Рубрики

Новость часа

Ашахан Юсупов

Автор Ашахан Юсупов

Октябрь 11, 2013
КIудияб гIарцуда хабзалал рихьуларо

Ралел бакIазул къануналда дандекколаредухъ рарал минаби цIикIкIунел руго Дагъистналда. Гьединазул цоялда тIасан цIех реху унеб буго республикаялъул ТIадегIанаб диванханаялда. Тахшагьаралъул гIурусазул хабал ругеб бакIалда бараб гIемертIалаялъулаб кIиго мина биххизабизе кколилан абулеб прокуратураялъ. Кинаб гIилла гьелъие бугеб ва кинаб бугеб гьелда тIасан ралел бакIазул экспертазул пикруяли цIех-рех гьабуна нижеца.
Октябрь 10, 2013
ТIоцебесеб гIазу

Дагъистаналъул мугΙрузда гьанжеялдаго бана гΙазу. Амма тΙабигΙияб сюрпризалъ росабазул гΙадамал абизегΙанго рохизарун гьечΙо. Цо-цоязул бачΙин бакΙаричΙого хутΙун буго, гΙалхуде кваназе унеб боцΙуеги гьелъ квал-квал гьабулеб буго.
Октябрь 09, 2013
Полициялда къурбанал цIикIкIунел руго

МахΙачхъалаялда полициялъулазде кьвагьдун руго щалали лъаларел. Хун вуго кΙигояв, цояв лъукъунги вуго. Гьеб ва цогидал криминалиял лъугьа-бахъиназде кΙвар буссинабуна арбагΙ къоялда информалатаз. Гъоркьанго дандечΙей гьабулел къокъабазул хΙаракатчи регионалда цΙидаса жигарлъун бугин рикΙкΙунеб буго гьезул цояз.
Октябрь 05, 2013
Авариялъул гIайиб гIунтIизабуна командирасда

Москваялъул цIех-рехалъул комитеталъ официалияб куцалъ гIайиб гIунтIизабуна 2010 соналда «Домодедово» аэропорталда «Дагъистаналъул Aвиамухъал» компаниялъул «Ту-154» абулеб аэропланалъ авария гьабиялъул хIужаялда тIасан. Гьелъие гIайибиявлъун вихьизавуна аэропланалъул командир Закаржа Закаржаев. Гьеб мехалда хун вукIана кIиго чи. Ноябралда диваналъул процесс байбихьизе буго гьелда тIасан. Командирас живго гIайибиявлъун рикIкIунев гьечIо. Гьес гьедин абуна «Эркенлъи» Радиоялъе кьураб эксклюзивияб интервьюялда.
Октябрь 02, 2013
Цо сордо-къоялда жанив чlван вуго щуго полицияв

Лаваша мухъалда талат къоялъ изну гьечIого яргъид гIуцIаразулгун букIараб кьвагьа-гIанхъиялъул хIасилалда чIван вуго лъабго полиицялъул ва лъабго халкъияб низам цIунулезул къукъаялдаса чи. Мухъалда унеб буго контртерроралъулаб режим, гьеб жеги лъугIун гьечIо. Рохьилазулги лъабго чи чIван вуго. Гьединго Гъизилюрт мухъалъул Чонтаул росулъ арбагI къоялъ радал чIван вуго полициялъул хIалтIухъан. ТIоцебесеб октябралъул къаси Хасавюрт шагьаралда аскIовги чIван вуго полициялъул хIалтIухъан.
Октябрь 01, 2013
Унев вуго, эбел, дун армиялде...

Россиялда тIоцебесеб октябралда байбихьана армиялде хъулухъ гьабизе гIолилал ахIизе. Исана ахIизе вуго 18 соналдаса 27 соналде щвезегIан ригьалъул I50 азарго гIолилав. Гьеб буго исана ихдал ахIаралдаса лъабазарго чиясдаса дагьаб къадар. АхIизе ругищ гьанже Дагъистаналдаса гIолилал ва ратани кигIанасеб къадар?
Сентябрь 30, 2013
Щванищ, магIарулав, мун АхIулгохIде? (видео)

Исана 174 сон тIубала АхIулгохIда тарихияб къеркьей байбихьараладса. Гьений шагьидлъана Шамилил тIулбикьарй яц ва гьесул лъади. Араб шамат къолъ гьанибе зиярат гьабуна аза-азар Дагъистанияз. Кинаб бакI кколеб Россиялъул ва Дагъистаналъул тарихалда жанию АхIулгохIалда букIараб рагъалъ? Щиб щвараб Россиялъе гьеб кверде босунилан?
Сентябрь 26, 2013
Лъаялъул «гьундул» чIвадназде сверараб мехалъ

ЦIумада мухъалъул ТIисси росдал мактабалъул мугIалимзабаз рагьараб кагъат битIун буго президент Рамазан ГIабдулатIиповасухъе. Исана анлъабго сон буго гьезул цIияб школа баялъухъ ралагьун чIаралдаса, амма гьелъул бакIалда росдал лъимал цIалулел руго жанир цIализени кин гурин гIодор чIезецин санагIалъи гьечIел гIадамаз рехун тарал басриял минабахъ.
Сентябрь 24, 2013
ЦIияв вице-премьерги, гьесул «талихIкъосараб» карьераги

Дагъистаналъул хIукуматалда унел руго руго кадровиял хиса-басиял. Итни къоялъ Рамазан ГIабулатIиповас вице-премьерасул хъулухъалде тIамуна МахIачев ХIажи. Социалиял сетазда гIемерав чияс ахIи хIур багъаризабуна гьелдаса разилъичIого. Кинаб къимат кьолеб бугеб экспертаз ГIабдулатIиповас гьабураб хIукумуялъеяли цIех-рех гьабуна нижеца.
Сентябрь 24, 2013
«ХIамабагьадурлъи» гьабулел низам цIунулезе кинаб тамихI къотIилеб?

Казбек мухъалъул Калининаул росулъа Салатгереев Шамилида тIад зулму гьабун буго гьезулго полициялъул хIалтIухъабаз. Низам цIунулез гьесде гIунтIизабулеб буго росулъ гьес цIогь гьабун бугилан абураб гIайиб. Амма гьесул адвокаталъ абулеб буго гьесда кинабгIаги гIайиб гьечIилан. Гьесда тIад хIал гьабурал полиицялъул хIалтIухъаби тамихIалде цIай тIалаб гьабулеб буго гьелъ.
Сентябрь 18, 2013
Жиб-жиб гуллаялъул жавабчилъигун

ХIукуматалъул гурел хасал хъаравулъиялъул идарабазул халгьаби унеб букIана дагьаб церегIан къояз Дагъистаналда. Гьезул лъеберго гIанасеб махIрум гьабун буго ярагъ хIалтIизабизе кьолеб изнуялдаса. Халгьабиял тIоритIиялъе гIиллалъун рехсолеб буго кIиго моцIалъ цебе Москваялда ЛДПР партиялъул вакил Роман Худков Дагъистаналдаса гIолохъабаз кьабун вукIин. Депутатасде тIадекIанцIи гьабуразул цояв ватун вуго хасаб хъаравуллъиялъул идараялъул хIалтIухъан.
Сентябрь 12, 2013
Амиров мэрлъун хутlулев вуго

МахIачхъалаялъул вукIарав нухмалъулев СагIид Амиров тIасияб соналъ лъагIанги гьеб хъулхъалда хутIизе вугилан лъазабуна гьал къоязда информалатаз. Щайгурелъул Дагъистаналъул нухмалъиялъ заман щвелалдего тахшагьаралъул нухмалъулесул рищиял тIоритIизе гьечIилан лъазабун буго. Гьал къоязда Амировасде гIунтIизабуна цоги цIияб гIайиб. Гьелад рекъон диваналъ гьев эркенлъиялдаса махIрум гьавуни гьес жиндирго хъулухъалдаса махIрумлъизе вугилан абулеб буго юристаз.
Сентябрь 10, 2013
Дур цIар къотIиларо, дур цIа свинаро…

Сентябралъул микьабилеб къоялдаса байбихьун Дагъистаналда унел руго КIудияв шагIир ХIамзатил Расул гьавуралдаса 90 сон тIубаялъул хIурматалда кIуди-кIудиял тадбирал. КъватIиса пачалихъаздаса, улкаялъул регионаздаса поэтазул, хъвадарухъабазул кIудияб къукъа буго республикаялде бачIун. Юбилеялъул аслиял тадбирал гьатIан ва инти къояз рукIана ресупбликаялъул тахшагьаралда. Талат къоялъ юбилеялъул тадбирал халат рахъине руго шагIирасул ватIан Хунзахъ ва ЦIада росабалъ.
Сентябрь 09, 2013
Эркенаб гугари Олимпиадаялде тlадбуссинабуна (видео)

Олимпиадаялъул хIаязул программаялде тIадбуссинабун буго эркенаб гугари. Гьединаб хIукму гьабуна гьатIан къоялда Олимпиадаялъул халкъаздагьоркьосеб Комитеталъ. Эркенаб гугари рехсараб программаялде тIад буссинабун буго гьениса нахъе реххун бащдаб лъагIалидасан. Олимпиадаялъул халкъаздагьоркьосеб Комитеталда гьаркьал кьолаго гьеб бергьун буго бейсболалдаса ва сквошалдаса.
Сентябрь 07, 2013
"БацIцIадаб" полициялде хьулалгун

Дагъистаналъул жанисел ишазул министерлъи бацIцIад гьабизе ккеялъул суал борхана президент ГIабдулатIипов Рамазаница араб хамиз къоялъ МВД-ялъул министрги ахIун тIобитIараб данделъиялда. Экспертаз ва аналитиказ абулеб буго полициялъул хIалтIуда жаниб гIадлу гьабизе гIураб ихтияр Рамазанил гьечIилан, гьеб бугин Москваялъ гурони тIубалареб суал. Киналха ругел ресал Дагъистаналъул полициялъул хIалтIи рукIалиде бачIинабиялъе?
Сентябрь 04, 2013
Лъаялде захIматаб нух

Итни къоялдаса байбихьун Дагъистаналъул шагьаразда ва мухъазда байбихьана цIияб цIалул соналде. Амма цо-цо росабалъ жакъа къоялъги кIудияб проблемалъун буго лъимал цIализариялъул суал. Жанир щибниги шартIал гьечIел минабахъ жанир хIебтIун руго жакъа гьенир лъимал.
Сентябрь 03, 2013
АхIичIого рачIарал «гьалбал»

Талат къоялъ сверун ккун букIана Унсоколо мухъалъул нухмалъиялъул мина. Официалиял идарабаз гьеб баян мекъи бугилан абулеб букIана информалатаз цIех-рех гьабидал. «Эркенлъи» радиоялъ бухьен гьабуна Унсоколо мухъалъул нухмалъигун.
Сентябрь 02, 2013
1 млн чи щвараб экспозиция

Талат къоялда СагIудиязул ГIарабиялде унел руго Дагъистаналде ГIарабазул цолъарал эмиратаздаса щвезарун рукIарал МахIамад аварагасде хурхен бугел алатал ва гьесул рас. Гьезул экспозиция анкьгIанаб заманалъ тIобитIана Дагъистаналда. Республикаялъул рухIияб идараялъул пресс-секретарь ГIумаров МахIамадрасулица "Кавказский узел сайталъе лъазабухъе гьезухъ балагьизе рес щун буго миллионалдасаги цIикIкIун чиясе. Гьединал рес щвечIезул къдарги кIудияб бугин абулеб буго журналистаз. ГIумаровасулго рагIабазда киналгIаги эксцесал ккун гьечIо. Амма Жанисел ишазул министерлъиялъул лъазабиялда рекъон, экспозициялде читIиралда чIаразул I2 чиясе ккун буго гипетоникияб криз. Нижер мухбирал Юсупов Ашаханица ва Зульфия ХIажиевалъ къасиги къадги хал ккун букIана Каспийскалда аскIоб бугеб спорталъул кIалгаялда къватIибги жанибги лъагьа-бахъунеллда хадуб. Гьез бахъараб видео.
Август 31, 2013
Сабру гьечIолъиялъ кире нилъ рачунел ругел?

МухIамад аварагасул асарал дагъистаналде рачIин кIудияб лъугьа-бахъинлъун къабул гьабуна дагъистанияз. Августалъул къоло анлъабилеб къоялдаса байбихьун Капийск шагьаралда аскIоб бугеб гугарухъан ГIали ГIалиевасул цIаралда бугеб спортивияб кIалгIаялъуре къокъунел аза-азар бусурбабазул чвахи гьоркьоб къотIичIо сордоги къоялъги. Зияраталъ рачIунел гIадамазул тадбир гьабизе хасал гIадамаздасан гIуцIараб кIиго батIияб къукъа букIана гьениб хис-хисун хIалтIулеб. Амма гьезул хIаракатчилъиялда чIезабизе кIолеб къуват букIинчIо зияраталъ рачIунел гIадамазул цIияб чвахиялъул.
Август 29, 2013
Сенаторасул тIурачIел анищал

Дагъистаналдаса миллиардер Керимов Сулейманил цIаралда гIемерал лъугьа-бахъинал рукIана Дагъистаналда. Гьел хурхарал рукIана, экономикаялда, политикиялда, спорталда ва рухIияб гIумруялда жанирги. Амма ахираб заманалда кIудиял хиса-басиял загьирлъун руго гьесул кIудияб бизнесалда жанир.

Загрузить еще

XS

SM

MD

LG