Русулица кьабун чанго къоялдасан азарханаялда хун вук1ана Агафонов абулев г1олилав. Диванханаялъул тIоцебесеб данделъи тIобитIун букIана рузман къолда.
КватIичIого лъагIел тIубала гьеб лъугьа -бахъин ккаралдаса. 2011 соналъул 13 августалда Москаялъул «Гараж» абулеб рекIел гъеялъе данделъулеб клубалда цеве жиндаго цадахъ йикIарай ясалдехун къабихIал рагIаби абурав 19 сон барав Иван Агафоновасда цо нухалда кьабун букIана Расулица. Гьениса щибго ккечIебгIадин рокъове ун вукIарав Агафоновасул чорхол хIал хадуб квешлъула ва азарханаялда лъавуде вачIинчIого чанго къоялдасан хола.
Доб мехалъ цIех- рех байбихьун хадуб Мирзаевасде гIунтIизабулеб букIана Такъсир гьабиялда сверун кодексалъул 111-билеб статьялда рекъон гIайиб- гьелда рекъон рес буго гьев 15 соналъ эркенлъудаса махIрум гьавизе.
Гьоркьоб заман индал статья хисизабуна 109- « инсансул гIумруялъе зарал гьаби» абураб статьялде, гьелда бихьизабун туснахъалъул кIиго сон, амма гьелдаса хадубги нахъойги хисизабуна тIоцебе гIунтIизабулеб букIараб гIайибалде.
Рузман къоялда тIобитIараб данделъиялда тIоцеве кIалъазавуна доб къоялъ Иван вачун вачIараб азарханаялъул хIалтIухъан, гьес абуна Агафоновасухъ хал гьабизе кколаанин нейрохирургиялъул азарханаялда, амма гьениб бакI букIинчIого гьезухъе вачIун вукIанин гьев вачунин.
Гьелдаса хадуб сурав босана Расулида цадахъ йикIарай гIолилай Косогорова Аллахъа. Клубалдаса къватIире гьел рачIун хадуб Иван жиндирго гьаламагъабазда кIалъалеб заманалда гьелда нахъасан рагIун буго мехтарал гIолилазул гьаракь. Нахъехун юссиндал гьей инжит гьаюлеб калам гьабун буго Агафоновас, гьеб рагIун буго Расулидаги. Дуда лъалищин гьай жинда цадахъ йигеблъиян гьикъидал гьес Расулидаги абун руго гьелго рагIаби.
Расулица гьелъухъ жаваб тIалаб гьабидал кIиабизеги такрар гьарун руго. Косогоровалъ бицухъе, Расулица гьесда кьабун буго кваранаб кIаркьалъ, амма Иван гIодов кколев гьелда вихьун гьечIо. Гьеб бихьун буго Расулил гьалмагъ Карапетян Андрейида.
Диваналда гьес бицана жинца тIаде ворхизе кумекги гьабунин гьесие, духъан вилълъун бажарулищан гьикъидал бажарулин жинде щибниги къварилъи гьечIилан жаваб кьунин Иваницайин. Андрейица гьесда абун буго азарханаялде ани лъикIаб букIинин дуеян ва гьелдаса хадув гьев рокъове вилълъун вуго.
Итни къоялъ тIобитIараб диваналъул процессалде ахIун рукIана Иванил хал гьабурав хирург Арутур Кондратов. Хирургас бицаралда рекъон Агафоновасе опрация гьабизе ккараб хIал букIун гьечIо, гьес гьединго тIаде жубалеб буго Расулица кьабиялъул хIасилалда гьесда цIакъго хIинкъи бугеб ругъун лъун букIинчIилан, букIарабани гьесул гьумералъул рукьби рекизе рукIанилан.
Гьединго диваналде ахIун вукIана «Гараж» абураб клубалъул хIалтIухъан Вахтанг Джикияги. Жиндие бокьун букIинчIин Агафоновги гьесул гьалмагъзабиги гьенире риччазе, щайгурелъул гьел цIакъго мехтун рукIанин абун буго гьес. Джикиял рагIабазда рекъон, Иван гьелдаса цевеги кколев вукIун клубалда кколел рагъ -кьалазда гьоркьове.
Нижеца бухьен гьабуна Расулил гьудул, гьевгогIадин рагъулаб самбоялъул рахъалъ цеветIурав спортсмен Завуров Шамилилгун. Гьев кIалъан вукIана дагьав цевегIан телефоналдасан Расулихъе:
Завуров Шамиль: «Гьесулги хьул буго кинабго лъикI ккелилан, гьанжелъизегIанги чанго нухалда нахъе бахъидалха диваналъул процесс, гьебго жо нахъойги такрарлъизеги бегьула. Узухъда, гьесда лъала живго гIайибияв гьечIолъи, гIайиб гьечIолъиги чIезабун къватIиве виччазеги бегьулеблъиги, амма метерго батIияб диваналъ хIукмуги хисизабун нахъойги жанив тIамизе бегьиялда хIинкъиги буго. Гьесда буго дагъистанияв вук1иналъул г1айиб. Гьеб буго бищун кIудияб гIунугтIи. Гьединал хIужабиги тIоцересел гуро, гьеб рогьояб иш буго Дагъистаналъего».
Шамилица жеги абуна жиндир пикруялда кинабго гьадигIан халат бахъинабиялъе гIилла бугин тIоцебсеб иргаялда Расул Дагъистанияв вукIин, батIияб миллаталъул чи вукIаравани цебего лъугIун букIунаанин гьеб диваналъул процессин, ва кIиабилеб иргаялда спорталда жанир Расулица росулел бергьенлъабазе, гьесул бугеб къадру къиматалъеги ургъунго квал-квал гьабиялъул мурадлъунги бихьулин жинда гьеб кинабгойин. ЦохIо Расулие гуребги Дагъитсналлдаса цогидал спортсменазеги гьабулин гьединаб рекIкIин абуна Шамилица.
КватIичIого лъагIел тIубала гьеб лъугьа -бахъин ккаралдаса. 2011 соналъул 13 августалда Москаялъул «Гараж» абулеб рекIел гъеялъе данделъулеб клубалда цеве жиндаго цадахъ йикIарай ясалдехун къабихIал рагIаби абурав 19 сон барав Иван Агафоновасда цо нухалда кьабун букIана Расулица. Гьениса щибго ккечIебгIадин рокъове ун вукIарав Агафоновасул чорхол хIал хадуб квешлъула ва азарханаялда лъавуде вачIинчIого чанго къоялдасан хола.
Доб мехалъ цIех- рех байбихьун хадуб Мирзаевасде гIунтIизабулеб букIана Такъсир гьабиялда сверун кодексалъул 111-билеб статьялда рекъон гIайиб- гьелда рекъон рес буго гьев 15 соналъ эркенлъудаса махIрум гьавизе.
Гьоркьоб заман индал статья хисизабуна 109- « инсансул гIумруялъе зарал гьаби» абураб статьялде, гьелда бихьизабун туснахъалъул кIиго сон, амма гьелдаса хадубги нахъойги хисизабуна тIоцебе гIунтIизабулеб букIараб гIайибалде.
Рузман къоялда тIобитIараб данделъиялда тIоцеве кIалъазавуна доб къоялъ Иван вачун вачIараб азарханаялъул хIалтIухъан, гьес абуна Агафоновасухъ хал гьабизе кколаанин нейрохирургиялъул азарханаялда, амма гьениб бакI букIинчIого гьезухъе вачIун вукIанин гьев вачунин.
Гьелдаса хадуб сурав босана Расулида цадахъ йикIарай гIолилай Косогорова Аллахъа. Клубалдаса къватIире гьел рачIун хадуб Иван жиндирго гьаламагъабазда кIалъалеб заманалда гьелда нахъасан рагIун буго мехтарал гIолилазул гьаракь. Нахъехун юссиндал гьей инжит гьаюлеб калам гьабун буго Агафоновас, гьеб рагIун буго Расулидаги. Дуда лъалищин гьай жинда цадахъ йигеблъиян гьикъидал гьес Расулидаги абун руго гьелго рагIаби.
Расулица гьелъухъ жаваб тIалаб гьабидал кIиабизеги такрар гьарун руго. Косогоровалъ бицухъе, Расулица гьесда кьабун буго кваранаб кIаркьалъ, амма Иван гIодов кколев гьелда вихьун гьечIо. Гьеб бихьун буго Расулил гьалмагъ Карапетян Андрейида.
Диваналда гьес бицана жинца тIаде ворхизе кумекги гьабунин гьесие, духъан вилълъун бажарулищан гьикъидал бажарулин жинде щибниги къварилъи гьечIилан жаваб кьунин Иваницайин. Андрейица гьесда абун буго азарханаялде ани лъикIаб букIинин дуеян ва гьелдаса хадув гьев рокъове вилълъун вуго.
Итни къоялъ тIобитIараб диваналъул процессалде ахIун рукIана Иванил хал гьабурав хирург Арутур Кондратов. Хирургас бицаралда рекъон Агафоновасе опрация гьабизе ккараб хIал букIун гьечIо, гьес гьединго тIаде жубалеб буго Расулица кьабиялъул хIасилалда гьесда цIакъго хIинкъи бугеб ругъун лъун букIинчIилан, букIарабани гьесул гьумералъул рукьби рекизе рукIанилан.
Гьединго диваналде ахIун вукIана «Гараж» абураб клубалъул хIалтIухъан Вахтанг Джикияги. Жиндие бокьун букIинчIин Агафоновги гьесул гьалмагъзабиги гьенире риччазе, щайгурелъул гьел цIакъго мехтун рукIанин абун буго гьес. Джикиял рагIабазда рекъон, Иван гьелдаса цевеги кколев вукIун клубалда кколел рагъ -кьалазда гьоркьове.
Нижеца бухьен гьабуна Расулил гьудул, гьевгогIадин рагъулаб самбоялъул рахъалъ цеветIурав спортсмен Завуров Шамилилгун. Гьев кIалъан вукIана дагьав цевегIан телефоналдасан Расулихъе:
Завуров Шамиль: «Гьесулги хьул буго кинабго лъикI ккелилан, гьанжелъизегIанги чанго нухалда нахъе бахъидалха диваналъул процесс, гьебго жо нахъойги такрарлъизеги бегьула. Узухъда, гьесда лъала живго гIайибияв гьечIолъи, гIайиб гьечIолъиги чIезабун къватIиве виччазеги бегьулеблъиги, амма метерго батIияб диваналъ хIукмуги хисизабун нахъойги жанив тIамизе бегьиялда хIинкъиги буго. Гьесда буго дагъистанияв вук1иналъул г1айиб. Гьеб буго бищун кIудияб гIунугтIи. Гьединал хIужабиги тIоцересел гуро, гьеб рогьояб иш буго Дагъистаналъего».
Шамилица жеги абуна жиндир пикруялда кинабго гьадигIан халат бахъинабиялъе гIилла бугин тIоцебсеб иргаялда Расул Дагъистанияв вукIин, батIияб миллаталъул чи вукIаравани цебего лъугIун букIунаанин гьеб диваналъул процессин, ва кIиабилеб иргаялда спорталда жанир Расулица росулел бергьенлъабазе, гьесул бугеб къадру къиматалъеги ургъунго квал-квал гьабиялъул мурадлъунги бихьулин жинда гьеб кинабгойин. ЦохIо Расулие гуребги Дагъитсналлдаса цогидал спортсменазеги гьабулин гьединаб рекIкIин абуна Шамилица.
