Дагъистаналда цIияб хIукумат гIуцIана гьал къоязда. Инти къоялъ республикаялъул нухмалъулев ГIабдулатIипов Рамазница гъулбасги гьабун хIукуматалъул министерлъиялда тарал чагIазул сияхI тасдикъ гьабуна. Экспертаз ва политологаз гIатIидго борхулеб буго дагъистаналъул хIукуматалда ккарал хиса-басиязул суал.
Дагъистаналъул жанисел ишазул идараялъ ккун вуго Сириялда унеб рагъулъ гIахьаллъи гьабурав Хасавюрт мухъалъул ЦIиябсасикь росулъа чи. Кинаб гIайиб гьесде гIунтIизабулеб бугебали мухIканал баянал жанисел ишазул идараялъухъа щвечIо.
Дагъистаналъул Дербент шагьаралда лъукъун вуго шагьаралъул аслияб синагогиялъул, ай жугьутIазул мажгиталъул цевехъан. Лъукъарасда тIадекIанцIи гьабуразул лъабгоял рукIанин абулеб буго лъугьа-бахъин ккараб бакIалда аскIоб гIумру гьабун ругез.
МахIачхъалаялъул «Анжи» клубалъул бетIерав тренер Гус Хиддинк гьеб хъулухъалдаса нахъе ана итни къоялъ. Клубалъул нухмалъулез гьесулгун контракт цIигьабуралдаса гIемераб заман букIинчIо. Кинаб ккараб гIилла гьедин ракIалдаго гьечIого голлландиялъул тренерас хъулухъ тезе.
Пачалихъияб Думаялъ кватIичIого хал гьабизе буго Советияб заманаялъго гIадин цIалун рахъарал гIолилазе хIукуматалъ хIалтIи кьезе бегьулеб рес цIигьабулеб къануналъул проекталъул. ХIалтIухъабазул махщалил цолъиялъул федералияб шураялъ загьир гьабуна гьеб пикру парламенталъе. Амма хIукуматалъул хIакимзабаз киназго рахъкколеб гьечIо гьелъул.
Араб гьатIан къоялда Дагъистаналъул Хасавюрт шагьаралда Магъидовасул цIаралда бугеб къотIноб кIиго кьвагьул алат тIатIинабуна низам цIунулез. Кьвагьул алаталда хурхун хIалтIи гьабулел чагIазул кумекалдалъун гьел хадур тIагIинарун руго.
Гьал къоязда Татарстаналъул тахшагьар Казаналда рагIалде рахъунел руго тIолго студентазул спортивиял къецал, универсиадаялъул хIаял. Медалазул бачIиназул рахъалъ рахъалъ Россиялъ гьениб бихьизабуна кIудияб хIасил. ГIаммаб куцалда россиялъул спортсменазе гьениб щун буго 251 медаль, гьезда гьоркьоса 127 меседил.Универсиадаялда лъикIал хIасилал рихьизаруна дагъистаналъул спортсменазги.
АваргIурул рагIалккун магIарухъе унеб бакIалда, ЧIалда лъел электростаниция балеб бакIалдасаги тIадегIан Дагъистаналъулги Москваялъулги археологазул кIудияб къукъа буго араб соналдаса нахъе хIалтIулеб. Азаргоялдасаги цIикIкIун соналъ цере гьенир гIумру гьабун рукIарал гIадамазул чIей букIараб росдал цIех-рех гьабулел руго гьел. Бицанихъе гьеб бакI кколеб буго ГьоцIдерил ГIортIаколоб абулеб ракьалда букIараб некIсияб росу.
Москва гIурулъ гъанкъулей йикIарай кIиго яс хвасар гьаюлаго живго гъанкъарав дагъистанияв РахIматов Маратие пачалихъалъул шапакъат кьезе кколин бицунеб букIана гьеб лъугьа-бахъин ккарал июналъул ахирисел къоязда. Амма гьелдаса хадуб кIиго анкьалдаса цIикIкIун заман араб мехалда гьеб лъугьа-бахъинги Маратил бахIарчилъиги кIочене тезе хIаракат бахъулеб бугин гьеб иш ккараб Звенигородалъул нухмалъиялъин рикIкIунеб буго цо-цо журналистаз. Щай бахIарчи кIочене толев вугев?
Журналистасул хъулухъги низам цIунулел хIалтIухъабазулго гIадин хIинкъи цIикIкараб хъулухълъун рикIкIине кколилан абураб суал цебе лъуна гьал къоязда Пачалихъалъул Думаялъул «Справедливая Россия» партиялъул вакилзабаз. Гьелда рекъон информалатазул вакилзабазде квер борхарал чагIазе гьабулеб тамихI къвакIизабизе буго. Амма цIияб къануналъухъаги бажаризе гьечIин соналдаса соналде такъсирчагIазул бидулаб квердасан камулел ругел прессаялъул хIалтIухъабазул гIумру цIунизеян рикIкIунеб буго хIалбихьи бугел журналистаз.
Россиялъул гIелмабазул академиялда сверухъ кIудияб хиса-баси ккезе бегьула гIагараб заманалда. Пачалихъияб Думаялъ хIадур гьабулеб буго гьеб гIуцIиялъул киналго ихтиярал пачалихъалъул къайимлъиялде гъорлъе унеб къануналъул проект. Амма киналго гIалимзабаз хъуй бахъинабуна гьелда рази гьечIолъиги загьир гьабун. Кинаб къисмат ккезе бегьулеб гьел хиса-басияздаа хадуб?
Дунялалъулго бусурбаби хIадурлъулел руго исламалъул ункъабилеб рукну тIубазабун кIал кквезе. ТIаде щвана хириял лъабго моцIазул цояб Шагьру-Рамазан. Исана гьелъул тIоцебесеб къо ккола июлалъул ичIабилеб, талат къо. ГIадатлъун билълъухъе Дагъистаналда бахIсал къотIун гьечIо жеги кIал кколеб къоялда хурхун. «Эркенлъиялъ» къасд гьабуна гьеб хIужаялда сверухъ лъугьун бугеб ахIвал-хIалалъул хIакъикъат лъазабизе.
Россиялъул армиялде гIолилал ахIиялъул тадбир рагIалде бахъунеб буго. Кинавниги ихдал рагъулаб хъулухъ тIубазе исана ахIун вуго 153 азарго гIанасев чи. Амма гьабнухалъги Дагъистаналдаса гьенире ритIулел чагIазул къадар дагь гьабун буго.
АрбагI къоялъго байбихьараб хасаб операция жегиги халат бахъунеб буго ЦIунтIа мухъалъул ХутIрахъ росулъ. Рузман къоялъ информ.алатаз къватIибе кьуна цевесев къоялъ гьенив чIварав изну гьечIого яргъид гIуцIарав щив вукIаравали.
Дагъистаналъул миллияб политикаялъул, диналъул ва къватIисел бухьеназул рахъалъ вукIарав министр БекIмурза БекIумурзаевасда сверун ракIарарал материалал республикаялъул прокуратураялъ ритIун руго цIех-рехалъул идарабазде гьесда тIад такъсир гьабиялъул иш рагьизе кколищали бихьизе. Гьесда гIунтIизабулеб буго жиндир хъулухъалдаса цIикIкIун пайда босиялъул гIайиб
Регионал социалиябгун-экономикияб рахъалъ цебетIеялъул хIасилал рихьизарулеб рейтингалъул сияхIалда Дагъистан буго бищун ахириял бакIазда. Экспертаз гьелъие рачунел руго батI-батIиял гIиллаби. Гьелда гъорлъ аслияб бакI кколеб буго республикаялда хIалтIи гьечIезул къадар цIикIкIин, харжал кIудиял гьечIолъи ва гьединго ришватчилъиги. Кинал ресал ругел Дагъистаналъе гьеб хъарцинлъиялдаса рорчIизе?
Дагъистаналъул прокуратураялъ тIатинабун буго тахшагьаралъул полициялъул идараялъ чанго миллион гъурщида жаниб гьабураб хIилла-макруялъул хIужа. Официалияб баяналда хъвалеб буго гьеб идараялъул лъабго хIалтIухъан хъулухъалдаса эркен гьавун вугилан. Полициялъул хIалтIухъабазул махщалил цолъиялъул нухмалъулес тIадеги баянал кьуна гьеб хIужаялда тIасан «Эркенлъиялъе».
Лезгиязул жамгIиял церехъабазда ракIалда буго 29 июналда Дагъистаналъул чанго шагьаразда гьединго Москваялда кIудияб митинг тIобитIизе. Гьеб ккола Дербенталъул аслияб къватIалда Азербайжаналъул вукIарав нухмалъулев ХIайдар ГIалиевасул цIар кьеялда дандечIей лъазаби. МитингчагIаз загьир гьарулел ругел аслиял пикрабазул ва Азербайжаналъул рахъалдаса Дагъистаналъул халкъалъе гьарулел цогидалги кIвекIеназул бицунеб буго «Эркенлъи» радиоялъ хIадур гьабураб баяналда.
Дагъистаналъул Пачалихъалъулаб педагогикияб университеталъул профессоралгун мугIалимзабазул къукъа дандечIун буго гьеб цIалул идараялъул цIияв нухмалъулев ГIабдулаев МухIамадида. Гьев ккола республикаялъул хIукуматалъул вукIарав нухмалъулев.
Азербайжан республикаялъул цо-цо хIаракатчагIаз дагIба балеб буго Дагъистаналда хIалтIулеб «Авар ТВ» абураб интернет каналалде. Гьеб интернет ресурсалъул кIудияб хIинкъи бугин жидер республикаялъеян рагьун лъазабулеб буго Азербайжаналъул хIаракатчагIаз. Кинаб хIинкъиялъул гьез бицунеб бугеб ва щибилан абураб гьеб хIужаялда тIасан «Авар ТВ-ялъги» гьединго тарихчагIазгияли бицунеб буго гъоркьехун.
Загрузить еще
