Азерабайжаналъул информалатаз гьабураб лъазабиялда данде официалияб куцалъ жидерго лъазаби гьабуна «Вацлъи» абураб жамгIияб гIуцIиялъги.
Кавказалъул халкъаз кидаго хIаракат бахъулаанин цоцада гьоркьоб рекъел ва вацлъиялъулал гьоркьорлъаби цIунизе гьелъие кIвараб хIаракат бахъулеб бугин жидер гIуцIиялъги, амма гьелъул бакIалда питна бекьизе хIаракат бахъулеб бугин цо-цо республикабазул политиказгиян хъвалеб буго гьеб баяналда.
Аваразул Миллиябгун маданияб автономияго гIадин «Вацлъи» жамгIияб гIуцIиялъги гьабулеб хIалтIи бугин наслабазул тарих цIунизе, магIарулазул миллаталъул тарих бечед гьабизе ва гьеб жакъасеб насалабазе рагьизе. Гьеб кIиябго гIуцIиялъул хIаракаталдалъун рагьараб интернет канал ккола «Авар ТВги».
Гьеб каналалъул хIаракатчилъиялъул хIинкъи бугин Азербайжаналъул республикаялъеян хъвалеб буго veteninfo.az абураб сайталда.
ТIубанго бетIер сверарал чагIиги гьенир хIалтIилел ратиларин гьединлъидал жинда бичIчIизе кIолеб гьечIин кинаб хIужаялде мугъчIвайги гьабун гьез гьединаб лъазаби гьабурабалиян бицана Эркенлъи радиоялъе «Авар ТВ»-ялъул хIалтIухъан Лабазанов МухIамадица.
Жидер каналалъ гьабулеб хIалтIи аслияб куцалда бухьараб бугин магIарулазул маданиятги, тарихги, гIадаталги, мацIалги къокъ гьабун абуни рухIияб бечелъи цебетIезабизелъун гьабулеб халтIуда:
Лабазанов МухIамад: «Гьезул дора ругел магIарулазул лъикIаб яшавги, шартIалги рукIаралани гьабилароан гьез гьединаб лъазаби. ТIокIаб щибиланха абилеб гьел чагIазда.
«Авар ТВ»–ялъги, МагIарулазул миллиябгун маданияб автономиялъги киданиги гьабичIо Азербайжаналъе къварилъи. «Вацлъиялъулги» «Аваразул автономиялъулги аслияб масъала буго магIарулазул миллияб хаслъиги мацIги цIуни. Гьез рицунел харбал руго кьучI гьечIел баянал».
Гьаниб дагьабго баян кьезе ккола гьезул дора ругел магIарулазе лъикI букIарабани гьединал лъазабиял азербайжаналъул республикаялъ гьарилароанилан жиндирго кIалъаялда МухIамадица бицен гьабураб хIужаялъе.
Аваразул Миллиябгун маданияб автономиялъ цIакъ тIадчIун борхулеб суал ккола ЦIоралъул ракьалда гьединго Закатала мухъалдаги ругел магIарулазул суал.
Гьенир ругел магIарулазул гIумру-яшав борхизабиялде ва гьезул ихтиярал цIунизе ккеялъул хIакъалъулъ чанго нухалъ ахIи бахъинабуна Автономиялъ, гIемерал сапарал гьаруна гьез ЦIоралдегун Закатала мухъалде.
Аваразул миллиябгун маданияб автономиялда цадахъ рекъон хIалтIулеб интернет-ресурс кколелъул «Авар ТВ» -ялъги гьел масъалабазе кIвар кьолеб букIин рекIее гIолеб гьечIо Азербайжаналъе.
Гьеб мурадалда жидерго вакиллъи рагьизехъан рагIулин «Авар ТВ» ялъ Гуржиялдагун Азрбайжаналъул ракьалдаян хъвалеб буго гьез жидерго veteninfo.az абураб сайталдаги.
«Авар ТВ» -ялъул вакил МухIамад Лабазановас тасдикъ гьабичIо гьеб баян.
«Авар ТВ»-ялъул хIаракатчилъиялда гьоркьор радикалиял масъалаби ругилан гьез абиялъул гIилла сундалъун букIине бегьулебилан абураб суал нижеца кьуна тарихчи Айтберов Тимурие.
Тарихчиясул хIисабалда Азербайжаналда ругин пантюркизмалъул идеологиялъул гIадамал. Гьеб идеологиялъул мурад бугин киналго бусурбабазда жидерго мацIги кIоченабун турказул мацIги маданиятги босизабизе:
Айтберов Тимур: «Пантюркизмалъул идеологиялъул чагIаз зарал гьабулеб буго Азербайжаналъул республикаялъе, гьез бокьараб гьабизе бегьула, амма нилъеца нилъерго къанунги хвезабиларо, нилъерго тарих, маданият кечI-бакъан рагIизабизе ккола цогидаздаги».
Шималияб Кавказалъул интернет ресурсаз вацлъиялъулал регионазда гьоркьор питна бекьулел хIалтIи гьабулеб бугилан абураб баян цинги гьабун букIун буго Азербайжаналъул ayna.az интернет сайталъ. Гьедин 2010 соналъул январалда гьеб сайталда бахъун букIана Кавказлъул тушбабазе кумек гьабулел интернет ресурсазул халатаб сиях.
Гьеб сияхIалда гьоркьор руго «Вацлъи» абураб жамгIияб гIуцIи гуребги, Дагъистаналъул Динияб идараялъ биччалеб «Ассалам» газеталъул сайтги, Islamdag.ru – Tvchirkey.ru ва цогидаги, 100 гIанасеб сайталъул цIар буго гьениб.
Кавказалъул халкъаз кидаго хIаракат бахъулаанин цоцада гьоркьоб рекъел ва вацлъиялъулал гьоркьорлъаби цIунизе гьелъие кIвараб хIаракат бахъулеб бугин жидер гIуцIиялъги, амма гьелъул бакIалда питна бекьизе хIаракат бахъулеб бугин цо-цо республикабазул политиказгиян хъвалеб буго гьеб баяналда.
Аваразул Миллиябгун маданияб автономияго гIадин «Вацлъи» жамгIияб гIуцIиялъги гьабулеб хIалтIи бугин наслабазул тарих цIунизе, магIарулазул миллаталъул тарих бечед гьабизе ва гьеб жакъасеб насалабазе рагьизе. Гьеб кIиябго гIуцIиялъул хIаракаталдалъун рагьараб интернет канал ккола «Авар ТВги».
Гьеб каналалъул хIаракатчилъиялъул хIинкъи бугин Азербайжаналъул республикаялъеян хъвалеб буго veteninfo.az абураб сайталда.
ТIубанго бетIер сверарал чагIиги гьенир хIалтIилел ратиларин гьединлъидал жинда бичIчIизе кIолеб гьечIин кинаб хIужаялде мугъчIвайги гьабун гьез гьединаб лъазаби гьабурабалиян бицана Эркенлъи радиоялъе «Авар ТВ»-ялъул хIалтIухъан Лабазанов МухIамадица.
Жидер каналалъ гьабулеб хIалтIи аслияб куцалда бухьараб бугин магIарулазул маданиятги, тарихги, гIадаталги, мацIалги къокъ гьабун абуни рухIияб бечелъи цебетIезабизелъун гьабулеб халтIуда:
Лабазанов МухIамад: «Гьезул дора ругел магIарулазул лъикIаб яшавги, шартIалги рукIаралани гьабилароан гьез гьединаб лъазаби. ТIокIаб щибиланха абилеб гьел чагIазда.
«Авар ТВ»–ялъги, МагIарулазул миллиябгун маданияб автономиялъги киданиги гьабичIо Азербайжаналъе къварилъи. «Вацлъиялъулги» «Аваразул автономиялъулги аслияб масъала буго магIарулазул миллияб хаслъиги мацIги цIуни. Гьез рицунел харбал руго кьучI гьечIел баянал».
Гьаниб дагьабго баян кьезе ккола гьезул дора ругел магIарулазе лъикI букIарабани гьединал лъазабиял азербайжаналъул республикаялъ гьарилароанилан жиндирго кIалъаялда МухIамадица бицен гьабураб хIужаялъе.
Аваразул Миллиябгун маданияб автономиялъ цIакъ тIадчIун борхулеб суал ккола ЦIоралъул ракьалда гьединго Закатала мухъалдаги ругел магIарулазул суал.
Гьенир ругел магIарулазул гIумру-яшав борхизабиялде ва гьезул ихтиярал цIунизе ккеялъул хIакъалъулъ чанго нухалъ ахIи бахъинабуна Автономиялъ, гIемерал сапарал гьаруна гьез ЦIоралдегун Закатала мухъалде.
Аваразул миллиябгун маданияб автономиялда цадахъ рекъон хIалтIулеб интернет-ресурс кколелъул «Авар ТВ» -ялъги гьел масъалабазе кIвар кьолеб букIин рекIее гIолеб гьечIо Азербайжаналъе.
Гьеб мурадалда жидерго вакиллъи рагьизехъан рагIулин «Авар ТВ» ялъ Гуржиялдагун Азрбайжаналъул ракьалдаян хъвалеб буго гьез жидерго veteninfo.az абураб сайталдаги.
«Авар ТВ» -ялъул вакил МухIамад Лабазановас тасдикъ гьабичIо гьеб баян.
«Авар ТВ»-ялъул хIаракатчилъиялда гьоркьор радикалиял масъалаби ругилан гьез абиялъул гIилла сундалъун букIине бегьулебилан абураб суал нижеца кьуна тарихчи Айтберов Тимурие.
Тарихчиясул хIисабалда Азербайжаналда ругин пантюркизмалъул идеологиялъул гIадамал. Гьеб идеологиялъул мурад бугин киналго бусурбабазда жидерго мацIги кIоченабун турказул мацIги маданиятги босизабизе:
Айтберов Тимур: «Пантюркизмалъул идеологиялъул чагIаз зарал гьабулеб буго Азербайжаналъул республикаялъе, гьез бокьараб гьабизе бегьула, амма нилъеца нилъерго къанунги хвезабиларо, нилъерго тарих, маданият кечI-бакъан рагIизабизе ккола цогидаздаги».
Шималияб Кавказалъул интернет ресурсаз вацлъиялъулал регионазда гьоркьор питна бекьулел хIалтIи гьабулеб бугилан абураб баян цинги гьабун букIун буго Азербайжаналъул ayna.az интернет сайталъ. Гьедин 2010 соналъул январалда гьеб сайталда бахъун букIана Кавказлъул тушбабазе кумек гьабулел интернет ресурсазул халатаб сиях.
Гьеб сияхIалда гьоркьор руго «Вацлъи» абураб жамгIияб гIуцIи гуребги, Дагъистаналъул Динияб идараялъ биччалеб «Ассалам» газеталъул сайтги, Islamdag.ru – Tvchirkey.ru ва цогидаги, 100 гIанасеб сайталъул цIар буго гьениб.
