Рубрики

Новость часа

ХIажи ХIасанов

Автор ХIажи ХIасанов

Август 13, 2014
Троллал яги гIарцухъ гьерсал хъвалел

Информалатазда ва социалиял интернет-сурсатазда улкаялда жанирги къватIирги Кремлалъ жигарго хIалтIизарулел ругин интернеталда саботаж гьабулел гIадамалин, гIарз гьабулеб буго Магърибалъул информалатаз. Интернеталъул мацIалда гьезде абулеб буго «троллалин». Кинаб мурадалда гьел троллал хIалтIизарулел ругел ва кколищ гьезул хIаракатчилъиялъе кIвар кьезе?
Август 12, 2014
Россиялда раккизе бегьула исламиял банкал

Россиялъул банказул ассоциациялъ загьир гьабулеб буго Россиялъул кредитазул гIуцIиязул хIалтIи низамалде бачиналъул мурадалда «Исламиял финансазул хIакъалъулъ» абураб хасаб федералияб къанун къабул гьабиялда хурхараб инициатива. Щиб гьеб кколеб Исламияб банк ва кинаб гьелдаса пайда букIине бегьулеб улкаялъеги халкъалъеги?
Август 08, 2014
Санкциязул "балалда" тIасан оптимистиял галабигун

Цолъарал Штатаздасаги Евроцолъиялъул улкабаздасаги импорт гьоркьоб къотIизабиялъ Россиялда цо-цоязул иргадулаб нухалда бижинабуна эйфория, цогидазда гьелъ ракIалде щвезаруна чIорогосел тукаби. Кинаб букIине бегьулеб Кремлалъ магърибалде данде гьабулеб экономикияб галиялъул переспектива? Бажаризе бугищ жибго Россиялда камураб продукциялъул бакIалда жиндирго квен-тIех, кванил нигIматал чIезаризе?
Август 07, 2014
Тарихалде буссараб хIужаялъул асар жакъаги буго

15 соналъ цебе чачаналъа рачIун Дагъистаналде тIадекIанцIана Шамил Басаевасул ва Хаттабил яргъид гIуцIарал къокъаби. Гьезул гьужумалде дандечIезелъун тунка-гIусиял унеб бакIазде рачIана тIолабго Дагъистаналдаса гIадатиял гIадамалги. Доб мехалда гьезул гIемерисезда «вагьабиялин» жидеде абулел гIадамал рихьулел рукIана тушбаби хIисабалда. Гьанже гьелдаса нахъе 15 сон лъугIун хадуб жибго Дагъистаналдаги дагьал гьечIо гьезул идеологиялъул рахъ ккурал гIадамал. Кинаб бербалагьи бугеб жакъа гIадамазул 1999 соналъ цебе букIараб хIужжаялде?
Июль 27, 2014
Цо рахъалъе гурони пайда гьечIеб "гьудуллъи"

Гьоркьорлъаби ритIухъаллъун рукIуна гьездаса киналго рахъазе цоцазда бащадаб пайда щолеб бугони. Гурони, рижуна бахIсал яги гьел гьоркьорлъаби ахир-къадги гьоркьор къотIула. Гьедин рикIкIунеб буго Дагъистаналъул жамгIиял хIаракатчагIазул ва журналистазул цо-цояз. Гьез кIвар буссинабилеб буго Москваялъги МахIачхъалаялъги Бакуялъе дагъистаниязе заралгун Дагъистаналде жиндирго асар гIатIилъизабизе ресал кьолел рукIиналде. Кинаб асаралъул ва кинаб заралъул гьениб бицен гьабулеб бугеб?
Июль 18, 2014
"МакьастIа къваригIунаро, къваригIуна "Сарир"

Дагъистаналда курорт баялъул планалдаса инкар гьабуна Россиялъул хIукуматалъ. Гьеб кколарин туризм республикаялдаса цебетIезабиялдаса планал хьибbлалда лъолел ругин абурабин, рикIкIунеб буго цо-цо экономистаз.
Июль 03, 2014
МакьастIа - гIумруялде бахъинабичIеб анищ

Шималияб Кавказалда курортал раялда сверун оптимистияб риторика ва ахIи-хIур цинтIаго гIодобе ккана июналда. Россиялъул хIукуматалъ инкар гьабуна регионалда базе ракIалда букIараб 7 курорталда гъорлъан 4-ялдаса. Экономикияб хIисаб ракIалде босун, проектал гIумруялде рахъинари мекъаб гали букIин щаялиго гьанже гурони бихьун гьечIо тIадтаразда. Гьелъул хIакъалъулъ цо-цо экономистаз абулеб букIун рагIула 2010 соналдаго, ай, курортал гьенир раялъул инициатива загьир гьабизе байбихьараб мехалдаго.
Июнь 15, 2014
ХI. Доного: «Нахъеги балагьун унесда цебе бугеб ккал бихьуларо»

Экпертазул пикруялда, Владимир Путин Россиялъул нухмалъуде вачIаралдаса, улкаялда Совет Союзалъухъ урхъарел гIадамазул къадар чIечIого цIикIкIунеб буго. Цадахъго сталинизмалде бербалагьиги тамахлъулеб буго. Ахирисел соназда Россиялъул нухмалъиялъ цо-цо сферабазда бигьагьабун нахъ буссинабулеб буго советияб заманалъул терминология, атрибутика, гIуцIаби ва «гIадатал». 1944 соналда «КIиабилеб фронт» рагьун 70 сон тIубаялда бан Франциялда тIобитIараб мемориалияб тадбиралда гIахьаллъулеб мехалда, Россиялъул президент Владимир Путиница загьир гьабуна Волгоград Сталинграде буссинабиялде данде жив гьечIевлъиялъул пикруги. Кибе унеб бугеб Россия? Сунде буссунеб бугеб пачалихъ? Бугищ рес Россия цIидаса «маххул пардавалде» нахъе ккезе рес?
Май 08, 2014
Къанунал депутатазул "матIу" хIисабалда

Нижеца халат бахъинабулеб буго кIудияб къокъаялъ «блогеразде данде» бахъараблъун рикIкIараб къануалъул тема. Итни къоялда гьелда гъоркь гъулбас лъуна Россиялъул президент Владимир Путиница. Загьирлъулеб буго гIуралъ жигараб дандерижи.
Май 04, 2014
"Прессаялъул эркенлъи - 2014": Россия рейтингалъул "рачIалда"

Freedom House абураб халкъазда гьоркьосеб инсанасул ихтиярал цIунулеб гIуцIиялъул цIех-рехалъ бихьизабулеб буго прессаялъул эркенлъиялъул даража дунялалда ахирисеб анцIго соналда жаниб минималияб даражаялде ккун букIин. Гьебги щиб, гьеб даража гIодобе ун буго цебе пуланаб прогресс бихьизабулел рукIарал улкабаздацин. 20I3 соналда щибав анкъабилев чиясул гурони рес букIун гьечIо информалатаздаса пайда босизе.
Апрель 18, 2014
Прага динияб байрамалда цебе

Prague before easter
Апрель 13, 2014
Коррупция: демократиялде нух къалеб хIакъикъат

Евроцолъиялъ, Цолъарал Штатаз ва Халкъазда гьоркьосеб валютаялъул фондалъ Украиналъе гьабизе ракIалда бугеб финансазул кумекалъул къадар борцунеб буго долларазул миллиардаз. Амма гьез Киевалда цере лъолел руго пуланал шартIалги. Гьезул аслияб ккола - коррупция «кверзукье боси». Кин гьединаб мурадалде Киев щвезе кколеб? Данде кколищ нилъер улкаялъе коррупциялде данде къеркьолел халкъаздагьоркьосел гIуцIабаз Украиналъеги цогидал пачалихъазеги кьолел рекомендацияби? Рес бугищ Россиялъул нухмалъиялъ коррупциялде данде къеркьеялъул лъикIаб хIалбихьи бугел улкабазул малъа-хъваял къабул гьаризе?
Март 23, 2014
ТIеренаб рукIкIен - кIудияб балагь

Бищун дагь босун миллионгун щунусазарго чи вуго Россиялда героиналда ва цогидал наркотиказда варав. Цо-цо экспетазул пикруялда официалияб статистикаялъ бихьизабуларо наркоманазул хIакъаб къадар, сияхIалде росарал гурони рикIкIунел гьечIолъиялда бан. Гьединаб хIужжа ракIалде босун гьеб къадар чанго нухалъ цIикIкIун букIине бегьулин абулеб буго гьез.
Март 18, 2014
ХутIилищ рагьун Крым Россиялде жанибе араб нуцIа?

Цо-цо политологаз рикIкIунеб буго Крым Россиялде гъорлъе ун хадуб лъугIунарин Украиналъулгун Россиялъул кризисин. Крымалъулазулго гIадаб хIаракат бахъизе бокьарал гIадамал гIемер ругин Укриналъул машрикъалъул регионаздайин. Гьеб гуребги Молдоваялдаса батIалъун лъиданиги бачIоголъи лъазабураб Приднестровьеялъул бутIруз Москваялде хитIаб гьабулеб рагIула, Крым гIадин Россиялъул Федерациялде гъорлъе жиб босизеги къагIида балагьеян гьарун.
Март 04, 2014
Чехиялда кIодо гьаюна дагъистанияй

3 марталда Прагаялда Чехиялъул инсанасул ихтиярал цIунулеб "Къварилъиялде ккарав инсан" абураб гIуцIиялъул "Homo Homini" абураб санайилаб премиялъул лауреатлъун яхъана машгьурай адвокат МухIамадова Сапият.
Март 02, 2014
Авар мацI: оптимизмалъе багьанаби рихьулел гьечIо

21 февраль дунялалда кIодо гьабулеб букIана Халкъазда гьоркьосеб рахьдал мацIазул къо хIисабалда. Нижер хасаб программаялъул гIахьалчагIаз абулеб буго Дагъистаналъул мацIазул бицунеб бугони, гьеб пашманаб къолъун рикIкIине бегьулин.
Февраль 22, 2014
Рахьдал мацI: ургъел ккеялъе багьана буго

21 февраль кIодо гьабулеб букIана Халкъазда гьоркьосел рахIдал мацIазул къо хIисабалда. Гьелда бан Дагъистаналда тIоритIана чанги тадбирал. Рахьдал мацIазул проблема республикаялъе хутIулеб буго цIакъ актуалияблъун.
Февраль 22, 2014
Олимпиадаялда хадуб...

23 февралалда къалел руго Сочиялъул хасалил Олимпиял хIаял. Экспертазул жидерго бербалагьи буго гьеб болжалалде. Гьезул цояз абулеб буго Олимпиадаялда хадусеб къоялъ батичIониги, гьелда хадусеб къокъабго заманалда Россиялъул нухмалъиялъ хисизабизе бегьулин Шималияб Кавказалда билъанхъизабулеб политикайин. Гьенир гIуралъ кIвар бугел хиса-басиял гьаризе бегьулин.
Февраль 11, 2014
Сочи: спортивиял гурел баянал яги квешаб реклама

Сочиялъул Олимпиял хIаял ккола жакъа дунялалъул информалазул ва блогосфераялъул тIоцебесеб тема. Спорт бокьулезул ботIролъ руго, щив вахъине вугев чемпионлъун, лъида бажаризе бугеб бищунго гIемер щапакъатал щвезаризеян абурал суалал. Гьебго заманалда журналистазда кIочонеб гьечIо Олимпиадаялда сверун загьирлъулел битIахъего спорталде хурхен гьечIел гIадамал тамашалъизарулел, ккимизарулел ва ракI хвезабулел лъугьа-бахъинал ва хIужжаби.
Февраль 10, 2014
Кинаб букIараб «Парахалъиялъул» лъабго сон»?

Лъабго соналда жаниб Шималияб Кавказалда загьирлъараб ахIвал-хIалалъул бицунеб бюллетеналъул презентация тIобитIана Москваялда «Мемориал» абураб инсанасул ихтиярал цIунулеб гIуцIиялъ. «Парахалъиялъул» лъабго сонин» жиндие цIар кьураб инсанасул ихтиярал цIунулезул хIалтIи цогидаз рикIкIунеб буго техьлъун ва гьелда рихьизарун руго 2009 соналъул хаслихълъиялдаса байбихьун 2012 соналъулъул хаслихълъиялде щвезегIан регионалда загьирлъарал хIужжаби.

Загрузить еще

XS

SM

MD

LG