Рубрики

Новость часа

Алиса Алдашева

Автор Алиса Алдашева

Сентябрь 01, 2015
1 сентябрь МахIачхъалаялда

1 сентябрь. Школаби цIидаса лъималаз цIазеруна
Август 31, 2015
Мукъсанаб бугониги щиб харж - бугелдаса нахъе

КIиазарго гIанасел хIалтIи кьолел чагIаз Дагъистаналда хIалтIухъабазе бищун гьитIинаб къадаралдаса гIодебегIан бугеб мухь кьолеб буго. Сунца тIамулел гIадамал цIакъго гIисинал харжазухъ хIалтIизе.
Август 29, 2015
Щай цIалдохъабазул улбуз гIарац бакIаризе кколеб?

ЦIалул сон байбихьигун байбихьулеб буго школазда батIи-батIиял гIиллабаздалъун улбузухъа гIарац бакIари. ГIарац бакIари гьукъун бугониги, улбузул комитетал гIуцIун бакIарулеб буго гьеб школазда.
Август 28, 2015
Рищни-къулалъул контейнерал пропагандаялъул "хъулухъалда"

МахIачхъалаялъул Киров мухъалда Порошенкол, Гитлерил, «Дом 2» абураб телепроекталъул ва долларалъул суратал рахъарал рищни балел къалиял лъеялъ тахшагьар рощнодаса бацIцIад гьабизе бугилан абулеб букIана цебеккун гьеб мухъалъул нухмалъулес.
Август 26, 2015
Давуд Зулумханов: "КьучI бачIого, тIохиш лъолеб?.."

ГIун бачIунеб гIелалъе рухIияб тарбия кьеялъул программа гIуцIизе тIадкъай кьун буго 24 августалда, лъай кьеялъул хIалтIухъабигун букIараб данделъиялда, Дагъистаналъул бетIер Рамазан ГIабдулатIиповас.
Август 24, 2015
ЦIияб цIалул сон: роххиялъе багьанаби дагьал руго...

ЦIалул сон байбихьилалде улбузул аслияб иш буго лъимал школалде рачиналде хIажаталдалъун хьезари. Школалде рачиналде лъималазе ретIел-хьит ва цогидаб хIажатаб къайи боси исана цIакъго бакIлъулеб бугилан абулеб буго улбуз, араб соналде данде ккун багьаби кIиго нухалъ рахун ругилан абулеб буго жалго ричарухъабазги.
Август 22, 2015
Умумуз нилъеде ахIи балеб буго

Дагъистаналдаса тарихчIужу ТахIнаева ПатIиматица гIемерал соназ гьабураб хIалтIул хIасилалъул цо бутIа лъун бугин абизе бегьула гьал къоязда МахIачхъалаялда бугеб Суратал лъолеб музеялда кьурал гьелъул фото-суратазул экпозициялда. Жийго ПатIиматица «Эркенлъи» радиоялъе кьураб интервьюялда абулеб буго аслияб пиша тарих бугониги, фото-суратал рахъизе жий тIамунин гьеб тIагIун, лъугIун унеб бугеб такрарлъи гьечIеб архитекрура суратазда цIунизе ва цогидазда бихьизабизе бокьиялъ.
Август 21, 2015
Каспийскалъул азархана: бицалъ хутIараб ремонт

Каспийск шагьаралъул азарханаялда чанго бутIаялда санитариял шартIал хвезариялъул хIужаби тIатинарун руго Роспотребназоралъ. Азарханаялде 2013 соналъул ахиралдаса бахъун чанго хIакимзаби рачIун руго, цIигьариялъул хIалтIаби гьарун, кколел шартIал чIезаризе рагIи кьун, амма жакъа къоялдеги хисараб жо гьечIилан абулеб буго азарханаялъул хIалтIухъабаз.
Август 20, 2015
Ришватчилъи тIагIинабулел ришватчагIи

2015 сон байбихьаралдаса Дагъистаналда лъабнусидаса цIикIкIун ришватчилъиялъул хIужа тIатинабун так]сир гьабиялъул иш рагьанин лъазабулеб буго Дагъистаналъул прокуратураялъ. Ахираб заманалда цIайи бугел чанго хIакимчагIи кквей тIоцересел галаби ругин ккоррупциялда данде къеркьеялъул, амма гьеб хIалтIи аслияб куцалъ жеги цебе бугилан рикIкIунеб буго экспертаз.
Август 17, 2015
Кинаб бугеб «Имарат Кавказалъул» букIинесеб?

Дагъистаналда хасал операциязда яргъидгIуцIаразул цIаларал ва гIелму щварал церехъаби чIвалел ругин, гьел хисун согIал ва нахъеги чIвай-хъвеялгун кьвагьиял гьарулел рачIине рес бугин абулеб буго цо-цо экспертаз ахираб заманаялда республикаялда кколеб бугелъе комментариял кьолаго. I6 августалъулъ сардилъги Унсоко мухъалъул Генуб росдада сверухълъиялда низам цIунулез чIван вуго Дагъистаналъул мугIрузул секторалъул бетIер Абу Дуджана цIаралда гъоркь лъалев ГIабдуллаев МухIамад. Гьедин лъазабулеб буго низам цIунулез.
Август 15, 2015
Дагъистаналъул рекIарал Манчьжуриялъул мугIрузда

2015 соналъул 15 августалда 110 сон балеб буго Россиялъулгун Япониялъул рагъ лъугIаралдаса. Гьеб рагъул тарихалъул тIанчазда хасаб бакI кколеб буго Япониялъулгун рагъулъ гIахьаллъизе император НикIалай II буюрухъалда рекъон гIуцIараб Кавказалъул рекIаразул бригадаядъ, гьелда гъорлъ Дагъистаналъул рекIаразул полкалъги.
Август 13, 2015
Низам цIунулезул сияхIалде лъималги кколел руго

Низам цIунулезул сияхIазде балугълъиялде рахарал, чIахIиял чагIи гурелги, лъималги росулел рукIиналъул хIужаби ругилан лъазабулеб буго «Мемориал» абураб ихтиярал цIунулеб гIуцIиялъ. Лъимал гьединал сияхIазде росун, гьезда гьитIинаб къоялдаса нахъего экстремистазул цIар чIвалеб бугин, гьелдаго цадахъ сияхIазде роси низам цIунулез бизнесалде сверизабун бугилан абулеб буго экспертаз.
Август 10, 2015
Хунзахъ чуял риччай

8 августалда Хунзахъ тIобитIун буго чуял риччай. Тадбир тIобитIун буго «Сумма» абураб компаниязул къокъаялъул нухмалъиялъул квербакъиялдалъун. Чуязул спорт Дагъистаналда цебегоялдаса нахъе тIибитIараб бугин ва гIолилазул гьелде рокьи базабизе кколин лъазабуна жиндирго кIалъаялда чуял риччаялъухъ балагьизе вачIарав Дагъистаналъул муфтий АхIмад–хIажи ГIабдуллаевас.
Август 08, 2015
Халкъияб махщалил фестиваль Бархъали

Халкъияб махщалил фестиваль тIобитIулеб буго ГIахъуща мухъалъул Бархъали росулъ 7-8 августалда. Бархъали росдал щагIил тIагIалаби гьарулеб махщел тIагIине рес бугеб заманалде рачIун ругин, гьелъ, гьеб махщел цебетIеялъе, росдал гIадамазе квербакъи букIин ва дагъистаниязулги къватIисел гьалбазулги бархъалисезул щагIил кIвар ва хаслъи бичIчIиялъе тIобитIулеб бугила гьеб фестивалилан лъазабулеб буго Дагъистаналъул Культураялъул министерлъиялъ.
Август 07, 2015
ИГИЛ: тIекълъиялъулъ балагьулеб ритIухълъи

«Исламияб пачалихъ» абураб терроралъулаб гIуцIиялде данде рагъ баялъе чIезарурал шартIаз гIемерисеб мехалда гIаксаб асар кьолеб буго. Салафиязде тIадецуй цIикIкIинабиялъ, батIиял пачалихъазул исламиял гIуцIабазулгун гьоркьолъи къотIизариялъ ва гIолилазда хадуб халкквеялъ ахIвал-хIал дагьабги хIалуцинабун гурони кколеб жо гьечIин рикIкIунеб буго экономикияб политикаялда сверун эксперт Ирина Стародубровскаялъ. Сверухъ бихьулеб ритIухълъи гьечIолъи ва цогидаб тIекълъиялъ гIолилал тIамулел ругила гьеб хIакъикъаталдаса кинаб нух батунги тIуризеян рикIкIунеб буго гьелъ.
Август 06, 2015
Тохтураз кумек гьабичIого тарав Билал

МахIачхъалаялъул азарханаялдаса захIматаб хIалалда бугеб, гьабуралдасаго сакъкатлъаби ругеб лъимер рокъобе битIун, тIокIаб агъаз гьабичIого танин абулеб буго лъимадул эмен ТIалхIатов Къурбаница. Гьел къояз лъимер цIидасан азарханаялде къабул гьабун буго жамгIияталъул квербакъиялдалъун, амма щибго тIалаб гьаби гьечIин тохтуразл рахъалдасанилан абулеб буго гьес.
Август 04, 2015
Анжиялъ жавабаде ахIулел руго расистал

«Анжи»-ЦСКА командабазда гьоркьоб 1 августалда букIараб хIаялъулъ ЦСКАялъул рахъ кквезе рачIарал гIадамаз «Анжи»ялъул рахъалде ва тIолго Кавказияздехун инжит-хIакъир гьарулел ахIиял раялда бан ва цогидаб куцалда рокьукълъи загьир гьабиялда тIасан гIарз бахъун буго Россиялъул футболалъул тIалъиялде ва низам цIунулезде «Анжи»ялъул тIалъиялъ. Жидеца тIалаб гьабулеб бугин футбол шовинизмалдаса цIунийилан абулеб буго «Анжи»ялъул нухмалъиялъ.
Август 03, 2015
МухIу ГIалиевасе 75 сон

Дагъистаналъул тIоцевесев президент МухIу ГIалиевасе 75 сон тIубаялда бан Дагъистаналда тIоритIана батIи-батIиял байрамалъулал тадбирал. Жакъа дагъистанияз гьев кIодо гьавулин политик хIисабалда ва гьесул президентлъиялъеги лъикIаб къимат кьолин, амма президентлъиялде гьесул вачIин къабулаб букIинчIин халкъалъейилан абулеб буго цо-цояз. Гьединазул цояв ккола нижер мухбир Алиса Алдашевалъ гара-чIвари гьабурав «Дагъистан» даптаралъул редактор БисавгIалиев МухIамад.
Июль 31, 2015
27 млрд гъурущ биччалеб буго Шималияб Кавказалде

Шималияб Кавказалда социалияб инфраструктура цебетIезабиялъе 27 млрд. гъурущ биччазе бугин 2016 соналде щвезегIанин лъазабун буго ТIалъиялъул нухмалъулев Александр Хлопониница. Дагъистаналда жакъа къоялде хIал кколеб бугин социалияб инфраструктураялде ва цIиял объектал чара гьечIого хIажатал ругилан лъазабулеб буго экспертас.
Июль 28, 2015
Росабалъе нухал къачIазе гIарац биччалеб буго

Росабалъе нухал гьариялъе 82 млн. гъурущ биччан буго Дагъистаналде. Гьеб гIарац харж гьабизе бихьизабун буго росабалъе жанире ва кIвар бугел росдал маг1ишаталъул объектазде росабалъ нухал къачIаялъе. Жакъа къоялде Дагъистаналда микьго мухъ бугин асфальт тIун къачIачIелин абулеб буго экспертас, гьелда тIадеги гIемерисел росабазул нухал цIакъго чIунтIун цIигьари хIажатаб хIалалда ругила.

Загрузить еще

XS

SM

MD

LG