Рубрики

Новость часа

Алиса Алдашева

Автор Алиса Алдашева

Декабрь 12, 2015
Кинал лъимал рачунел "Лъималазул рокъоса"

2015 сон байбихьаралдаса щунусидаса цIикIкIун бесдалал хъизамазде рачун руго Дагъистаналда. Амма араб соналде данде ккун, гьеб къадар дагьаб кколеб буго. ГьабсагIаталда республикаялда лъимер бачине иргаялда чIарал 600 чи вуго, амма дагъистаниязе цIакъго гIисинал лъимал гурого хъизамалде рачине бокьулел гьечIо.
Декабрь 08, 2015
«Зар гуреб, квер данде бачIине гьечIо гьезда»

«Платон» системаялда данде рахъарал Москваялда гIагар бугеб Химки абураб бакIалдда чадирал чIван чIун руго. Гьез лъазабулеб буго гьединго жидер церехъаби рищун рукIиналъул. «Платон» абураб системаялда данде лъазабураб акциялъул хIасил кинаб букIине рес бугеб; ГIенеккизе рес бугищ тIалъи гIадамазухъ, яги гьеб акциялъул щибго хIасил ккечIогон, гIадамал мукIурлъизейищ ккезе ругел?
Декабрь 07, 2015
Санкциязул данжерижи гIадатиял гIадамазда рагIизе буго

Туркиялъулгун Дагъистаналъул дармил гьоркьолъаби 2015 соналда 30 миллион долларалде рахун руго. Амма 2016 соналъул 1 январалдаса Россиялъ лъазарурал санкцияби сабаблъун гьукъараллъун лъугьине руго Туркиялъан рачIунел кванил нигIматал ва къайи - къоно. ГьабсагIатго Дагъистаналда ричарухъабазузъа Туркиялъ гьабураб къайи нахъе бахъулеб бугин абурал лъазариялги руго.
Декабрь 05, 2015
Кризисалъул кьаби щун хIорлъарал анищал

Россиялда бищунго цебе доллар хиралъиялдалъун ва багьаби рахиналдалъун гIадатиял гIадамазе загьирлъараб экономикияб кризисалъ гьезул гIумрудул планалги хисизаричIого тун гьечIо. Масала Дагъистаналда мина-ракьалда сверун дармилъ гьоркьохъанлъи гьабулел агентлъияз кьолел баяназда рекъон, кризис сабаблъун тIубан дагьлъун буго гIадамазул мина-ракь босизе ругел ресал, гьелъ гьабсагIат буголъиялъул даранги чIун буго. Жакъа МахIачхъалаялда рукъалъул багьа щиб?
Декабрь 03, 2015
МахIачхъала антирейтингалъул тIоцересеб кьерда

Транспорталъул гIадамазе кIудияб хIинкъи бугел регионазул тахшагьаразул цересезул кьерда буго МахIачхъалаги. Масала, 2015 соналда, цересел соназде дандеккун, МахIачхъалаялда нухда ккарал авариязул къадар цIикIкIун буго 24 проценталъ. Гьединаб хIасил ккун буго «Халкъияб экспертиза» абулеб централъ гьабураб цIех-рехалъул. Гьеб ахIвал-хIал гIагараб заманалда жаниб лъикIлъиги щакаб бугин рикIкIунеб буго экспертаз.
Декабрь 02, 2015
«Платоналда» данде акцияби халат рахъунел руго

Москваялде «Платон» системаялде данде гьабулеб тIолгороссиялъул акциялде арал чIахIиял, юк баччулел автомашинабазул къадар мухIканго лъалеб гьечIо. Гьелъие гIиллаги бугила гьенире рорчIиго нахъруссине ккарал ва нухда хутIарал рукIинин абулеб буго шофераз. Жиндир документалги рахъун анин полициялъ Дагъистаналъул гIорхъодаго, документал гьечIого инейин лъугьидал тIад къотIанила гIакIа. ДандечIеялъул акциялда гIахьаллъиларин рагIи кьолеб кагътида гъулбас лъезеги тIалаб гьабулеб букIанин жиндасайин бицунеб буго гьеб акциялъул гIахьалчи Загир СалихIовас.
Ноябрь 30, 2015
«Надирия» мажгит имам гьечIогон хутIана

29 ноябралда «Надирия» мажгиталде рогьалил какде щварал гIадамазда мажгит чIобого батун буго. Дагьаб заманалда социалиял гьиназда тIибитIизабуна Дагъистаналъул муфтияталъул официалияб лъазаби. Гьелда рекъон, мажгиталъул имамлъун тIамун вукIарав МухIаммадрасул СагIадуев гьенисе нахъе вахъун вуго, мажгиталда цIияв имам теялъул суал ва гьев тезе изну тIубан жамагIаталъухъе кьолеб буго.
Ноябрь 28, 2015
ТIасан амру бачIунищ хисулев имам?

МахIачхъалаялда цойги мажгиталда имам хиси тIалаб гьабулеб буго Дагъистаналъул муфтияталъ. Венгерских бойцов къватIалда бугеб мажгиталда имам хиси ва гьенив муфтияталдаса чи тIамизе хIажат букIин муфтияталъ нахъеги бичIчIизабулеб буго къуваталъул идарабаз гьеб мажгитги къазехъин букIиналдалъун.
Ноябрь 26, 2015
Диниябги динияб гуребги идеологиязда гьоркьор...

Гьал къояз Дагъистаналда тIобитIараб Улбузул форумалда республикаялъул нухмалъулев Рамазан ГIабдулатIиповас рорхарал суалазул цояблъун ккун буго культурияб тарбия гьечIолъи.
Ноябрь 24, 2015
"Надирия" мажгиталъул къисмат тIубанго баянлъичIо

24 ноябралда «Надирия» мажгиталъул суал гьоркьоб лъун тIобитIараб пресс-конференциялда салафияз лъазабуна цIияв тарав имамасдаса рази гьечIолъи.
Ноябрь 23, 2015
«Надирия» мажгит: цIияб тарих

МахIачхъалаялъул Котрова къватIалда бугеб салафиязул мажгиталда рузман къоялъ цIияв имам таралдаса гьениб ахIвал хIал хIалуцунеб буго. Мажгиталда гIагар чIезабун буго низамцIунулезул чанго автомашина. Дагъистаналъул салафияз жидер мажгиталда РухIияб идараялъул чи имамлъун тIами къабул гьабулеб буго РухIияб идараялъ мажгит кверщаликье бачин гIадин. РухIияб идараялъ гьеб бичIчIизабулеб буго мажгит къачIогон хутIизе гьабураб галилъун.
Ноябрь 22, 2015
«Дунялалда жужахI батани, дун гьенив вугоха» (1 бутIа)

15 соналъ цебе рагIалде бахъана чачаназул кIиабилеб рагъ. Жакъа республикаялда ахIвал-хIал буго Рамзан Къадировасул администрациялъул тIолабго контролалда гъоркь. Рагъ лъугIана, амма Россиялъул туснахъазда хутIулел руго пачалихъиял къуватазде дандечIеялде кинаб гIаги яги битIахъеб хурхен гьечIел нус-нус чачанал. Туснахъазда гьезие чIезарурал шартIал жужахIалда гIадинал ругин, бицунеб буго жиндирго хасаб программаялда Эркенлъи радиоялъул журналист Амина ГIумаровалъ.
Ноябрь 20, 2015
Нахъеги мажгитазда полициялъулазул рейдал

20 ноябралда МахIачхъалаялда иргадулаб нухалда мажгитаздаса Жанисел ишазул бутIаялде ккун рачун руго гIадамал. Полициялъулаз гIадамазда цадахъ ккун руго Котрова къватIалда мажгиталда рукIарал «Коммерсантъ» изданиялъул журналист ва фотографги.
Ноябрь 19, 2015
«Платоналъул» дандерижи гIадамазда рагIизе буго

Дагъистаналда халатбахъунеб буго халатаб манзилъалъ хьвадулел чIахIиял автомашинабазул хIалтIухъабаз лъазабураб рази гьечIолъияъул акция. 19 ноябралда акция лъазабурал нахъе къотIизе гьенибе цIан буго рагъулаб техника. ГIахьалчагIаз лъазабулеб буго рагъулаз провокацияби гьарулел ругин. ТIолго регионазда чIахIиял автомашинабазда тIад лъолеб бугеб магъалоялъул кьаби щвезе бугин гIадатиял гIадамаздайин абулеб буго акциялда гIахьаллъулез ва экономистаз.
Ноябрь 19, 2015
ГIисинал харжал ва чIахIиял мухьал

Россиялда бищун гIисинал харжар ругел бакIлъун 2015 соналда ккун руго Шималияб Кавказалъул регионал. Гьездаги гъорлъ, бищун ахада буго Дагъистан. ГIисинал харжал ругеб заманалда хIакъикъияб тIаде щолеб мухь Дагъистаналда кIиго нухалъ цIикIкIараб бугин лъазабулеб буго экономистас.
Ноябрь 14, 2015
Франциялда бидул сордо: цо-цо дагъистаниязул пикраби

Парижалда рузман къоялъул сардилъ ккараб трагедиялде гIадамазул аслияб куцалда цоккураб бербалагьи бугониги руго киг1ан ч1валел ругониги бусурбабазул бицунарин абулел пикрабиги, терроралъе г1илла т1алъиялъул политика бугин рикIкIунелги. Амма террор сунцаго рит1ухъ гьабуларн абулезул гьаркьал цIикIкIун рагIунел руго.
Ноябрь 12, 2015
Къадаралде щун вуго шайих МухIаммад Мухтар Бабатов

Дагъистаналда бищун рикIкIунел гIалимзабазул цояв, МухIаммад Мухтар Бабатов къадаралде щун вуго. Гьесул муридзабазул къадар анцIазариде бахун букIнин абулеб буго гьесул цIалдохъабилъун рукIарал имамзабаз. МухIаммад Мухтар цIакъго машгьурав вукIун вуго лъарагIазда гъорлъ.
Ноябрь 11, 2015
Лъималаз инсул жаваб кьолищ гьанже?

Шималияб Кавказалда Россиялъул президентасул ишал кодосев Сергей Меликовас лъазабун буго изну гьечIого яргъидгIуцIаразул хъизамалгун кIвар кьун хIалтIи гьабизе хIажат ккеялъул, хасго гьединал хъизамазда ругел лъималгун, гьел экстремизмалъул асаралда гъоркье ккеялдаса цIунизе.
Ноябрь 10, 2015
Я чIагоязулъ, я хваразулъ гьечIел...

Дагъистаналда изну гьечIого яргъидгIуцIаразде данде абун тIоритIулел цо-цо хасал операциял лъугIараб мехалда гьенир чIваралин абун рехсарал гIадамал рикъун рукIанин, полициялъ вачун арав тIокIав вихьичIин абула цо-цо мехалда гьезул гIагараз. Амма гьебго заманаялда хутIулел руго халатаб заманаялда жидер къисмат лъаларелги. Низам цIунулезул баяназда рекъон, араб соналда республикаялда вилун вуго 130 чи. Мемориалалъ лъазабулеб буго гIагарал рикъиялда хурхун жидехъе бачIараб 300 гIарзаялъул. Гьединазулъ вуго Унсоколо мухъалъул Временный росулъа ХIапизов СултIанбегги.
Ноябрь 09, 2015
Исламофобия дагьлъичIо, гьеб «кьижун» буго

9 ноябрь ккола тIолгодунялалда фашизмалде ва антисемитизмалде данде къеркьолеб къолъун. Амма ахирал соназ дандчIвазе бегьула фашизм бергьараб улкаялда фашизм тIегьалеб бугин абураб пикру. Гьелъие гIиллалъунги кколел руго Россиялда тIоритIулел “ГIурусазул маршалги” гьезул гIахьалчагIазул къадар гIолохъанлъулеб ва гIемерлъулеб букIинги. Россиялда исламофобиялъул хасаб тарих бугин, исламофобияйин абигицин мекъаб бугин рикIкIунеб буго “Новое дело” газетаялъул редактор СагIитовас.

Загрузить еще

XS

SM

MD

LG