Рубрики

Новость часа

Ашахан Юсупов

Автор Ашахан Юсупов

Март 21, 2014
«Церехъабазул кучIдул» тIехьалъул презентация

МагIарулазул машгьурав бодул цевехъан Рекъав Ражабадинил кечI байбихьула гьал мухъаздалъун. Гьеб кечI рагIичIев чи нилъер умумузда гъорлъ къанагIатги вукIун ватиларо. АхIула гьеб гьанжеги. Амма гьанжесеб гIелалда гьелъул магIнаялъул гъварилъиги камиллъиги халкъияб кочIол машгьурлъиги рагIа-ракьанде щун лъалищали лъаларо. Гьел жакъа батIияб «машгьурлъиялъ» асир гьарун руго.
Март 20, 2014
Крымалъ Дагъистаналъе квал-квал гьабизе бугищ?

Крым Россиялда гъорлъе бачIиналда тIасан чанго батIиял пикраби загьир гьаруна гIадамаз. Киналго гуро рази ругел гьел тарихиял лъугьа-бахъиналдаса. Дагъистаналда ругезул пикрабазул цIех рех гьабуна нижер мухбирас.
Март 14, 2014
Халкъ махIрумлъулеб буго рищияздаса

12 марталда Пачалихъияб думаялда гьоркьоб лъун буго бакIалъулаб нухмалъиялъул хIакъалъулъ законалда хиса-басиял гьариялъул проект. Гьелъ рес кьезехъин буго бакIалъул нухмалъулел рищулелъул халкъалъ гьаркьалги кьун гурел, депутатаз гьаракьги кьун рищулеб къагIидаялъе. Кинаб бугеб гьелда тIасан пикру гIаммал рищиялги тIоритIун рищиязда бергьарал цо-цо бакIалъул нухмалъулезулали лъазе гьелгун гара чIвари гьабуна нижеца.
Март 12, 2014
Логикаялъул цIадирабазда

Дагъистаналъул Хасавюрт мухъалъул Сивухъ мухъалъул гIадамаздаги, Китаялъул инвестораз хIалтIизе рачун рачIарал хIалтIухъабазда гьоркьорги гьал къоязда ккараб тунка-гIусиялъ Дагъистаналде рачIунел инвестициял дагьлъизе ругилан абулеб буго цо-цояз. Амма цо-цо экономистаз рикIкIунеб буго кIудияб квал-квал гьелъул инвесторазе букIине гьечIилан.
Март 08, 2014
Гьай-гьай даимлъаги 8-абилеб март

Ахираб заманалда Дагъистаналда ва дунялалъул цоги цо- цо пачалихъазда хасго цере Совет Союзалде гъорлъе унел рукIарал пачалихъазда хисун буго цо-цо байрамаздехун бербалагьи. Россиялда гIатIидго кIодо гьабулеб руччабазул къо 8 мартги гьединаблъун кколеб буго гьанже. Кинабха бугеб жакъа Дагъистаналда микьабилеб марталдехун бербалагьи?
Март 07, 2014
ХъулухъчагIазул гьересиялъул сангаралда цере

"Пачалихъияб" гьересиялъул сангаралда цере
Март 05, 2014
Багьаби долго руго, щолеб хайир дагь буго

Украиналда бугеб кризисалда базабулеб буго гIемерал экспертаз Россиялда гъурщил багьа гIодобегIан ккей. ГIадат буго гъурущ учузлъанагIан къайи-цIа багьалъулеб. Гьанжеги гьеб багьалъун бугищха гьеб?
Март 05, 2014
Лъеда гъоркье араб гIарац

Унсоколо мухъалъул щуго росдал жамагIат цебегоялдаса нахъе балагьун чIун буго лъеда гъоркье арал ракьазухъ хIукуматалъ рецIалил гIарац кьеялъухъ. Гьез бицухъе, кагъатазда гьеб гIарац цебего кьураблъун бихьизабун буго. Амма гIадамазухъе гьеб щун гьечIо. Гьел росабазул жамагIаталда митинг тIобитIизеги тун букIинчIо 5 марталда.
Март 03, 2014
Элбокъ росулъ бухIун буго ичIго мина

Дагъистаналъул ЦIунтIа мухъалъул Элбокъ росулъ бухIун буго ичIго мина. ГIадамазул чорхое зарал ккарав чи гьечIониги, чанго хъизам хутIана жанире руссине бакI гьечIого. ЦIа ккеялъе гIилла гьабсагIатги чIванкъотIун лъалеб гьечIо.
Февраль 28, 2014
Даимал шагIирал, аза-азар кечI

Дагъистаналъул Хъвадарухъабазул Цолъи гIуцIаралдаса исана тIубала ункъого сон. Гьелда бан гIемерал литературиял данделъаби тIоритIизе ракIалда буго гьезда республикаялда. Дагъистаналда гьоболлъи базе буго Россиялдаса ва къватIиса хIукматалда хъвадарухъабазгун шагIирзабаз. АрбагI къоялъ республикаялъул аслияб китабханаялде ракIарун рукIана хъвадарухъабазул къокъа гьелъул бицине.
Февраль 26, 2014
Пайда гьечIел цIалул идарабазул сияхI халалъулеб буго

Россиялда халат бахъунеб буго пайда гьечIел цIалул идараби къаялъул тадбир. 25 февралалда «Рособоронадзор» абураб гIуцIиялъ баян гьабуна лъай кьеялъул программа билълъанхъизабизе изну кьолеб лицензиялдаса махIрум гьарурал тIадегIанал цIалул идарабазул цIияб сияхI.
Февраль 24, 2014
Цогиги лагъ эркен гьавуна Дагъистаналда

Дагъистаналда гьал къоязда эркен гьавун вуго цоги лагълъуда хIалIтизе тIамун ватарав Подмосковьеялдаса чи. Гьев эркен гьавураб «Альтернатива» къукъаялъ абулеб буго чанго нухалъ тIуризе хIалбихьун хадув полициялъул хIалтIухъабазухъе кквезе щун нахъвуссинавун вугин гьев хIалтIулев вукIараб бакIалде. Амма гьев хIалтIизе тIамун вукIараб бакIалъул хважаинас инкар гьабулеб буго гьел рагIабаздаса.
Февраль 20, 2014
Ракълилал гIадал анкьал кин щварал нилъее?

«Мемориал» абураб инсанасул ихтиярал цIунулеб гIуцIиялъул лъазабиялда рекъон, хамиз къоялда Гъарабудахкент мухъалъул ЦIияб Агъачаул росулъ низам цIунулез, жаниб бомба батанин ва гьеб хIинкъи гьечIеб хIалалда буссинабизе рес гьечIин, лъазабун, кьвагьизабун буго Дадаевазул хъизаналъул рукъ.
Февраль 19, 2014
Депортация: дагъистаниял чияр ракьалда...

23 февраль Россиялда байрам букIаниги, цо-цо халкъазе гьеб ккола пашманаб къо. 1944 соналда гьеб къоялда байбихьана чачаназулгун гъалгъазул депортация. Хадуб гьезул бакIазде хIал гьабун гочинаруна дагъистаниязул цо бутIа. Кинаб букIараб гьезул гIумру чияр ракьазда?
Февраль 15, 2014
Гъолеб бугищ математикаялъе къор?

Россиялъул студентазул цолъиялъ тIалаб гьабулеб буго тIадегIанал цIалул идарабазде лъугьунаго кьезе кколел экзаменазул сияхI хисизабизе бахъараб буюри нахъе бахъизе. Гьедин лъазабулеб буго «Интерфаксалъ». Лъазабулеб буго 12 февралалда къватIибе кьураб улкаялъул лъайкьеялъул министерлъиялъул буюриялда рекъон гIемерисел тIадегIанаб цIалул идарабаз гьенире лъугьунаго кьезе кколел экзаменазул сияхIал хисизаризе кколел ругин. Гьедин школа лъугIулел лъималаз кьезе ккезе руго жал цереккун хIадурлъичIел экзаменал. Гьелдасаги цебе жамгIияталда гьоркьоб унеб букIана пачалихъияб цогояб экзаменлда гьоркьоса математика нахъе бахъулеб бугин бахIсги.
Февраль 14, 2014
Рокьи ккаразул къо

Дунялалъул гIемерал улкабазда 14 февралалда кIодо гьабула мунагьал гьечIев Валентинил яги киналго рокьи ккаразул абулеб къо. Гьеб хурхинабулеб буго лъабабилеб гIасруялъул ахиралда Рималъул империялда христианал хIалхьиялда толел рукIинчIеб мехалда рокьи ккаразда жидерго къагIидаялъ балъго магьари лъолев вукIарав кашиш Валентинил цIаралда. Левада централъул баяназда рекъон, Россиялда рокьи ккун рагIула щибав кIиабилев чиясул. Гьебго заманаялда Узбекистаналда студентазе гьукъун буго гьеб къо кIодо гьабизе. Кинаб бербалагьи бугеб гьеб къоялдехун Дагъистаналда?
Февраль 13, 2014
МахIачхъалаялъул некIсиял къватIал цIигьаризе руго Бакуялъул архитектораз

Гьал къоязда Дагъистаналда сапаралъ буго Азербайжаналдаса архитекторазул къукъа. Гьел ахIун руго Мах1ачхъалаялъул некIиял къватIазе реконструкция гьабизе. Кинаб бугеб гьел ахIиялда т1асан Дагъистаналъул цо-цо архитекторазул пикраби?
Февраль 10, 2014
Студентасе рес буго армиялде инчIого рагъулаб билет щвезе

Студентазе рагъулаб хIадурлъи букIинабиялъул цIияб къагIидаялда тIад хIалтIи байбихьизе руго исана Россиялда. Армиялдеги инчIого рагъулаб ишалъе ругьунлъизе бокьарал студентазе кьезе руго дарсал ва ахIизе руго лъабго моцIалъул рагъулал ругьунлъиязде. Гьезие кьезе буго солдатасул яги хIалхьиялда вугев сержантасул рагъулаб билетги. Гьединаб лъазаби гьабуна итни къоялда Россиялъул улка цIуниялъул министр хисулес.
Февраль 07, 2014
ЦIияб ТIадегIанаб диванхана гIуцIана Россиялда

Россиялъул диваналъулаб гIуцIиялда жанир хиса-басиязде байбихьи лъуна. Президент Путиница гьал къоязда гъулбас лъуна Россиялда цIияб ТIадегIанаб Диванхана гIуцIиялъе. Гьелда гъорлъе ине буго цебеккун батIа тIураб идара хIисабалда хIалтIулеб букIараб арбитражалъулаб диванханаги. Щиб кьезе бегьулеб гьел хиса-басияз ва кинаб бугеб гьелда тIасан экспертазул пикру?
Февраль 05, 2014
Къеркьохъаназул цевехъан чIвана Дагъистаналда

АрбагI къоялъ МахIачхъалаялда чIвана Дагъистаналъул Гъадар мухъалъул изну гьечIого яргъид гIуцIаразул нухмалъулев Джамалудин Мирзаев. Терроралда дандечIараб миллияб комитеталъ лъазабулеб буго араб соналъул декабралда Волгоградалда гьабураб кIиго кьвагьи гьабурал чагIи гьес хIадурун ругилан.

Загрузить еще

XS

SM

MD

LG