Дагъистаналъул жанисел ишазул идараялъухъа мухIканал баянал щвечIо Эркенлъи радиоялъухъе. Пресс-хъулухъалъул нухмалъулей ГIубайдатова Фатинаца абуна хIалтIудаса рахъарал гIадамал щал, щиб хъулухъалда рукIарал чагIияли чIванкъотIараб баян жеги жидехъеги щвечIилан. МахIачхъалаялъул жанисел ишазул идараялда араб соналдаго байбихьараб халгьабиялъул хIасил кколилан бицана Фатинаца. Кинабниги гьеб халгьабиялъул хIасилалда батун буго гIарац бикьа-къотIиялъул хIалтIуда жаниб 30 къанун хвезабиялъул хIужа.
Бикъараб гIарцул гIаммаб къадар ккола 28 миллионги 242 азаралда хадуб гъурущ. Гьеб хIужаялда тIасан тIубанго батIияб баян кьуна «Эркенлъи» радиоялъе полициялъул хIалтIухъабазул махщалил цолъиялъул нухмалъулев Шамилов МухIамадица Тахшагьаралда ругел киналниги полициялъул, хасал къукъабазул, къватIазда гIадлу-низам чIезабиялъул хъулухъалъул киналго хIалтIухъабазе кьезе кколеб гIарац бикьа-къотIулеб идара буссинабунин МахIачхъалаялъул жанисел ишазул идараялде. Амма хIакъикъаталдайин абуни гьезиеги кьечIого жидерго хасал мурадазе бикъизе гIололъун гьабунин гьеб хIалтIиян абулеб буго Шамиловас. Къануналда рекъон абуни гьел щвезе кколел гIадамал батIиял рукIанин.
Шамилов МухIамад: «БатIи-батIиял хасал операциязда гIахьаллъиги гьабуралъухъ жидее кьезе кколеб гIарац командирзабаз кваналеб бугилан жидерилан абун дида аскIоре рачIарал чагIазул гIарза дица кьуна министрасухъе гьалъул миллат гьабейин гьал гIолохъабазул гIарацги нахъбуссинабизе тIалаб гьабейилан. ХIакъикъаталдайин абуни щибниги цIех-рехцин гьабичIого нахъбуссинабуна гьеб гIарза гьелда гъорлъ кIвар бугел хIужаби гьечIиланги абуна. ГIарза хъварал 25 чиги хIалтIудаса эркен гьавуна гьез. Гьанже заманаялдасан Москваялдасан дихъе бачIараб кагътида букIана хъван нухазда хIинкъи гьечIолъи чIезабиялъул хъулухъалъул хIалтIухъабазул, хIалтIуда жанир лъикIал хIасилал рихьизарурал чагIазе кьезе кколеб 37 миллион гъурущ гIарац букIанин гьебилан. Гьеле гьеб гIарацги бикъун кванан тIагIинабуна Дагъистаналъул МВД-ялъ».
МахIачхъалаялъул жанисел ишазул идарялда гIарцуда жаниб гьабураб гIала –гъважаялъул цIех рех гьабиялъул материал цIех рехалъул комитетаталъул Дагъистаналда бугеб бутIаялде битIун бугилан хъвалеб буго Дагъистаналъул прокуратураялда. Гьезухъе гьеб цебего битIун букIанин, амма такъсир гьабиялъул иш рагьичIин гьезилан абулеб буго Шамиловас, гьанже рагьулеб батани гьебги цо кIудияб лъугьа-бахъин бугин. Такъсир гьабиялъул иш рагьичIого букIине цIех-рехалъул комитеталъеги миллион гъурущ ришваталъул кьун бугилан букIанин хабар.
Гьеб кинабго баян гьабураб хIакъикъат битIун буго Шамиловас чанго нухалъ россиялъул жанисел ишазул министерлъиялъухъе.
Шамилов МухIамад: «Къоло щуго чияс гъулбасараб кагъат лъабго нухалъ битIана ва лъабабго нухалъ нахъбуссун бачIана. Дирго вас гьоркьов вукIиналъ тIокIабги битIизе кIвечIоха.
ЭР: Ахирисеб нухалъ кида битIун букIараб гIарза?
Шамилов: «КIиго лъабго моцIгIан мех бана лъабабизеги нахъбуссинабуралдаса. ТокIабги гьелде кIвар кьезе кколеб хIажалъи бихьулеб гьечIилан абун буго министрас гьелде. Бугеблъи рихьизарулел баянал руго дихъ."
Черновикалъул сайталда гIемерал комментариял тун руго гIадамаз тахшагьаралъул жансиел ишазул идарялда ккараб хIужаялда тIасан. Гьениб бащадалдасаги цIикIкIун гIадамаз гьикъулеб буго щайин гьел гIицIго хIалтIудаса эркен гьарурал такъсир гьабиялъул гIайибги гIунтIизабун тамихIалде щайин гьел цIаларелилан. ГIемерисез абулеб буго кинабго гIайиб жанисел ишазул министрасда бугин, гьевги МахIачхъалаялъул мэрасда хадув «Лефортово» ялъул изоляторалде витIизе кколилан.
Бикъараб гIарцул гIаммаб къадар ккола 28 миллионги 242 азаралда хадуб гъурущ. Гьеб хIужаялда тIасан тIубанго батIияб баян кьуна «Эркенлъи» радиоялъе полициялъул хIалтIухъабазул махщалил цолъиялъул нухмалъулев Шамилов МухIамадица Тахшагьаралда ругел киналниги полициялъул, хасал къукъабазул, къватIазда гIадлу-низам чIезабиялъул хъулухъалъул киналго хIалтIухъабазе кьезе кколеб гIарац бикьа-къотIулеб идара буссинабунин МахIачхъалаялъул жанисел ишазул идараялде. Амма хIакъикъаталдайин абуни гьезиеги кьечIого жидерго хасал мурадазе бикъизе гIололъун гьабунин гьеб хIалтIиян абулеб буго Шамиловас. Къануналда рекъон абуни гьел щвезе кколел гIадамал батIиял рукIанин.
Шамилов МухIамад: «БатIи-батIиял хасал операциязда гIахьаллъиги гьабуралъухъ жидее кьезе кколеб гIарац командирзабаз кваналеб бугилан жидерилан абун дида аскIоре рачIарал чагIазул гIарза дица кьуна министрасухъе гьалъул миллат гьабейин гьал гIолохъабазул гIарацги нахъбуссинабизе тIалаб гьабейилан. ХIакъикъаталдайин абуни щибниги цIех-рехцин гьабичIого нахъбуссинабуна гьеб гIарза гьелда гъорлъ кIвар бугел хIужаби гьечIиланги абуна. ГIарза хъварал 25 чиги хIалтIудаса эркен гьавуна гьез. Гьанже заманаялдасан Москваялдасан дихъе бачIараб кагътида букIана хъван нухазда хIинкъи гьечIолъи чIезабиялъул хъулухъалъул хIалтIухъабазул, хIалтIуда жанир лъикIал хIасилал рихьизарурал чагIазе кьезе кколеб 37 миллион гъурущ гIарац букIанин гьебилан. Гьеле гьеб гIарацги бикъун кванан тIагIинабуна Дагъистаналъул МВД-ялъ».
МахIачхъалаялъул жанисел ишазул идарялда гIарцуда жаниб гьабураб гIала –гъважаялъул цIех рех гьабиялъул материал цIех рехалъул комитетаталъул Дагъистаналда бугеб бутIаялде битIун бугилан хъвалеб буго Дагъистаналъул прокуратураялда. Гьезухъе гьеб цебего битIун букIанин, амма такъсир гьабиялъул иш рагьичIин гьезилан абулеб буго Шамиловас, гьанже рагьулеб батани гьебги цо кIудияб лъугьа-бахъин бугин. Такъсир гьабиялъул иш рагьичIого букIине цIех-рехалъул комитеталъеги миллион гъурущ ришваталъул кьун бугилан букIанин хабар.
Гьеб кинабго баян гьабураб хIакъикъат битIун буго Шамиловас чанго нухалъ россиялъул жанисел ишазул министерлъиялъухъе.
Шамилов МухIамад: «Къоло щуго чияс гъулбасараб кагъат лъабго нухалъ битIана ва лъабабго нухалъ нахъбуссун бачIана. Дирго вас гьоркьов вукIиналъ тIокIабги битIизе кIвечIоха.
ЭР: Ахирисеб нухалъ кида битIун букIараб гIарза?
Шамилов: «КIиго лъабго моцIгIан мех бана лъабабизеги нахъбуссинабуралдаса. ТокIабги гьелде кIвар кьезе кколеб хIажалъи бихьулеб гьечIилан абун буго министрас гьелде. Бугеблъи рихьизарулел баянал руго дихъ."
Черновикалъул сайталда гIемерал комментариял тун руго гIадамаз тахшагьаралъул жансиел ишазул идарялда ккараб хIужаялда тIасан. Гьениб бащадалдасаги цIикIкIун гIадамаз гьикъулеб буго щайин гьел гIицIго хIалтIудаса эркен гьарурал такъсир гьабиялъул гIайибги гIунтIизабун тамихIалде щайин гьел цIаларелилан. ГIемерисез абулеб буго кинабго гIайиб жанисел ишазул министрасда бугин, гьевги МахIачхъалаялъул мэрасда хадув «Лефортово» ялъул изоляторалде витIизе кколилан.
