Рубрики

Новость часа

Ума ИсхIакъова

Автор Ума ИсхIакъова

Апрель 23, 2014
Шималияб Кавказ социалиял сайтазда

Кавказалъул регионазда гьоркьоб бищунго гIемер интернеталдаса пайда босулел руго Чачанлъиялда, Гъалгъаялда ва Дагъистаналда. Гьеб лъабго республикаялдаса руго бищунго гIемер диналъул хъвалел блогералги. Интернеталда жидерго миллаталдаса бищунго чIухIулел руго-чергесал. Гьединаб ккун буго «Кавказ» абулеб Кавказалъул гьанжесеб политикаялъул Централъ гьабураб цIех-рехалъул хIасил.
Апрель 22, 2014
Жибго жинцаго кваназабулеб «жанавар»

Шималияб Кавказалда гIадатияб иш буго республикабазда гьоркьор ва жалго республикабазда жанир ярагъгун кодоб полициялъул чIовудабакIал рукIин. Регионалъул республикабазул нухмалъияз хIинкъигьечIолъи цIуниялъул мурадалда рарал бакIал ругин гьелин бичIизабуниги гIадатиял гIадамазда гьезулъ бихьулеб буго хIинкъигьечIолъи цIуни гуребги цоги батIияб магIнаги.
Апрель 08, 2014
ФСБ мукlурлъун буго Гlумаров чlван вукlиналъе

Россиялъул ХIинкъигьечIолъи цIуниялъул Федералияб хъулухъалъул ай ФСБялъул директор Александр Бортниковас талат къоялда уяблъун гьабуна Шималияб Кавказалда изну гьечIого яргъидгIуцIаразул лидер Доку ГIумаров чIван вукIин. Гьелде щвелалде жалго яргъидгIуцIараз лъазабулеб букIана ГIумаров хвеялъул ва гьесул бакIалде цоги чи вищиялъул, амма гьелда сверун ФСБялъ баян гьанже гурони гьабичIо.
Апрель 06, 2014
Россиялда националистал

Исана сон байбихьаралдаса ксенофобиялъул ва миллияб рокьукълъиялъул кьучIалда чIван вуго анкьго ва лъукъун вуго 29 чи. Гьедин лъазабулеб буго инсанасул ихтиярал цIуниялда сверун «Сова» централда. Цо-цо баяназда рекъон, Россиялъ Крымалъе аннексия гьабуралдаса улкаялъул информалатазда кавказофобиялъул яги исламофобиялъул магIна бугел баянал дагьлъун руго ва киназулго кIвар Крымгун Украиналде ва магърибалъ Россиялде данде гьаризе рес бугел санкциязде буссун буго. Амма «Соваялъ» къватIире кьолел баяназ бихьизабулеб буго Россиялда национализмалъул проблема кIочон гьечIолъи.
Март 16, 2014
Бихьинчилъиялъухъ премия кьурай магIарулай

Дагъистаналдаса адвокат ва инсанасул ихтиярал цIунулей МухIамадова Сапият гьал къоязда мустахIикълъана Homo Homini абулеб халкъазда гьоркьосеб премиялъе. Гьеб Сапиятие кьуна чехазул инсанасул ихтиярал цIуниялъул рахъалъ «Къварилъиялде ккарав инсан» абулеб идараялъ. Премия кьолеб бакIалда гIахьаллъана Чехиялъул юстициялъул ва культураялъул министралги, Прагаялъул мэрги, жамгIиял хIаракатчагIиги халкъазда гьоркьосел инсанасул ихтиярал цIунулелги. Гьеб цо нух гуреб Сапиятие бихьинчилъиялъухъ пермия кьолеб бугеб.
Февраль 23, 2014
Депортация. Даим унтулеб ругъун

23 февралалда тIубана 70 сон Сталиница чачаналгун-гъалгъаязе депортация гьабуралдаса. Цо сордо-къоялда жаниб абухъе гочинабула цебе Чечено-Ингушетия республикаялда гIумру гьабун рукIарал чачаназул ва гъалгъаязул халкъазул цIикIкIунисеб бутIа. Жеги цо-кIиго къо уна республикаялъул мугIрул росабалъа гIадамал гочинарулагоги. Гьел киназего депортация гьабула Гьоркьохъеб Азиялде.
Февраль 20, 2014
КIудияб даран битIайги

2013 соналда Дагъистаналъул прокуратураялде бачIун буго инсан викъанин абун 215 гIарза, гьезулги 190-яб букIун буго бахIарал хъамиялда хурхараб. 2001соналдаса 2006 соналде щвезегIан щуго соналда жанибин абуни хъамун йикIун йиго 181 бахIарай. Гьединаб статистика кьолеб буго Даптар.ру абулеб сайталъ Дагъистаналъул прокуратураялда мугъчIвайги гьабулаго. Яс хъами ва гьелда нахъа ругел психологияздаса байбихьун диниязде щвезегIан суалал.
Февраль 07, 2014
Сочиялъул Олимпиада тарихаздалъун

КигIанасеб гIарац харж гьабураб гьелда тIад, чан спортсмен гьалде гIахьаллъизе вугев, чан улкаялдаса делегация гьенибе бачIараб, чан чи гьунев гьенир рарал объектазда? Гьел ва жеги гIемерал тарихазде кIвар кьолеб буго гьал къоялдазда гIадамаз.
Февраль 04, 2014
Нью-Йоркалда Apple тукен

Нью-Йоркалда Apple тукен Файл битlарав чи: Мурад
Февраль 03, 2014
Лъималазда бецlулеб цlцlим

КIиго чи чIван ва цо чи лъукъун вуго Москваялъул школалде жанивеги вачIун цо гIолилав кьвагьдеялъул хIасилалда. Россиялъул цIех-рехалъул комитеталъул вакил Владимир Маркиница лъазабуна ярагъгун кодоб школалде вачIун вукIун вугин тIасиял классазул цIалдохъан. Школа цIунизе тарав чи гьев виччаларин лъугьараб мехалда гIолилас чIвалин хIинкъаби кьун ругин гьесиейин.
Январь 31, 2014
Терроризмалдасаги кlудияб хlинкъи

Жакъа Россиялда халкъазда ва миллатазда гьоркьор конфликтал цIикIкIун ругин цо-цо жавабиял хIалтIахъабазул пуланал миллатаздехун гIемерго бичIчIулареб бербалагьи букIиналъин рикIкIунеб буго Чачанлъиялъул бетIер Къадиров Рамазаница. Гьес рикIкIунеб буго улкаялъе терроризмалдасаги цIикIкIараб бугин национализмалдаса хIинкъийин. Руго гьесулгун гьеб пикру гIахьал гьабуларелги.
Январь 29, 2014
Р.Къурбанов: ... къапила унеб буго

Дагьаб цебегIан интернеталда You Tube-сайталда лъун букIана изну гьечIого яргъидгIуцIараз МахIачхъалаялъул амир вищиялъул бахъараб видео. Видео лъун букIана Дагъистаналъул рахъалъан Россиялъул Пачалихъалъул Думаялда вугев депутат Ризван Къурбановасул цIаралда рагьараб аккаунталдасан. Гьенибго лъун букIана гьесул суратги.
Январь 24, 2014
Гlолел руго бахlарал

Россиялда гьарулел лъималазул къадар гIемерал соназда жаниб араб соналда тIоцебесеб нухалда цIикIкIун буго улкаялда холел гIадамазул къадаралдаса. Араб 2013 соналда Россиялда гьабун буго цо миллионгун 743 азарго лъимер. Гьедин гьарурал лъималазул къадар 23 азароялъ цIикIкIун буго улкаялда хварал гIадамазул къадаралдаса. Цебесеб 2012 соналда гьел тарихал цоцазда бащадал гIадинал рукIун руго.
Январь 20, 2014
Р.Къурбанов: Гьев дун гуро, вукlинеги рес гьечlо

Дагьаб цебегIан интернеталда You Tube-сайталда лъун букIана изну гьечIого яргъидгIуцIараз МахIачхъалаялъул амир вищиялъул бахъараб видео. Гьеб гьениб лъунги букIана Дагъистаналъул рахъалъан Россиялъул Думаялда вугев депутат Къурбанов Ризванил цIаралда рагьараб аккаунталдасан. Гьенибго лъун букIана гьесул суратги.
Январь 15, 2014
ХIал гьабун «рохьореги» ритIун -«бахIарчилъиялда» чIван рехизе

Черкессазул миллиял гIуцIабазул вакилзабаз лъазабулеб буго жидее къваригIун бугин тIалъигун диалог гьабизейин ва гьез инкар гьабулеб буго кинаб букIаниги криминалгун, гьелдаго гьоркьоб терроризмгун ва экстремизмгун жидер бухьен бугин абулел харбаздаса. Гьедин лъазабулеб буго черкессазул активистазул къукъаялъ Сочиялда Олимпиада байбихьилалде цебе Кавказалда терроризмалъул хIинкъи цIикIкIиналда бан гьабураб лъазабиялда.
Январь 14, 2014
Гьалулеб хьагищ, тIегьараб ахищ?

«Щибизе Россиялъе Кавказ?» абураб цIаралда гъоркь гьал къоязда «Комсомольская правда» газеталда бачIараб макъалаялда гьелъул автор Дарья Асламовалъ бицен гьабулеб буго жинца Дагъистаналде бухьараб сапаралъул, гьенир ругел гIадамазул, гьез бицаралъул ва гьезул бербалагьиязул. Россиялдаса Кавказ батIа тIезабизе кколин рикIкIунев чи гьелда дандчIван гьечIо, амма Россиялъе Кавказ щибизе абураб суалалъе жавабги авторалъ кьолеб гьечIо.
Январь 13, 2014
Метер магlарул мацl хвезе батани...(Р. Хlамзатов)

Google компаниялда ракIалда буго жидерго онлайн-талмачалъул версиялде тIаде лъабго тюрк мацI жубазе. Гьел рукIине руго узбек, хъиргъиз ва туркмен мацIал. Гьеб хIалтIи гьабизе валантерал ралагьулел рукIиналъул лъазабулеб буго Google официалияб сайталда.
Январь 12, 2014
Сочи: алжанищ жужахlищ?

Россиялда хасалил Олимпиада байбихьилалде цебе хIалтIизе бичIчIан бугин абизе бегьула хIинкъигьечIолъи чIезабиялъул ва цIуниялъул рахъалъОлимпиадаялъул хIаязул тарихалда жанибго бищунго кIудиябин абулеб операция. Гъорхъолъа рорчIарал ахIвал-хIалазда сверун министр Владимир Пучковас абуна талат къоялдасан байбихьун Олимпиадаялъул хIаязда хIинкъигьечIолъи чIезабизе бугел киналго къуватал рагъулаб хIадурлъиялда чIезарулел ругин.
Декабрь 29, 2013
Пенсиязул реформа-лъикlалъейищ квешалъейищ?

Россиялъул Пачалихъияб Думаялъ къабул гьабун буго пенсиязул реформаялда хурхараб къануналъул проект. Гьелъул аслияб концепция хисизабун гьечIо, амма руго гьелда кIвар бугел хиса-басиял гьарунги. Гьезда рекъон, хIалтIул пенсия бихьизабизе буго хасал балазде балагьун. Щал жал кколел гьел баллал ва кин гьел ракIарулел? Щиб ккараб пенсиязул реформа гьабиялъего гIиллалъун?
Декабрь 25, 2013
Вацал-бусурбаби - «террористияб» багъа-башари

Мисралъул премьер-министрас лъазабуна Вацал-бусурбаби абураб багъа-башари «террористияб» бугин. Премьерасул пресс-секретарь Назем Беблауица талат къоялда гьедин лъазабуна Каиралдаса шималияб рахъалдехун бугеб Мансура шагьаралда бомба жаниб букIараб автомашина кьвагьун чанго сагIат индал.

Загрузить еще

XS

SM

MD

LG