Рубрики

Новость часа

Алиса Алдашева

Автор Алиса Алдашева

Июнь 18, 2015
Дагъистаналда лъикIал хIалтIухъаби дефициталда рагIула

Балугълъиялде рахарал ва хIалтIулел гьечIел гIадамазухъа социялияб мухь боси тIадаблъун гьабизе рес буго Россиялда. Гьелдалъун формалияб гуреб хIалтIул гьоркьолъаби тIагIинаризе ракIалда буго Россиялъул ЗахIматалъул министерлъиялда. Гьеб идараялъ лъазабухъе, улкаялда 15 миллионалдаса цIикIкIун чи вуго къотIи-къай гьечIогон хIалтIулел. ЦIакъго гIемер формалияб гуреб хIалалъ хIалтIудалъун хьезаруразул къадар бугеб регионазул цояблъун кколеб буго Дагъистан.
Июнь 16, 2015
ЛъарагIлъи салул авалахъалде буссиналъул тенденция буго

17 июнь тIолго дунялалда ракьал салул авлахъазде свериялда ва бакъуца рухIун, ракъдаллъиялде данде къеркьеялъул къолъун лъазабун буго Цолъарал миллатазул гIуцIиялъ. Дагъистаналда салул авлахъазде сверун ва ракъдаллъун ругел ракьазул къадар гIага-шагар I5 млн. га кколин, гьеб къадарги соналдаса соналде цIикIкIунеб бугин абулеб буго экспертас.
Июнь 15, 2015
Храх-Убаялъул гIадамал: "Ниж пачалихъалъ гуккана..."

Азербайджаналъе кьурал Храх-Уба ва Урьян-Уба росабазул гIадамаз гIарз гьабулеб буго, пачалихъалъ кьураб рагIиялде балагьичIого, жал жакъаги хутIулел ругоин тIад тIох гьечIого, жал лъиениги къваригIун гьечIин, жидер божилъи хун бугин киналго хъулухъчагIаздайин. ГьанжелъезегIан жидер гражданлъилъул суалалцин рагIалде рахъинарун гьечIин.
Июнь 12, 2015
ЕГЭ: хIасилал ва тенденциял

ГIурус мацIалъул Цогояб пачалихъияб экзаменалъул хIасилал лъан руго гьал къоязда. Дагъистаналда араб соналде данде ккун гьел лъикIал ругин лъазабулеб буго Лъай кьеялъул министерлъиялъ. КIиго соналъ цебеги Дагъистан бищун цIикIкIараб къадар баллазул бугеб республика букIун батани, исана нусго балл гIицIго 8 чиясе гурого щун гьечIо. МугIалимзабазул пикруялда, ахираб кIиго соналъ экзамен тIобитIулеб бакIалда низам кьваризабиялъ лъай кьеялъул даража бахине буго.
Июнь 11, 2015
"Роспотребнадзоралъе" бокьун буго Дагъогниялъул азарханаялъул бутIа къазе

Дагъогни шагьаралъул аслияб азарханаялда санитариял шартIал хвезариялда бан чанго отделения заманаялъ къазе гIарза кьун буго диваналде Роспотребнадзоралъ. Азарханаялъул нухмалъиялъул рагIабазда гIарац биччалеб гьечIолъи кколеб буго гIилла азарханаялда бугеб ахIвал-хIалалъе, гьениб ремонт гьабичIелдаса 10 соналдасаги заман бан буго.
Июнь 10, 2015
ГьоцIдерил ГЭС: суалал хутIулел руго

ГьоцIдерил ГЭС 1 июлалда хIалтIизе биччазе бугин лъазабулеб буго «Сулакский ГидроКаскад» гIуцIиялъул директор Тимур ХIамзатовас. Амма ГЭСалъул хIоралъ гIанкъарал ракьазухъ гIарац жакъа къоялъги тIубан кьун бахъун гьечIо гIадамазе. Росдал бегавул Шамиль Валиевас баян гьабухъе, гьоцIдерица диваналдасан тIалаб гьабизе ккун буго рецIалил гIарац кьеялъул суал. Гьединго къан хутIулеб буго ЧIалда – Къорода нухлул бутIа. ГIадамаз лъазабухъе, гьеб проекталда букIаралдаса батIаго бахъи ккун буго нух ччукIиялъе гIилла.
Июнь 09, 2015
Ралъдахъ хIухьбахъи гьукъизе рес буго

Ралъдал рагIалда хIухь бахъиялъул сезон рагьиялда цересел халгьабиял тIоритIулел ругин Дагъистаналъул пляжаздайин лъазабулеб буго Роспотребнадзоралъ. Цереккун пляжазда тIоритIал халгьабиязул хIасилалда санитариял ва хIинкъи гьечIолъиялъул шартIал гьенир чIезарун ратун гьечIо.
Июнь 06, 2015
Поэзиялъул театр щиб, гьеб жакъа кколеб?

МахIачхъалаялда кватIичIого рагьизе буго поэзиялъул театр. Гьеб рагьи хурхинабулеб буго Россиялда исана сон литератураялъул сонлъун лъазабун букIиналда. Театр гIуцIиялъул аслияб мурад бугин литератураялде ва тIахьал цIалиялде жамгIияталъул кIвар цIикIкIинабийилан лъазабулеб буго Дагъистаналъул Культураялъул министерлъиялъ. Амма экспертазул пикруялда гьеб иргадулаб, хвалие гьабулеб иш кколеб буго.
Июнь 04, 2015
Имамасул рагIаби руссун руго къедал риххизарулеб къуваталде

Дагьаб цебегIан Лаваша мухъалъул Урма росулъ гIадамаз тIаде ракIарун чанго чиясул ралел ругел ва ран лъугIарал минаби риххун руго. Росулъ балеб бугеб цIияб мажгиталда цере рукIарал бакIал риххиялъе гIиллла букIанин гьел мажгиталъул ракьалда ран рукIинин абулеб буго имамас. ГIадамаз баян гьабухъе, гьел ракьал гIадамазухъе бетIергьанлъиялде кьуралдаса 20 гIанаб сон ун буго.
Июнь 02, 2015
Нухлол полициялъ ургъел загьир гьабулеб буго...

Сон байбихьаралдаса маршруталъул таксиялъул шоферзабазул гIайибалдалъун ккарал автоавариязул къадар цебесеб соналъул гьединабго болжалалде дандеккун цIикIкIун бугин, лъазабулеб буго республикаялъул нухлол полициялъ.
Июнь 01, 2015
Замир Пашаевасул жаназа моргалда батана

КъурахI мухъалда тIобитIараб хасаб операциялда чIварал изну гьечIого яргъидгIуцIаразда гъорлъ араб бакI лъачIого тIагIаравлъун рикIкIун вукIарав Пашаев Замирил жаназа батун буго. Рохьилазда гъорлъе жиндир вас иналда божуларин лъазабулеб буго Пашаевасул, тIад ретIараб ратIлихъ ва цогидалъухъ балагьун, гьесул жаназа гьенибе рехун бугила низам цIунулез.
Май 29, 2015
Риххун инелги цIиял ралелги

Басриял, риххун инеллъун рикIкIарал 100 минаялъуса гIадамал цIиял минабахъе рахъинаризе ругин МахIачхъалаялда 2017 соналде щвезегIанилан лъазабуна гьал къояз журналисталгун тIобитIараб данделъиялда МахIачхъалаялъул мэр хисулев МухIамадэмин ХIажиевас.
Май 29, 2015
Салафиязул мажгиталъул имамасухъе адвокатал риччалел гьечIо

Изну гьечIого цIунараб ярагъ батиялда хурхун ккурав Къурбан Аскандаров вихьизе толев гьечIо адвокатасда. Салафиязул мажгиталъул имам кквезе вукIине батараб гIилла бугила ярагъ рехи.
Май 28, 2015
РитIухълъи гьечIолъиял ккола гIолилал радикалазде гъорлъе

МухIамад Сулейманов «Имарат Кавказ» гIуцIиялъул амирлъун тей мухIкан гьабулеб буго Россиялъул Исламалъул комитеталъул нухмалъулев Гейдар Джемалица.
Май 27, 2015
КIиго чи чIвана КъурахI мухъалда

27 маялда КъурахI мухъалда низам цIунулезде кьвагьдарал кIиго изну гьечIого яргъидгIуцIарал чIван ругин лъазабулеб буго.
Май 26, 2015
«Бичизе гуреб» кин бичулеб тукабазда

Дагъистаналда лъималазул квен бичулел тукабазда бичулеб лъималазул кванил къучIбузда гъорлъ чанги бихьизе рес букIуна «Бичизе гуреб» абураб кагъат тIад чIварал къучIби.
Май 25, 2015
«Ихтиярал цIунулел кколел руго квекIенлъун…»

23 маялъ щалали лъаларез ккун вачун арав жамгIияв хIаракатчи МухIамад МухIамадов МахIачхъалаялъул Жанисел ишазул бутIаялда ватун вуго.
Май 23, 2015
Цойги жамгIияв хIаракатчи викъун вуго Дагъистаналда

ЖамгIияв хIаракатчи ХирамухIамад МухIамадов щалали лъаларел, тIад маскIаби хурал чагIаз ккун вуго МахIачхъалаялда.
Май 22, 2015
Дербенталда цойги чи тIагIун вуго

Дербент шагьаралдаса МухIамадджавад Хизриев тIагIун 4 къо баниги гьесул щибго лъалеб жо гьечIила. Хизриев кколев вуго цогидав араб бакI лъачIого тIагIарав Замир Пашаевасул мадугьал. Амма Хизриев полициялъулазул сияхIазда вукIинчIин ва цониги нухалъ Жанисел ишазул бутIаялде ахIун вукIинчин абулеб буго гьесул хъизаналъ.
Май 21, 2015
ТIагIарав викъун ватиялда щаклъи буго эбелалъул

Араб бакI лъачIого тIагIарав Пашаев Замир вугеб бакI лъаларого 3 къо балеб буго. 20 маялъ гьесул гIага-божараз «Мемориал» гIуцIиялде хъван буго гIарза гьеб вугеб бакI лъазе кумак гьарун. Гьезул щаклъи буго Замир низам цIунулезухъ ватизе рес букIиналда.

Загрузить еще

XS

SM

MD

LG