Рубрики

Новость часа

Алиса Алдашева

Автор Алиса Алдашева

Июль 27, 2015
Дербенталдаса Къараханов МухIамад тIагIаралдаса лъабго моцI балеб буго

Дербенталдаса Къараханов МухIамад тIагIаралдаса лъабго моцI балеб бугониги, гьев валагьиялъе низам цIунулез щибго гьабулеб гьечIин абулеб буго виларасул эбелалъ. ТIагIун хадув вагьабиязул сияхIалде жиндир вас восун вукIин лъайдал, ихтиярал цIунулезул ва жамгIияталъул кумекалда гьев валагьизе лъугьун йигила жий.
Июль 21, 2015
Росдал медикал "кIочон" руго хIукуматалда

Росабазул азарханазде тохтурзаби ине рукIиналъе бихьизабураб «Земский доктор» абураб программа гIумруялде бахъинабулаго квекIенал данчIвалел ругила гьеб программаялда рекъон гIарац биччай регионазде тIаде ккаралдаса.
Июль 20, 2015
Экстремизмалде данде къеркьеялъул цIияб "гIатIилъи" - интернет

2015 сон байбихьаралдаса интернеталдасан терроризм ритIухъ гьабиялъул ва рокьукълъи бижибаялъул хIузабазда хурхун 19 такъсир гьабиялъул иш рагьун бугин Дагъистаналдайилан лъазабулеб буго Дагъистаналъул ЦIех-рехалъул комитеталъ.
Июль 18, 2015
Репрессиязул къурбанал: МухIаммад-Къади Дибиров

Дагьаб цебегIан, республикаялъул Миллияб библиотекаялда тIобитIана «Мухамад-Кади Дибиров (Карахский). На изломе веков» абураб тIехьалъул презентация. Гьеб хъван буго ХIажимурад Доногъоца ва ДагьдухIажи Дагьдуевас. XX гIасруялда гIезегIан камиял ккана Дагъистаналда, гIезегIан кьогIлъи бихьана. Гьезда гьоркьор бищунго вахIшиял жал рукIана репрессиял. Расги гIайиб гьечIел чагIигун, ургъун вахъун жиндиего тушмангун къеркьолеб букIана улкаялъул система. Инкъилаб бахъун хадусеб, Советияб ХIукуматги жеги тIубан лъугIичIел соназул тарих хутIулеб бугин лъазабичIеб. Гьел хIабургъараб заманалда жигарчилъи гьабурел рукIарал гIадамазул цояв кколев вуго МухIаммад-Къади Дибировги.
Июль 17, 2015
Дагъистаналда кIалбиччанкъо

17 июлалъ тIолго дунялалда ругел гIемерисел бусурбабаз кIодо гьабулеб буго кIал биччалеб къо, ай Рамазан моцI лъугIи. Дагъистаналда цебеккунго лъазабун букIана кIал биччалеб къо 18 июль бугин, амма цересел къояз социалиял гьиназда ва интернеталда гIемер гIадамаз рази гьечIолъи загьир гьабулеб букIана Дагъистаналда батIа тIун кIал биччалеб къо кIодо гьабулеб букIиналда хурхун.
Июль 16, 2015
ГьоцIдерил ГЭС хIалтIизе биччачIого хутIана

ГьоцIдерил ГЭС хIалтIизе биччай иргадулаб нухалъ нахъ бахъулеб буго. ЦIебеккун лъазабун букIана гьеб 1 июлалъ рагьизе бугин. ХIалтIухъабаз ва бакIалъул гIадамаз абулеб буго гьенир техникиял гIунгутIаби ругин, амма «Русгидро» гIуцIиялъ гьеб информация уяб гьечIин абулеб буго.
Июль 15, 2015
Коррупциялде данде рагъ халат бахъунеб буго

РИА «Дагестан» информ-агентлъиялъул хIалтIухъаби Фикрет Бабаев ва ГIали Зайдиевасда хурхун рагьараб иш Диваналде кьун буго. Гьезде гIайиб гIунтIизабулеб буго хIукуматалъул заказал тIубазе биччараб гIарац бикъиялда бан. Коррупциялда данде къеркьей Дагъистаналда бугилан абуниги, гьеб гьечIин абулеб буго экспертас, бикъулел чагIаз бикъаралъул бутIа кьун гIемерисел коррупциялъул хIужаби кIочон тунго хутIулила.
Июль 14, 2015
Бусурбабазе лъай-хъвай гьабизе рес кьун буго

КIиго ва цIикIкIун руччаби рачиналъе цIияб рес кьолеб хасаб приложение хIалтIизе биччан буго Дагъистаналда. Россиялъул къануназда рекъон гIемер руччаби рачин гьукъараб бугониги, жамгIияталда жаниб тIобитIараб цIех-рехалъ бихьизабулеб бугин, бусурбазе гьеб кIвар бугеб суал бугеблъийин абулеб буго гьелъул гIуцIцIарухъабаз. Экспертазул пикруялда, жамгIият тIубан хIадураб гьечIо гIемер руччаби рачин къабул гьабизе, амма дагь-дагькку гьеб тIибитIулеб буго.
Июль 13, 2015
ГIибадулло Наботовасда хурхун хIукму гьабуна диваналъ

МахIачхъалаялъул салафиязул мажгиталъул будун ва хIафиз ГIибадулло Наботовасе 6 моцI туснахъалъул кьун буго диваналъ. ХIафизасда гIайиб гIунтIизабун буго кодоб изну гьечIого цIунараб ярагъ батиялда бан. Амма гьев лъалезул рагIабазда Наботов гIайибияв вуго гIицIго гьев салафиязул мажгиталъул хIалтIухъанлъун вукIиналъулъ.
Июль 10, 2015
МахIачхъала: тIабигIаталде данде рагъ халат бахъунеб буго

МахIачхъалаялъул Эльтав» заводалда нахъа бугеб рохь къотIун, гьенир изну гьечIого ралел бакIал цIикIкIунел рукIиналда бан, рохь цIунизе кумек гьарун, Россиялъул президентаcде хитIаб гьабун буго МахIачхъалаялдаса хIаракатчагIаз. Я низам цIунулез, я шагьаралъул тIалъиялъ рохь къотIун лъугIизабулеб бугониги кинабгIаги хIалтIи гьабулеб гьечIин такъсирчагIи чIезаризе, жеги кIиго лъабго соналдаса гьеб рохь тIубан тIагIинеги хIинкъи бугин абулеб буго хитIабалда.
Июль 09, 2015
"ТIасияб Гъуниб" ишаналде босун бугин ккола

«ТIасинаб Гъуниб» абураб тIабигIияб паркалъул ракьал ижараялъ кьун лъугIулел ругин ва сверун къан, гьенир хIухьбахъизе рачIаразе лазатбахъиял ругин лъазабулеб буго хIухьбахъулез. ТIабигIияб паркалъул дирекциялъ лъазабулеб буго гьеб бакIалда 29 къануналда рекъечIогон ижараялъ кьурал ракьал ругилан.
Июль 04, 2015
ХIал гьабиялъул нич гIицIго чIужугIаданалъе гурого букIунеб гьечIо

Видео бахъизе рес бугел мобилиял телефонал рахъаралдаса байбихьун Дагъистаналда билълъун ун буго ясалда хIал гьаби камераялда бахъун хадуб тIибитIизабизе хIинкъаби кьей. Гьел тайпаялъул лъугьа-бахъинал низам цIунулезул сияхIазде къанагIат гурого кколел гьечIо, амма гьединал видеоял тIиритIизарурал чагIи ралагьани, чанги такъсир гьабиялъул иш рагьун, такъсирчагIи тамихIалде ахIизе бегьулаанин абулеб буго экспертаз.
Июль 03, 2015
Исламофобиялъул кьалбал Кавказалда руго

ЦIалул идарабазде хIижаб чIван хьвадиялдехун кинаб бербалагьи бугебали Россиялъул регионазда тIобитIараб цIех-рехалъул гIахIалчагIаз аслияб куцалъ гьелда данде ругилан пикру загьир гьабун буго. Экспертасул пикруялда, хIижабалде данде бугеб халкъияб пикру кколеб буго халатбахъараб заманаялъ Россиялда тIибитIизабулеб букIараб исламофобиялъул хIасиллъун.
Июль 02, 2015
Рохьазул бакIалда минаби ва салул карьерал

МахIачхъалаялъул мухъазда гьоркьосеб ТIабигIат цIуниялъул прокуратураялъ тIобитIараб халгьабилъул хIасилалда тIатинабун буго Рохьил магIишаталъул комитеталъ Дербент мухъалъул рохьазул цо бутIа сали-ракь бахъулеб гIуцIиялъухъе ижараялъ кьей къануналда рекъон гьабураб къотIи-къай гьечIолъи. Араб соналъ Дербент мухъалъул рохьил бутIаялдаго цадахъ ижараялъ кьун руго жеги чанго мухъалъул гIохъода ругел рохьил бутIаби. Гьединго бакIалъул гIадамаз гIарз бахъулеб буго Тарки-Тау мегIералда ругел рохьал тIагIинарулел ругин, гьенир ругел ракьал ижараялъ кьурал гIадамаз рохьал лъугIизарун минаби ралел рукIиналъ.
Июнь 30, 2015
Нахъеги коммуналиял хъулухъазул тарифал рахунел руго

ТIоцебесеб июлалдаса байбихьун тIолго Россиялдаго цIикIкIунел руго коммуналиял хъулухъазухъ багьаби. Дагъистаналда цIикIкIине буго лъехъ,газихъ ва токалъухъ багьа. Амма гIадамал рази гьечIо иргадулаб нухалъ токалъухъ багьа бахинабулеб букIиналдаса. Цин кколеб даражаялда ток чIезабизе ккелин, гьелъухъ багьа базхинабилалдейилан абулеб буго мугIрул мухъаздаса гIадамаз.
Июнь 29, 2015
«Лирикаялъул» асирлъиялде данде

28 июналъ Шималияб Кавказалъул республикаязда аптекаялдасан тIиритIизарулел наркотиказда данде лъазабураб акциялда 6000 гIанасе чияс гIахьалъи гьабун буго. Гьеб акциялъул аслияб мурадлъун буго наркотикияб асар бугел дараби изну гьечIогон ва хасаб кагъат гьечIогон ричи гьукъи. Дагъистаналда гIемер ратулин лирика ва цогидал дараби тIиритIизаруле аптекаби. Хасго гIемер гьел ругин Дербент шагьаралдайин абулеб буго жамгIиял хIаракатчагIаз.
Июнь 27, 2015
Форумал, проектал, грантал: хIасил кинаб букIунеб?

ГIолилазде кIвар кьеялъул мурадалда ва гьезие жидерго махщел тIатинабизе рес щвезе санайил улкаялда тIоритIула анцI-анцI батIиял гIолилазул форумал. Бищун машгьурал «Селигер» ва «Машук» гIадал форумазда гIолилазул проектал гIумруялде рахъинаризе риччалел руго миллионал. Амма хIакъикъаталдаги гьел проектал гIемерисел кагътидаго хутIулин абулеб буго жалго гIахьалчагIаз.
Июнь 25, 2015
Жидерго рукъазул анищазда руго бесдалал

ГьитIинаб къоялдаса нахъе бесдалазда дандчIвалел захIмалъаби балугълъиялде рахун, лъималазул рукъ нахъа тун хадубги лъугIулел гьечIо. ХIукуматалъ бесдалал рукъалдалъун хьезари тIадаблъун бихьизабун бугониги, соналдаса соналде рукъ щвезе иргаялда чIарал бесдалазул къадар цIикIкIунеб буго. Дагъистаналда 2015 соналде кIиазаргоялдаса цIикIкIун бесдалал руго рукъ щоларогон.
Июнь 24, 2015
Х. Доного: "Берцинго цIализецин лъаларел гIолохъабицин рачIуна ВУЗазде"

ТIадегIанал цIалул идарабазда абитуриентал къабул гьарулеб ригь тIаде щвей жалго абитуриентаздасаги гьезул улбузе ургъел бугеб заман кколеб буго. ГIаммаб куцалъ соналдаса соналде цIиял рачIунел студентазул лъаялъул даража гIодобе кколеб бугин, гьелъул хIасилалда кколеб даражаяул лъай гьечIел специалистал риччалел ругин тIадегIанаб лъай кьеялъул идараязгийилан абулеб буго экспертаз.
Июнь 19, 2015
Дагъистаналъул бетIерасул кортежалъул лугьа-бахъиналъул дандерижи

Дагъистаналъул Нухлул инспекциялъул нухмалъиялъ жаваб гьабун буго республикаялъул нухмалъулесул кортежалда хурхун бачIараб гIарзалъе. Жавабалда лъазабулеб буго гIайибиял тамихIалде цIан ругин, амма мухIкан гьабулеб гьечIо цониги гIайибиясул цIар. Дагъистаналда хIакимчагIазул кортежаз цIурдул гъури гIадатияб иш бугин, амма гIадамал гьезие тамихI гьабиялда божуларин абулеб буго экспертас.

Загрузить еще

XS

SM

MD

LG