Рубрики

Новость часа

Алиса Алдашева

Автор Алиса Алдашева

Ноябрь 05, 2015
"Балъгояб унти", балъгояб гIумру...

Официалияб статистикаялда рекъон, ВИЧ-инфекция бугезул 51 процент Дагъистаналда кколел руго руччаби, аслияб къадар лъимал гьарулеб ригьалъул. ВИЧ-инфекциягун гьарурал лъималазул мухIканаб къадар лъидаго лъалеб гьечIо, гьел хутIулел руго рихьуларел, рахчараллъун.
Ноябрь 04, 2015
Унгогийищ Дагъистаналда гьечIел политикиял элитаби хисизе гIадамал?

Гражданиял инициативабазул комитеталь тIобитIараб мониторингалъул хIасилазда рекъон жамгIияталда жаниб бищун хIалуцараб ахIвал-хIал бугел ва политикияб хIалуцин цIикIкIарал регионазда гъорлъ рехсолеб буго Дагъистанги. Политикиял по экономикиял хIинкъиял Дагъистаналда кидагоги рукIанин, амма бугеб тIалъиялда данде бахъине гIураб хIал бугеб цониги къокъа гьечIила жакъа республиклаялда.
Ноябрь 03, 2015
ЦIияб къанун ва бизнесчагIазул ракIбацIалъи

2016 сон байбихьаралдаса Магъалабазул идараялда хъвай-хъвагIай гьабурал бизнесчагIи магъалабаздаса эркен гьаризе рес буго. Гьединаб къануналъул проект хIадур гьабун буго Дагъистаналъул бетIерас. Гьелдалъун Дагъистаналъул тIалъиялда ракIалда буго рагIдукь бугеб экономика тIагIинабизе.
Ноябрь 03, 2015
"БукIана гьединаб шагьар. Дербент"

Журналист ва шагьаразул тарихчIужу Светлана Анохиналъ бахъараб «БукIана гьединаб шагьар. Дербент» абураб тIехьалъ рес кьолеб буго тарихалде буссараб некIсияб шагьаралъул гІумру цІидасан гІадамазул пагьмуялде нахъ буссинабизе. Дербент шагьаралъул ва гьенир гIумру гьабун рукIл гIадамазул тарих буссун буго берцинаб тІехьалде. Гьелъие кумекги жалго гІадамаз гьабун буго. Басрияб Дербент шагьаралъул ва гIадамазул суратал кьолел руго нижер мухбир Алиса Алдашевалъ хIадру гьабураб галереялда.
Ноябрь 02, 2015
«БукIана гьединаб шагьар. Дербент»

«БукIана гьединаб шагьар» абураб проекталъул автор, журналист Светлана Анохиналъ бахъун буго цIияб тIехь «БукIана гьединаб шагьар. Дербент» абураб цIаралда гъоркь.
Октябрь 29, 2015
МахIачхъалаялдаса базарал гочинарулел руго

МахIачхъалаялда ругел базарал шагьар тун къватIире рахъинаризе хIажат ккеялъул бицен гьабулеб буго шагьаралъул тIалъиялъ иргадулаб нухалда.
Октябрь 28, 2015
ГIадат гьечIо, чIужугIаданалъул ихтияразул бицунеб

Россиялда руччаби ратIа гьариялъул киналго тайпаби тIагIинариялъул Конвенциялъул положениял тIуразариялда тIасан гьабураб докладалъул цебе боси гьабун буго гьал къояз Женева шагьаралда. Гьеб докладалда аслияб бакI кколеб буго Шималияб Кавказалъул руччабазул ихтияразда сверухъ бугеб ахIвал-хIалалъ.
Октябрь 26, 2015
МахIачхъалаялда рагIалде бахъана «Каспий ХIалал Экспо»

25 октябралда МахIачхъалаялда рагIалде бахъана санайилаб «Каспий ХIалал Экспо» абураб выставка.
Октябрь 24, 2015
Дагъистаналъул "ЛъагIалил персона": кин ва лъица баянлъизавулев?

«ЛъагIалил чи» абураб премия тIобитIулеб буго Дагъистаналъул интернет-секторалда. Исана гьеб тIобитIулеб буго кIиабилеб нухалда. Жалго премиялъул гIуцIарухъабаз гьеб халкъияб премия кколин ва мустахIикъал тIаса халкъалъ рищулин абулеб буго, амма халкъалъ гьеб нахъчIвалеб буго.
Октябрь 22, 2015
Пенсиязул фондалда щай цIидасан чIухь бараб?

22 сентябралда Дагъистаналъул Пенсиязул фонд сверун ккун, гьенир чIухьал ралел руго. Гьединго сверун ккун, чIухь балеб бугила Дагъистаналда бугеб Пенсиязул фондалъул нухмалъулев ишал тIуралелъул рокъорги. «Новое Дело» газетаялъул редакторасул пикруялда гьел чIухьал раялъе буго кIиго гIилла.
Октябрь 21, 2015
"Аш-Шамалдаса" - инфекциязул бутIаялде

МахIачхъалаялъул Джума мажгиталда цебе бугеб «Аш-Шам» абураб кафеялда кванан хадур микьго чи азарханаялде ккун руго чохьол унти бахъун. Лъугьа-бахъиналда хурхун тIобитIараб халгьабиялъ тIатинарун руго гьеб бакIалда киналгIаги санитариял шартIал чIезарун рукIинчIолъи.
Октябрь 19, 2015
ГЭСал гIемераб Дагъистаналда...

Шималияб Кавказалъул цогидал регионазда гъорлъ Дагъистан ва Чачан республика кколел руго энергетикияб рахъалъ жагъалал бакIаллъун. Щай кIудияб къадар ГЭСазул бугеб Дагъистаналда энергетикиял квекIенал дандчIвалелал? Гьелъие чанго гIилла бугила.
Октябрь 18, 2015
Эколог: Тарки-Тау шагьаралъул гьуърул ккола

МахIачхъалаялда гIагар бугеб Тарки-Тау мегIералъе кIвар кьун цIунулеб тIабигияб бакIалъул статус кьун буго.
Октябрь 17, 2015
Алиса Ганиева: «Литературияб процесс гьечIо Дагъистаналда»

Дагъистаналдаса хъвадарухъан Алиса Ганиевалъул «Жених и невеста» абураб тIехь «Русский Букер» абураб премиялъул финалалде бачIун буго. Гьеб кколеб буго гIолохъанай хъвадарухъаналъул лъабабилеб тIехь. Романалда бихьизабулеб жакъасеб Дагъистаналъул жуба-гъубаялъул щиб хадуб лъугьинебали нилъеда бараб бугин абулеб буго хъвадарухъаналъ, гьелъул бицунеб бугила тIехьалдаги.
Октябрь 15, 2015
Щвел гьечIелщиназе гIарацги бикьун

Дагъистаналда фермеразе субсидиял риччалеб къагIидаялда хурхун гIемер тIадкIалъаял руго жалго фермеразулги, низам цIунулезул рахъалъги. Фермеразе субсидиял риччаялъул суал кIвар бугеб гIунгутIилъун хутIулеб буго Дагъистаналда. 90 соназдаса байбихьун, росдал магIишаталъул гIуцIаби церетIеялъе риччалел ругин кIуди-кIудиял гIарцал, амма гIарац фермеразул гIуцIаби церетIеялде гуреб, цогидаб щиналде харж гьабулеб бугила.
Октябрь 14, 2015
Хасаб низамалъул хадубрагIи

Генуб росулъ 10 октябралда Терроралда данде чIараб режим лъазабураб заманалда изну гьечIого яргъигIуцIаралгун бухьен букIиналда щаклъи букIун ккун ун руго лъабго чи. Ккуразул гIагараз лъазабухъе, ккун рачун арал рухун руго Жанисел ишазул бутIаялда.
Октябрь 12, 2015
Хасаб низам рагIалде бахъун буго Генуб росулъ

Унсоколо мухъалъул Генуб росулъ рагIалде бахъана терроралда данде чIараб хасаб низам. Изну гьечIого яргъидгIуцIаразул гIага-божарал полициялъулаз сияхIалде росулел ругин абулеб буго бакIалъул гIадамаз. ГIаммаб куцалда, 2007 соналдаса байбихьун халатбахъунеб бугила сияхIазде гIадамал роси Генуб росулъ.
Октябрь 10, 2015
Щиб батулеб бугеб Дагъистаналда туристазда?

«Лента» сурсаталда тIибитIазубана кIиго туристакаялъ Дагъистаналде бухьараб сапаралъ гьабураб асаралъул хIакъалъулъ хъвараб публикация. Аслияб куцалда гьенир къватIирчIвазарулел руго негативиял рахъал ва нухда рукIарал квекIенал. Амма цересел соназде данде ккун, 2015 соналъ Дагъистаналде гIизагIан туристал рачIун руго.
Октябрь 09, 2015
Дотациялъулаб Дагъистаналъе биччалеб гIарац гIолеб гьечIо

Россиялда 2016 соналъ бищун кIудияб къадар дотациязул унеб регионлъун кколеб буго Дагъистан. Кавказ кваназиби чIалгIиналъул бицунеб чанго сон бугониги, жакъа Дагъистаналъул хIакъикъиял хIажатал тIуразе жеги цIикIкIараб гIарац къваригIунин рикIкIунеб буго экспертаз.
Октябрь 08, 2015
Пачалихъияв хъулухъчиясул яхта букIин буссинабизе бегьула балъголъиялде

Россиялъул Федералияб хасаб хъулухъалъ чIахIиял минабазул, самолетазул ва яхтабазул бетIергьабазда хурхараб информация балъгояблъун рикIкIине бихьизабураб къануналъул проекталъул рахъ кколеб буго тIалъиялда. Къанун къабул гьабунани, гьединаб информация лъазе рес щвезе буго гIицIго «пачалихъалъул компетенция бугел идарабазе».

Загрузить еще

XS

SM

MD

LG