Рубрики

Новость часа

Ума ИсхIакъова

Автор Ума ИсхIакъова

Октябрь 22, 2012
«...рачIа, ле, ниж рихьизе!»

ЦIумада мухъалда чIван вуго Калининградалдаса СОБРалъул командир, Гъизляралдаса чияс лъазабулеб буго полициялъ жив толев гьечIин, Дагъистаналдаса чияс лъазабулеб буго жиндир вас викъун вугин, Буйнахъскаялда чIварал яргъидгIуцIарал щалали лъан буго-гьединал рукIана араб анкьалъ Дагъистаналдаса рачIунел цо-цо лъазабиял. Гьеб щибаб мухъалда нахъа буго чиясул къисмат, эбелалъул рекIел бухIи ва бесдал хутIулел лъималазул магIаби.
Октябрь 17, 2012
ХIинкъуге! ХIижаб гIицIго кIаз буго!

ХIижаб ретIиналъулъ кинабгIаги сурукъаб яги бегьулареб жо бихьулеб гьечIо Россиялъул лъималазул ихтиярал цIуниялда сверун президентасул вакил Павел Астаховасда. Гьеб конфликт толерантияб рахъалдехун цIайи цIикIкIинабун лъугIизабизе кколин абуна гьес Ставрополалъул ракьалда цо росдал школалде хIижабал ретIунилан чанго яс цIализе риччалел гьечIин абун прокуратураялде хъвараб гIарзалъе комментарий кьолаго.
Октябрь 15, 2012
Бокьараб жо букIине рес буго жакъа Дагъистаналда

Дагъистаналъул Хъумторхъала мухъалъул Учкент росулъ 13 октябралда чIван вуго 60 сон барав ХIажиев ИсмагIил. Биценазда рекъон, гьев вукIун вуго жундул нахъе хъамулев чи. Дагъистаналда ва Шималияб Кавказалъул цоги республикабазда диниял хIаракатачагIи дагьал гьечIо чIвалел ахираб заманалда. Гьезде дандеккун ХIажиев вукIун вуго салавиязул гIаркьелалъул рахъ ккурав чи.
Октябрь 08, 2012
Ругънаде тIаде цIам...

Шималияб Кавказалъул республикабазул ва хасго Дагъистаналъул азарханабазда гIолел гьечIо унтаразе бакIал. ТIолабго Россиялде дандеккун гьеб проблема регионалда катастрофалде сверулеб буго. Гьедин абуна араб анкьалда россиялъул СахлъицIуниялъул министралъ МахIачхъалаяда букIараб данделъиялда.
Сентябрь 30, 2012
«Эбел, дида тIаса лъугьа, дун жакъа чIвазе ватила!..»

Ахирал къоязда Дагъистаналъул ва Россиялъул цо-цо информалатаз лъазабулеб букIана «рохьове» араб жидерго вас ГIалибегов Ибрагьим тIадвуссинелъун гьесул эбел-инсуца ракъи лъазабун букIиналъул. Эркенлъи Радиоялъе Ибрагьимил эмен Зайнудица абун букIана васасе гIоло лъазабураб жидер жигьадалда щаклъизе бакI гьечIин. Ракьи лъазабиялдалъун эбел-инсуе къваригIун буго вас кантIизавизе ва жиндирго хъизаналде тIаде рокъове гьев вачIине.
Сентябрь 27, 2012
Арменал Дагъистаналда

Шималияб Кавказалъул территориялда, хас гьабун Дагъистаналда ва Шималияб Осетиялда гIемерал гьечIониги цIунун хутIун руго арменазул тарихиял, кIвар бугел бакIал. Гьелги кколел руго 17-20 гIасрабазда ран рукIарал гьатIанал ай килисаби, хабал ва гIадамаз гIумру гьабулел цо-цо рукъзал. Гьедин лъазабулеб буго дагьаб цебегIан Шималияб Кавказалъул цо-цо республикабазде щварав Армениялъул Архитектура лъазабиялда сверун жамгIияб идараялъул нухмалъулев Самвел Карапетяница.
Сентябрь 26, 2012
ГIалибегов: «Васасе гIоло лъазабураб нижер жигьадалда щаклъи бижуларо»

Жидер цохIого вугев вас Ибрагьим «рохьоса» нахъе вачIинелъун ракъи лъазабун буго Хасавюрталда гIумру гьабулел гьесул эбел-инсуца ГIалибеговал Зайнудиница ва Сапиятица. Информалатаздаса гьез чанго нухалда хитIаб гьабун букIана васасде тIадвуссаян. Ибрагьимил рокъор руго лъадиги лъимерги.
Сентябрь 20, 2012
Далилал гьечlел гlайибал

АрбагI къоялда Прагаялда байбихьана исана ихдал Дагъистаналда ругел террористазе квер-бакъи гьабиялда щаклъи букIунин ккурал болгаралгун дагъистаниязда тIад диваналъул процесс. Диваналда цеве эхетарав анкьго чиясул лъабгоясда гьанже гIунтIизабулеб буго гьереси документал гьари абураб гIайиб, хутIарав ункъгоясда цебе гIунтIизабулеб букIараб Дагъистаналда терроризмалъе квер-бакъи гьаби абураб гIайиб.
Сентябрь 19, 2012
Гьерсихъ жавабчилъиялде цlалеб къануналъул проект

Россиялъул Пачалихъияб Думаялда ракlалда буго «ТIадегIанаб ва ТIадегIанаб цIалул идара лъугIун хадусеб цIалиялъул» абулеб къануналда хиса-басиял гьаризе. Гьелда рекъон рес буго цIалул идарабазде лъугьунаго жидеца кьурал экзаменазда ва жидер документазда хурхун гьересияб информация кьурал студентал гьел идарабаздаса нахъе рехизе.
Сентябрь 09, 2012
Ниж цо халкъ буго

Россиялъул информаАлатазда гIемерал рукIуна Дагъистаналдаса гIурус миллаталъул гIадамал нахъе гочунел рукIиналда сверун макъалаби. ГIурусал гурониги бакIалъул гIадамалги нахъе гочунел ругин гьенисаян жаваб кьола гьединал лъазабиязе республикаялъул статистикаялъул идарабазда. The Jewish Daily Forward абулеб сайталда гьал къоязда кьураб макъалаялда абулеб буго ахираб 20 соналда жаниб Дагъистаналда вукIарав 50 азарго жугьутасул щуазаргогIан чи гурони хутIун гьечIин.
Сентябрь 06, 2012
Сталинил депортация ва гьелъул дандерижи

Сталин заманалда депортация гьабун букlана анцl-анцl халкъазе. Гьезда гьорькор руго Совет Союзалда гlумру гьабун рукlарал немцалги, грекалги, месхетал туркалги, крымалъул татарал ва кавказалъул цо-цо халкъал. Исана 23 февралалда тlубана 63 сон чачаналгун гъалгъаязе депортация гьабуралдаса.
Сентябрь 04, 2012
«Дагъистаналдаса «рохьилал» гьениса ратун гьечlо

Гуржиязул Лопота кIкIалахъ чIварав 11 чиясда гьоркьов вуго чачаназул Ичкериялъул премьерлъун вукIарав Закаев АхIмад цIунулев вукIарав чи. Гьедин лъазабулеб буго «Коммерсанталъ». Гуржиязул Жанисел ишазул минисерлъиялъги абулеб буго Дукваха Душуев абурав чи вугин чIваразда гьоркьовин, амма мухIкан гьабулеб гьечIо гьев Закаев цIунулев чилъун вукIараблъи.
Сентябрь 03, 2012
Шайих чIваялъул жавабчилъи тIаде босун буго радикалаз

Шайих СагIид Афанди чIваялъул жавабчилъи тIаде босун буго «Ар-Рияду-с-Салихlин» жамагIаталъул дагъистаналъул гIаркьелалъ. Гьедин лъазабулеб буго радикалиял сайтазул цоялда.
Август 30, 2012
Лъие кигIан щолеб?

Ахирал къоязда россиялъул ва къватIисел улкабазул информалатаз бицен гьабулеб букIана россиялъул оппозициялъул лидераз хIадурараб цIияб «Галеразда лагъасул гIумру» абулеб докладалъул. Гьелда бан нижеца жакъа бицен гьабулеб буго дунялалъул цо-цо улкабазул президенталгун къиралазе ва Шималияб Кавказалъул цо-цо республикабазул бутIрузе щолеб харжалъул.
Август 30, 2012
ЧІегІер баялъул къо

29 август Дагъистаналда лъазабун букІана чІегІер баялъул къолъун. ЧІикІаре шайих СагІид Апандил гІага божаразе зигара гьабизе рачІунел гІадамазул чІитІир тІолабго къоялъ къокълъулеб букІинчІо. ГІадамаз абулеб буго шайихасул рухІ кІодо гьабун, Дагъистаналда парахалъи чІезабизе жамгІияталъ кІудияб хІаракат бахъизе кколин.
Август 29, 2012
Гуржиялъ Дагъистаналъулгун гIорхъода рагъулаб операция.

Гуржиязул Жанисел ишазул министерлъиялъул лъазабиялда рекъон, дагъистаналъулгун гΙорхъода аскΙобехун бугеб Телави мухъалда тΙобитΙараб хасаб операциялъул хΙасилалда тΙагΙинавун вуго 11 диверсант.
Август 28, 2012
Немцов цlидасан Путиниде данде

Россиялъул президент Владимир Путинил машгьурлъи дагьлъулеб буго ва гьев жиндирго «тахбакIида» тIирун чIун вуго. Гьелъие бугеб аслияб гIиллаги ккола живго ругьунлъараб бечелъиялдаса ва ресаздаса гьесда инкар гьабизе кIолеб гьечIолъи. Гьединаб буго Россиялъул республиканияб партия-ПАРНАСалъул нухмалъиялдаса Борис Немцовас ва «Солидарность» багъа-башариялдаса Леонид Мартынюкица хIадурараб цIияб докладалъул аслияб пикру.
Август 27, 2012
Сахазеги мисалалъе

29 августалдаса 9 сентябралде щвезегIан Лондоналда тIоритIизе руго Паралимпиадаялъул хIаял. Гьезда гIахьаллъи гьабизе буго Шималияб Кавказалдаса микьго атлетас. Гьезул щивасулги рес буго меседил медаль босизе.
Август 19, 2012
Жакъа дида лъалеб гьечIо Дагъистан кинаб бугебали бицине

ЖамгIияталда кколел хиса-басиязул магърибалдехунищ цIайи цIикIкIунеб бугеб машрикъалдехунищали руччабазул ретIа-къаялдасан бихьулин рикIкIуна цоцояз. Жакъа Дагъистаналъул руччабазул ретIа-къаялде яги хьвада-чIвадиялде кIудияб кIвар кьезе ахIула мажгитазул имамазги. Гьезул асаралдалъун букIаниги, жалго кантIун рукIаниги, кин батаниги ахирал соназда жаниб руспубликаялъул руччабазул ретIа-къай хисун буго. ГIемерлъулел руго хIижабал ретIарал, гьебго заманалда руго дагъистаниязе хасиятаб гуреб куцалда чехр рагьараб ретIел ретIаралги. Гьел кIиялго цоцае дандеги кколел гьечIо.
Август 15, 2012
ГIагаразда гьоркьоб ригьин

Кавказалъул цоги регионазде дандеккун Дагъистаналда киданиги гIадаб ишлъун букIинчIо вацгIал-яцгIалалда гьоркьоб ригьин гьаби. Цо-цо гIалимзабазул пикруялда рекъон гьелъие гIиллалъун кколеб букIун буго рикIкIадал мугIрузда гьитIинал росабалъ гIумру гьабун ругел гIадамал цоцалъ хехго гIагарлъулел рукIин ва миграция дагьаб цебесеб заманалда гьеб гIадатияб ишлъун ккей. Амма гьанже миграциялъе ва гIолилаз лъай-хъвай гьабизе ресал цIикIкIараб мехалдаги гьел цересел гIадатал цIунун хутIулел руго ва гьезулъ цо-цоязда лъикIал рахъалги рихьулел руго.

Загрузить еще

XS

SM

MD

LG