Гьал къоязда Москваялда данделъун рукIана улкаялъул батIи-батIиял регионаздаса информалатазул вакилзаби. «РагIуе эркенлъи» абураб темаялда сверухъ данделъараз борхулеб букIана журналистазул гIумру хIинкъи гьечIеблъун букIинабиялда, эркенаб журналистикаялъул букIиниселда хурхарал суалал. Гьеб данделъиялда хас гьабун бицунеб букIана Дагъистаналда журналистазул хIалтIул хаслъиялъулги.
Эркенал журналистазде гьабулеб тIадецуй цIикIкIунеб буго къо бахъанагIан, гьездехун гIунтIизарулел гIайибазул рикIкIен гIемерлъулеб буго, хIатта экстремистал ругин гьезул гIемериселилан рогьо балеб бугин, тIалъиялъ цIияб нух батизе ккола информалаталъул вакилзаби цIунулеб - аслияб куцалда гьединаб магIнаялъул рукIана гьал къоязда Москваялда тIобитIараб данделъиялда рорхулел суалал.
