана гьеб хΙужа. Гьеб росулъа Ι8 сон барав ГΙалиев Азаматица жиндаго цадахъ цΙалулей гΙолилалъухъа босун букΙун буго нахъе кьезегΙан Ι0 азарго гъурущ . Амма гьоркьоб заман ун хадуб гьес инкар гьабун буго гΙарац нахъбусинабизе. Гьелъул хΙакъалъулъ лъан буго къарзалъе гΙарац кьун букΙарай ясалъул эмен ХΙасанов Мурзабекида. Полициялъул хΙалтΙухъабаз бицунелда рекъон гьес чанго нухалъ лъазабун буго гΙарац босун вукΙарав Азаматил эбел-инсуда гΙарац нахъ буссинабичΙони гьабулеб ишалде жив вачΙунарилан.
Июль 14, 2012
Щибго щибго гIолареб, гIажаибаб Дагъистан...

Шималияб Кавказалъул республикабазда гьоркьоб араб соналда жаниб Дагъистаналъе бищун цIикIкIун биччан бугин федералияб бюджеталдаса гIарац, ва бищун цIикIкIун харжги гьабун бугин лъазабуна Россиялъул ХIисабалъул Палатаялъ гьал къоязда къватIибе кьураб жидерго баяналда.
Июль 12, 2012
Цоял ракьго, ракьилан…

Дагъистаналъул лъарагI миллаталъул вакилзабаз хитIаб гьабун буго Россиялъул президент Владимир Путинихъе. Гьел разиял гьечIо дагьаб цебегIан республикаялъул нухмалъулес жиндирго хитIабалда ракьал хасаб бетIергьанлъиялулаб къайимлъиялде кьезе ругин абуралда. Гьединго гьел разиял гьечIо тIадегIанал хъулухъазде жидер миллаталъул чи виччалев гьечIолъиялдаги.
Июль 10, 2012
БакIалъулал комиссияздаса федералияб комиссиялде

Изну гьечIого яргъид гIуцIаразда гьоркьор рукIун ракълилаб гIумруялде нахъруссине бокьарал гIадамазе гIуцIараб комиссиялъ гьанжелъизегIан гьабураб хIалтIул бицине данделъун рукIана талат къоялъ Москваялда. Данделъи тIобитIана инсанасул ихтияразул рахъалъ улкаялъул президентасда цебе гIуцIараб шураялъуб. Гьединаб комиссия гьанжелъизегIан гIуцIун буго Шималияб Кавказалъул лъабго республикалда, гьелги-Дагъистан, Гъалгъаязул республика ва Карачаево- Черкесия.
Июль 09, 2012
Гьезда туснахърухъ курортин ккун буго

МахIачхъалаялъул тIоцебесеб цIех-рехалъулаб изоляторалъур жанир тIамун ругез тIобитIараб ракъи лъазабиялъулаб акциялде тIадеги цIиял гIадамал рачIанин абураб лъазаби кьуна информалатаз итни къоялъ. Гьез ракъи лъазабун букIиналъул бицунеб букIана араб анкьалдаго.
Июль 07, 2012
Зулмуялъ зулмуялдалъун гурони кьоларо жаваб

Республикаялда ахIвал-хIал хIалуциналда бан Дагъистаналде рехарал къуваталъул идарабазул 800 гIанасев чи кирехун хIебтIизе ругелали жеги чIван къотIун абизе кIаларилан лъазабуна республикаялъул жанисел ишазул идараялъ гьал къоязда, амма экспертазин абун рикIкIунеб буго тIадеги къуват рехунилан гьениб щибниги хисизе гьечIилан.
Июль 05, 2012
Анжиялда сверухъ иргадулаб ахIи-хIур

МахIачхъалаялъул «Анжи» клубалъул фанатазул къукъаялда ракIалда буго шамат къоялъ гIемерав чи гIахьаллъараб митинг тIобитIизе МахIачхъалаялда. Гьеб тIобитIиялъе гIиллалъун ккана гьал къоязда Европаялъул, футболалъул рахъалъ УЕФА абураб гIуцIиялъ къватIисел хIукуматалъул командаялъулгун Анжиялъул рокъосел хIаял Дагъистаналда тIоритIизе изун кьечIолъи.

Загрузить еще

XS

SM

MD

LG