Дагъистаналъул Хасавюрт мухъалъул Солнечное росулъа ОтарсултIанов Джамалица босана Лондоналъул Олимпиадаялда эркенаб гугариялъул рахъалъ 55 килограммалде цIайи бахунезул категориялда меседил медаль. Финалалда гьев бергьана Гуржиялдаса Владимир Хинчегашвилидаса.
Дагъистаналъул Гъизилюрт шагьаралдаса ХIайбулаев ТIагьирица Лондоналъул Олимпиадаялда босана дзюдоялъул рахъалъ меседил медаль 100 килограмалде цIайи бахунезул категориялда. Финалалда гьев дандчIван вукIана Пекиналъул олимпиадаялъул чемпион монголав Найдан Туйшинбаяргун.
Дагъистаналдаса ГIисаев Мансурие Лондоналъул Олимпиадаялда бергьаралъухъ кьезе буго 30 млн. гъурущ. Гьедин лъазабуна Челябинскалъул ракьалъул губернатор Михаил Юревичица.
Федерациялъул Шураялъул вице-спикер Александр Торшиница рикIкIунеб буго Россиялда заман щун бугин эркенго хIара къокъаб ярагъ бичизейин ва гьеб суал референдумалде босизе кколин. Гьелда хурхун хIадур гьабураб ва дагьаб цебегIана Федералияб Шураялда къватIибе загьир гьабун букIана 100-гьумералъулаб документ.
Дагъистаналда ахираб заманалда тIоритIулел митингал ялъуни гIадамал рикъиялде данде рукIуна ялъуни коррупция тIагIинабигун ракьалъул суалазда хурхарал рукIуна. Гьеб кIиабилеб магIнаялъул митингазда гуржиязда кумек гьарарал ахIиялги рукIунин хъвалеб буго «Регнум» сайталъул редактор хисулев Константин Казениница гьал къоязда кьураб макъалаялда.
«Первомайский абулеб къотIнор кафеялда цебе гIодове виччан цоцалъ гаргадулев вукIана тIаде балагьун кавказиязул куц-мухъ бугев лъабго гIолилав. Гьезде аскIобе бачIана камуфляж ретIарал хъазахъазул къукъа. Цояс цо рагIи рехун, цогияс цоги рагIи рехун багъарана питна-палхIасил кавказалъулал чIарбиде ккана».- Гьедин кьолел руго «Московский Комсомолец» газетаялъ Кисловодскаялда ккараб гIемерав чи гIахьаллъараб кьаба-тункиялъул нугIасул рагIаби.
Россиялъул пачалихъияб Думаялда рузман къоялда тIосебесеб цIалиялда къабул гьабуна пачалихъиял ва коммерциялъулал гурел идарабазда ай НКОязда сверун къануналда хиса-басиял гьариялда сверун къануналъул проект. Гьелда рекъон къватIисел улкабаздаса грантал щолел идарабазе кьолеб буго «къватIисел пачалихъазул агент абураб статус» .
Наджла ГIали МахIмуд ккола Мисриялъул цIияв президент МухIамад Мурсил лъади. Гьелъие бокьуларо жиндего тIоцеесей ледийин абизе, гьелъ жийго рикIкIуна миллаталъул лагълъун. Гьелъ къанагIатго гурони кьоларел интервьюязул цояб гьабун букIана «Америкалъул Гьаракь» радиоялъ.
Кавказалъул мацlазул цlех-рех гьабулей америкалъул Беркли университеталдаса профессор Николс Джоанница рикlкlунеб буго кавказалъул мацlазе 8000 азарго сон бугин ва гьел магърибалъул цивилизациялъул авалалда рукlанин.
ГIурус ва советиял режиссераз кидаго цIунизе кколеб букIана политикаялда ва маданияталда гьоркьоб баланс. Гьанже Россиялъул хIукуматалъ кино бахъулездехун кавказалъулал лъикIаб рахъалъ рихьизареян гьабураб хитIабалъул ЭР-ялъ цебеги бицун букIана. Кинал рукIарал кавказалъулазда сверун стереотипал гIурус киноялда ва щиб хисизабизе бахъулеб бугеб хIаракат?
«Дагъистаналъул Авиамухъал» абулеб авиакомпаниялъул хважаинлъун «Нафта-Москва» компания букIине рес бугин лъазабуна гьал къоязда Дагъистаналъул нухмалъулев МухIамадов МухIамадсаламица.
Россиялъул Киров икълималъул Демьяново росулъ 22 июналда цоцалъ рагъизе ккун вукIана 60гIан чи-дагъистаниялги бакIалъул гIадамалги. Кафеялда кваналеб бакIалда ккараб дагIба-рагIиялдаса хадуб бухIун буго дагъистаналдаса бизнесменасул кафе. РукIана гьеб тунка-гIусиялъул хIасилалда тIадагьго лъукъаралги. Полициялъ ккун вуго конфликт багъариялда щаклъи бугев кIиго чи жеги кIияв валагьулевги вуго.
Россиялъул халкъалъул 60 проценталъ рикIкIунеб буго Шималияб Кавказалда бугеб ахIвал-хIал хIалуцараб бугин, гьезул 70 % хIинкъулеб буго жал ва жидер гIагарал россиялъул шагьаразда терактазул къурбаналлъун ккезе бегьиялдаса.
Россиялъул статистикияб идараялъул бетIер Александр Суриновас гьал къоязда гьарун руго 2010 соналда гьабун букIараб халкъалъул хъвай-хъвагIаялъул (переписалъул) иргадулал гьоркьохъел хIасилал. Гьезда рекъон, Россиялда гIумру гьабулел гIурусазде ва цоги миллатазде дандеккун Шималияб Кавказалъул регионазда гIумру гьабулел халкъал кколел руго дагь цIалулел, цIикIкIун пачалихъалъул пособиял росулел ва гIемер лъимал гьарулел халкъаллъун.
Мисриялда президентлъун вищарав «Вацал бусурбаби» багъа-башариялъул кандидат МухIамад Мурсица ракьи кьолеб буго тIолабго улкаялъул лидерлъун вукIине. Миллияб телевидениялдасан кIалъалаго Мурсица рагIи кьуна тIолабго мисриялъулазул президентлъун вукIине.
Шималияб Кавказалъул курортал церетIезариялъе 3 млрд доллар кьезе ракIалда буго Китаяла. Гьединаб къотIиялда гъоркь гъулбас лъун буго дагьаб цебе Пекиналда китаялъул DaIian Wanda Groupалъ ва «Шималияб Кавказалъул курортал» абулеб акциячагIазул рагьараб гIуцIиялъ. Рехсараб гIуцIиялъул нухмалъулев Билалов АхIмадица «Коммерсант» газеталъе бицахъе гьеб гIарцул аслияб бутIа ине буго экономикаялъул рахъалъ эркенаб зона гьабизе ракIалда бугеб Дагъистаналъул Каспиялъул гIодоблъиялда ругел мухъаздеги, Сочигун Архыз шагьаразеги.
Моцlгlанасеб заманаялъ цебе таджикистаналдаса анкьго чияс байбихьун буго хlежалъул сапар. Чанго улка къотlун Маккаялде гьез лъелго тезе ккола 4600 километралъул манзил. Гьезда лъалеб букlана гьеб нух бигьаяб гьечlолъи, амма гьезда ракlалдегицин кколеб букlинчlо захlмалъаби хехго гьезда дандчlвазе ругин.
Цензуралде тIадбуссараб Кремлалъе жиндир макъалаби рекIее гIечIеб, гьениса репортажал гьаризе изну кьечIеб ва газеталдаса жий нахъе гьаюраб мехалда жинца хъванин «Кремлалъул диггералъул* маргьаби» абураб тIехьин бицана Елена Трегубовалъ Эркенлъи Радиоялъе. Гьединайлъун авторалда жийго йихьулейги йиго.
Нухлул рагlалда ричари лъугlизабизе тlаде босун буго гьал къоязда чачаназул хlукуматалъ. Мухlканал гурел баяназда рекъон гьелъие гlиллалъун ккун буго республикаялъул бетlер Кадыров Рамзанида нухлул рагlалда ричарулел чагlи сурукъго рихьи. Нухлул рагlалда ричариялъул суал гьеб цо Чачанлъиялъе хасиятаб масъала гуро. Гьединал дагьал гьечlо Кавказалъул цоги регионаздаги тlолабго Россиялдаги.
Махlачхъалаялъул Советский мухъалъул федералияб диваналде гlарза хъван буго адвокат Мухlамадова Сапиятица. Гьелъ цlунулеб буго 1997 соналда Казбек мухъалда контртеррористияб операциялда гlахьаллъарав 19 чиясул мурад. Гьезие къваригlун буго рагъул ишазул ветераналлъун жалго лъазаризе ва Казбек мухъалъул рагъулаб комиссариаталда тlадкъазе гьезие ветераназул документал кьезе.
Загрузить еще
![Гуржия/ Советияб Союз - Актёр Серго Закариадзе (бакьулъ]) Георгий Данелиял "Эбел къварилъуге!" абулеб фильмалда роль хlалев.](https://gdb.rferl.org/8352c855-2359-46a9-a55a-ef203897554c_w100_r1.jpg)
![Гуржия/ Советияб Союз - Актёр Серго Закариадзе (бакьулъ]) Георгий Данелиял "Эбел къварилъуге!" абулеб фильмалда роль хlалев.](https://gdb.rferl.org/8352c855-2359-46a9-a55a-ef203897554c_w66_r1.jpg)
