Рубрики

Новость часа

Ашахан Юсупов

Автор Ашахан Юсупов

Январь 27, 2014
Олимпиялъул хIаязул цIа Дагъистаналда

Итни къоялъ Дагъистаналде щвана Олимпиялъул хIаязул цIа. «Анжи-Арена» стадионалда дагъистаналъул машгьурал спортсменаз ва республикалъул мустахIикъал гIадамаз бахъана горсвери олимпиадаялъул цIагун.
Январь 27, 2014
Олимпиялъул хIаязул цIа Дагъистаналда

Итни къоялъ Дагъистаналде щвана анкьабилеб февралалда Сочиялда тIоритIизе ругел олимпиялъул хIаязул цIа. Республикаялъул «Анжи-Арена» стадионалда Дагъистаналъул машгьурал спортсменаз иргадал босун чанго горсвери тIобитIана олимпиадаялъул цIагун. ЦIадгун гьури пулеб квачараб къо букIиналде балагьичIого гьеб тадбиралъухъ балагьизе чанго азарго чи вачIун вукIан гьеб къоялъ «Анжи-Аренаялъул» стадионалде. Дагъистаналъ олимпиялъул цIаялда дандчIвай гьабураб куцалъухъ бицунеб буго гъоркьехун.
Январь 24, 2014
Рузман къоялъул кьвагьи

Рузман къоялъ Каспийск шагьаралда автомобилазул цIатари бичулеб станициялда аскIоб ккараб кьвагьиялъул хIасилалда гIадамасе къварилъи ккун гьечIо. Цереккунисел баяназда рекъон, кьвагьи ккун буго гьениб аскIосан унеб букIараб автомобил цIатари жаниб бугеб кIудияб къалиялда тунки ва гьелъул хIасилалда машинаялда цIа рекIин.
Январь 23, 2014
Горсверуда сверизе бугеб Олимпиадаялъул цIа

Январалъул ахиралда Олимпиялъул цIа бачIине буго Дагъистаналдеги. Республикаялъул машгьурал спортсменазул 67 чияс босизе буго гьеб «Анжи Арена» стадионалда сверухъ рекерулаго. Гьеб киналъулго бицана спорталъул министр хисулев Салаудинов Зайналица.
Январь 22, 2014
МахIачхъала – бищун хIинкъигьечIеб шагьар

Дагъистаналъул тахшагьар МахIачхъалаялъе кьун буго гIадамаз гIумру гьабияле ва тIабигIиял балагьаздаса цIуна-къаялъул рахъалъ республикаялда бищунго хIинкъи гьечIеб шагьар абураб цIар. Чанго соналъ цебе гьелъие кьун букIана Россиялъул бищунго лъикIаб шагьар абурабги цIар. Амма доб мехалъ гIемерав чияс гIад-хочI гьабулеб букIана гьединаб хIукму. Гьединабго пикру буго гIемерисел дагъистаниязул бищун хIинкъигьечIеб шагьар абураб цIар МахIачхъалаялъе щвеялда тIасанги.
Январь 21, 2014
Чlаго вугищ Ленин?

«Дир кIудаэмен вукъарухъан вукIана, Ленинги гьесул гьудул вукIана»,- гьединаб букIана МахIачхъалаялъул школлъималаз Эркенлъи Радиоялъул суалалъе кьурал жавабазул цояб. «Ленин щивали лъалищ нужеда»,-ян гьикъулеб букIана нижер мухбир Юсупов Ашаханица тахшагьаралъул тIоцебесеб школалъул байбихьул классазул цlалдохъабазе
Январь 20, 2014
Дагъистаналда къана ичIабилеб банк

Итни къоялъ Россиялъул Централияб банкалъ лицензиялдаса махIрум гьабуна «Имбанк» абулеб банкалъул Дагъистаналда бугеб филиал. Нижехъе щварал баяназда рекъон банк къаялъе гIиллалъун ккун буго гьелда хадуб 20 миллион гъурщил налъи букIин. Щай Дагъистаналда цо-цоккун къалел ругел хасал бетIергьанлъиялъулал банкал, гьел гьечIого лъикIиш яги квешиш, гьел ва цогидал суалазда тIасан банкалъул эксперталгун гара-чIвари гьабуна нижеца.
Январь 16, 2014
ХIукуматалъ нух кьолеб буго эркенаб прессаялъе

Регионалиял газетал хIукуматалъул къайимлъиялдаса ратIаги гьарун хасал бетIергьанлъиялъул нухмалъиялде кьезе кколилан рикIкIунеб буго россиялъул хIукуматалъул нухмалъулев Дмитрий Медведевас. Улкаялъул тIасавищарав 10 журналистазе премия кьолеб данделъиялда загьир гьабуна гьес гьединаб пикру. Кинаб къимат ккезе бегьулеб пачалихъалъул газетазул гьединал хиса-басияздаса хадуб?
Январь 13, 2014
ЦIализе лъугьунезе цIиял бигьалъаби чIезарун руго

Гьаб соналдаса байбихьун тIадегIанал цIалул идарабазе лъугьунелъул цIиял хиса-басиял гьаризе руго Россиялъул лъай-кьеялъул министерлъиялъ. Москваялъул Пачалихъияб университеталъул ректор Виктор Садовничияс абулеб буго цIалул олимпиадаялда бергьарал ва батIи-батIиял социалиял бигьалъаби ругел гIолилазеги цIализе лъугьунелъул квота чIезабизе кколилан. Гьеб пикруялъул рахъкколеб буго лъай кьеялъул министерлъиялъги батIи-батIиял цIалул идарабазул нухмалъулезеги
Январь 11, 2014
Гьоркьохъел гIасрабазда гIадин...

Дагъистаналъул кирпич къотIулеб заводалда ватун вуго лагъ хIисабалда хIалтIизе тIамурав Белоруссиялдаса чи. Гьезул къватIисел ишазул министерлъиялдаса вакилзабазул жаваб бачIиналъухъ балагьун чIун руго гьев эркен гьавиялда тIад хIалтIулеб «Альтернатива» группа. Гьеб идараялъул вакилас «Эркенлъи» радиоялъе бицунеб буго Дагъистаналъул кирпич къотIулеб заводазда бугеб ахIвал-хIалалъул ва кин гьенир лагъзал гIадин хIалтIулел гIадамал цIикIкIунел ругелали.
Январь 08, 2014
ЕГЭязда видеокамераз хал кквезе буго

Цогояб Пачалихъалъулаб экзамен кьеялда жанир исана раккун руго цо-цо хиса басиял. Гьанже экзамен кьолеб куц бахъизе буго видеокамераялде. Гьединго Дагъистаналъул шагьаразда цIалулел рукIун экзамен кьезе гIололъун росулъе рачIарал цIалдохъабазда хадуб халкквезе буго хасаб коммиссиялъ. Щиб кьезе бегьулеб гьел хиса-басиял гьариялъ?
Январь 06, 2014
Кин гIумру рукIалиде бачинеб?

Терроралда данде гьабулеб къеркьеялъулъ Россиялъул даража цIакъго гIодоб бугин рикIкIунеб буго цо-цо экспертаз. Хасго гьеб якъинго загьирлъанин араб соналъул ахиралда Волгоградалда тIатIалаго гьарурал террактазда хадубин. Кинал галаби гьаризе кколел загьирлъулеб ахIвал-хIал рукIалиде бачине ккани?
Январь 03, 2014
Россиялъул экономикияб букlинисеб

Араб 2013 сон бищун захIматаб букIанин Россиялъул экономикаялъеян рикIкIунеб буго улкаялъул экономистаз. Гьелда цадахъго гIемерго лъикIаб гуреб баян кьолеб буго исанаги Россиялда букIине бугеб экономикияб цебетIеялъе. Мисала гьеб абулеб буго, соналъул авалалдаса байбихьун гъурщил къимат гIодобе ккезе бугин. Кинаб пикру бугеб гьелда тIасан Дагъистаналдаса экономистазул? Бицунеб буго нижер мухбир Юсупов Ашаханица
Декабрь 30, 2013
Волгоград: бидулаб хроника

Талат къоялдаса байбихьун январалъул лъабабилеб къоялде щвезегIан Волгоградалда лъазабун буго чIегIербаялъул къоял. Сордо-къо иналде тIатIалаго гьарурал терактазул хIасилалда гIумруялдаса ватIалъун вуго 30 -ялдасаги цIикIкIун чи. 80 гIанасев чи лъукъун вуго, гьезул бащадал руго захIматаб хIалалда. Шагьаралда лъазабун буго терроралъулаб хIинкъи букIиналъул режим.
Декабрь 28, 2013
ГIабдулмалик чIваялъул цIех-рехалъ диванханаялъул рагьу бахана

Дагъистаналда кватIичIого диваналда цере эхетизе руго «ХIакъикъат» газеталъул жавабияв секретарь АхIмадилов ГIабдулмалик чIваялда щаклъи букIун ккурал кIигоял. Жидецаго гьабураб такъсиралъе гьел мукIурлъанилан абулеб буго цIех-рехчагIаз.
Декабрь 26, 2013
Баркула «баркуларо» тIаде щолеб ЦIияб Сон

Цересел соназдаго гIадин исанаги диниял црехъабаз хитIаб гьабулеб буго ЦIияб Сон кIодо гьабизе бегьуларилан. Мисалалъе Азербайжан республикаялда «Исламияб партиялъул» вакилзабаз лъазабулеб буго цIияб соналъул тIоцебесеб къо дандекколеб бугин бусурбабазул хирияв авараг гьавураб къоялде гьединлъидал тIубанго бегьуларин бусурбабаз цIияб соналда дандчIвай гьабизе. Дагъистаниязул гьелда тIасан бугеб пикруялъул цIех-рех гьабуна нижеца.
Декабрь 24, 2013
«ИнчIони щиб, эбел, дун армиялде…»

ЦIияб соналъул тIоцебесеб январалдаса байбихьун Россиялда хIалтIизе буго армиялде инчIел гIолохъабазе хIалтIизе рес кьолареб къанун.
Декабрь 23, 2013
Къ. Кубасаев: «ЧIвадарухъабазул заманалда кинабго рагьун бицине кIолеб гьечIо»»

Гьаб соналда жаниб монополиялда данде чIараб федералияб хъулухъалъул Дагъистаналда бугеб бутIаялъ пачалихъалъул бюджеталде бакIарун буго 40 миллион гъурущ. Къабул гьабун буго монополиялъул къанун хвезабиялда тIасан 868 гIарза. Амма гьабизе хIалтIи жеги гIемераб бугилан абуна гьеб идараяллъул нухмалъулев Кубасаев Къурбаница лъагIалида жаниб гьабураб хIалтIул бицунаго, итни къоялъ республикаялъул журналистазулгун букIараб дандчIваялда.
Декабрь 21, 2013
Гъ. ГъалбацIов: «Маданият бечед гьабула чIагояб асаралъ.»

ЛъагIел ахиралде щолелъул, унеб соналда республикаялъул маданияталъул бутIаялда жанир рукIарал аслиял лъугьа-бахъиназул хIакъалъулъ къокъабго баян хIадуризе хIукму гьабуна «Эркенлъи» радиоялъ. ГIадамазда бищунго ракIалда чIарал гIадал тадбирал кинал рукIаралали бицунеб буго гъоркьехун.
Декабрь 20, 2013
ХIинкъизе ккелищ шапакъатал кьолеб хIукуматалдаса?

Гьал къоязда Россиялъул хIукуматалъ премияздалъун кIодо гьаруна халкъиял информ алатазул бищунго церетIурал 10 чи. Гьезда гьоркьор руго Дагъистаналъул Черновик газеталъул лъабго хIалтIухъанги. Жиб гIуцIаралдаса нахъе тIалъиялде дандечIараб газета хIисабалда машгьурлъараб басма кин мустIахIикълъараб гьединаб кIудияб шапакъаталъе абураб суал хутIулеб бугин абизе бегьула гIемерисезе балъгояблъун.

Загрузить еще

XS

SM

MD

LG