Россиялъул шагьаразда иградулаб нухалда багъарун буго мигрантазде ва кавказалъулазде данде гьарулел тадбиразул карачел. Гьелъие формалияб гIиллалъун ккун буго Москваялъул Бирюлево абулеб мухъалда цо гIолилав чIван вати. Полициялъ лъазабулеб буго гьев чIваялда щаклъи бугев азербажанав ккун вугин, амма гьесул гIагарлъиялъ рикIкIунеб буго жидер васасда гIайиб гьечIин. Гьебго заманаялда Санкт-Петербургалда ккун вуго дагъистаналдаса анкьго гIолилав, гьездаго гьоркьор руго гIезегIан машгьурал спортсменалги. Щай Россиялда зама-заманаялда гьулчун рачIунел гьединал «фобиязул» карачелал? Унгойищ улкаялда халкъазда гьоркьоб гьедигIан кIудияб рокьукълъи бугеб, яги гьеб кинабго киналалиго къуватаз жидерго щакал мурадал тIураялъе гIоло гьарулел «хIаялищ»?
