Рубрики

Новость часа

МухIамадов Закир

Автор МухIамадов Закир

Январь 30, 2015
ХиралъичIеб жого хутIичIо

Кванил нигIматазул багьаби кигIан цIикIкIун ругелин хал гьабулеб букIана прокуратураялъ гьал къоязда тIолабго Россиялда. Улкаялъул цо-цо регионазда кванил нигIматазухъ багьа 500-600% бахун батанин, лъазабуна прокуратураялъ. Дагъистаналдаги багьаби цIикIкIун руго чанго нухалъ ва багьаби жеги тIаде рачIинин, лъазабулеб буго экспертаз.
Январь 29, 2015
Терроралде данде къеркьезе халкъ ахIана

Экстремизмалде дандечIеялъул хIалтулъе гIадатиял гIадамал цIай, «рохьилалгун» бухьенал ругел хIакимал хъулухъаздаса нахъе гьари, цо-цо журналистазул хIалтIул хIасилаздаса халкъ цIуни – гьел ва цогидал ахIиялгун тIадкъаял рагIизе бегьулаан гьал къоязда букIараб терроралде дандечIей гьабулеб комиссиялъул данделъиялда Дагъистаналъул бетIерасул каламалъулъ.
Январь 28, 2015
Буйнахъск мухъалда кIигояв чIван вуго

27 январалда Дагъистаналъул Буйнахъск мухъалда чIван вуго кIиго чи. Низам цIунулез гьезул цIарал тIатинарун гьечIо, амма абулеб буго, ракIалде кковухъе, изну гьечIого яргъидгIуцIаразул чагIи рукIине рес бугин гьелин. Изну гьечIого яргъидгIуцIаразде данде низам цIунулезул хIалтIи хIасил кьолеб бугин лъазабун букIана гьал къоязда Дагъистаналъул жанисел ишазул министр ГIабдурашид МухIамадовас. Диваназде «рохьилазда» хурхун ишал ритIиялъул хIужабиги гIемерлъулел ругин, гьел чIвачIого кверде росизе хIаракатги бахъулеб бугин жидецайин абун букIана министрас.
Январь 27, 2015
Дагъистаналъул хIакимаз рищнидул бизнесалда квер лъун буго

МахIачхъалаялъул мэриялда ракIалда буго шагьаралъул рищни балеб бакI хисизабизе. Рищни балеб цIияб бакI гIуцIизехъин буго Талги росда гIагарда. Гьеб росулъа чагIи разиял гьечIо гьелдаса ва митингазде рахъинехъин руго. Гьезул рагIабазда рекъон, рищни бухIулаго лъугьунеб загьруяб гьава гьезул росулъе бачIине буго ва гьелдалъун гIадамазул унтаби цIикIкIине рес буго.
Январь 24, 2015
Я гIадат гуреб, я динияб тIалаб гуреб...

БалугълъичIел ясал росасе кьеялъул хIужжаби гIемерлъулел ругин Дагъистаналдаилан рикIкIунеб буго экспертаз. Гьезул рагIабазда рекъон, цере Дагъистаналда гьединал ригьинал тIиритIун рукIинчIо, амма ахирисеб заманалда гьел ригьинал гIемерлъулел руго.
Январь 22, 2015
Халатаб мегеж - "экстремистияб" мегеж

Жал полициялъ кколел ругин мугжул сабаблъунин гIарз гьабулеб буго салафияллъун рикIкIунел бусурбабаз. Гьезул рагIабазда, полициялъул бутIаялдеги рачун гьезие суалал кьолел руго гIагарлъиялъул хIакъалъулъ, рохьилазулгун рук1ине бегьулел бухеназул хIакъалъулъ ва суратал рахъун хадур нахъе ричалел руго.
Январь 21, 2015
Тахшагьаралъул мэриялъул кабинетаздаса Кривая Балка бихьулеб гьечIо

МахIачхъалаялда гIагарда ругел цо-цо росабалъ гIумру гьабулезул гIарзаби руго жидехъ жеги лъим бачун гьечIин, ток ва газ букIине кколеб хIалалъ кьолел гьечIин. ГIемерисел гьединал гIарзаби руго ахихъабазул жамгIиятазда гIумру гьабулезул. Бищун гIемер гIарзаби руго Кривая балка абураб бакIалда гIумру гьабулезул. Кривая балка гIоралда аскIор махIачхъалаялъулазул гIемер дачаби. Документазда рекъон, дачабазул 65 жамгIият буго гIоралда аскIоб. Гьел жамгIиятал ругел ракьал ккола Кумкторкала мухъалъул. Амма МахIачхъалаялъул администрациялъ 1990 соналда гьел ракьаял 49 соналъ арендаялъе росун руго.
Январь 20, 2015
А. Черкасов: "Диалог ва сабру ккола цIодорал политиказул къагIидаби"

Шималияб Кавказалъул республикабазул нухмалъулез жидерго регионазда бугеб ахIвал-хIалалъе къимат кьолаго абулеб букIана хIал лъикIаб рахъалде хисанин ва терроралъул такъсирал дагьлъанин. Дагъистаналъул нухмалъулев Рамазан ГIабдулатIиповасни бицана республикаялда цониги теракт ккечIин 2014-леб соналда. Экспертал разилъулел гьел рагIабигун, амма гьез абулеб буго исана ахIвал-хIал хисизе бугин, хIалуцинин.
Январь 19, 2015
Къ. ИсхIакъов: "ГIарац чантинибе реххун гурони жидерго налъи ракIалде щоларо акушеразда".

МахIачхъалаялда бугеб лъимал гьарулеб кIиабилеб рукъалъул ай роддомалъул тохтуразул гъалатI сабаблъун жиндир лъимер хванин ва чIужу квешаб хIалалде кканин лъазабулеб буго Къурбан ИсхIакъовас. Гьесул рагIабазда рекъон, чIужу Наида Коселева гьес лъимал гьарулеб рокъой щвезаилелда цебе, тохтураз хал-шал гьабун букIун буго гьелъуги лъимерадулги ва тохтураз лъикIаб къимат кьун буго гьезул хIалалъе.
Январь 18, 2015
Временный росу: жавабал гьечIел суалал

Унсоколо мухъалъул Временный росулъ лъицаниги гIумру гьабулеб гьечIо жеги. Гьениб лъабго моцIалъ халат бахъараб хасаб операция некIого лъугIана, амма росулъе гIадамал тIадруссунел гьечIо. Цоязул минабицин гьечIо, цогидазул минабазда жаниб гIумру гьабизе бегьулеб хIал гьечIо. Пачалихъалъ компенсациял кьезе ругин абуна гIадамазда, амма гьел кида щвезе ругелал яги щвезецин ругищали гIадамазда лъалеб гьечIо.
Январь 16, 2015
Рос чIвана, лъади йикъана

Шамхал росулъа Айбике СайгитгIалиева йигеб бакI чIезабизе кIолеб гьечIо гьелъул гIагарлъиялда. Полициялъулаз ккун ячун анин гьейилан лъазабулеб буго инсанасул ихтиярал цIунулез. СайгитгIалиева кквей гIадинал Дагъистаналда тIоритIулел тадбирал экспертазда рихьулел руго салафиязде гьарулел гьужумаллъун.
Январь 15, 2015
Мемориал: Щиб хисараб Шималияб Кавказалда

Кавказалъулал армиялде ахIи, Унсоколо мухъалъул Временный росдада сверун ахIвал-хIал, низам ц1унулез гIадамал рикъи ва цогидалъул бицунеб инсанасул ихтиярал цIуниялда сверун «Мемориал» гIуцIиялъ хIадурараб хасаб докладалда.
Январь 13, 2015
Ражаб ГIабдулатIиповасда сверухъ харбал – провокацияйищ цIех-рехищ?

Миграциялъулаб хъулухъалъул Дагъистаналда бугеб идараялъул нухмалъулев Ражаб ГIабдулатIипов низам цIунулез ккун вугин информация 13 январалда радалиса баккана социалиял сайтазда. Ришватчилъиялъул такъсирал сабаблъун ккун вугин, хъвалеб букIана цоял блоггераз. ТIаса ккун хIалтIи бачунеб батанин, хъвалеб букIана цогидаз. Лъабабилезни рикIкIунеб букIана республикаялъул нухмалъулев Рамазан ГIабдулатIиповасде данде гьабулеб провокация бугин гьебин.
Январь 12, 2015
Мейланов Дагъистаналда виччичIо

Вазиф Мейланов Дагъистаналда гIемерисезда лъалев вукIинчIин абулеб буго гьесул рахъ кколес. Амма гьесул ишал ва гьесул гIамал цогидазе мисаллъун рукIине кколин рикIкIунеб буго гьез.
Январь 09, 2015
Дагъистанияйищ Истанбулалда кьвагьарай?

Истанбулалда дагьал цересел къоязда жийго жинцаго кьвагьизаюрай ва цо полицияв чIварай гIадан Шималияб Кавказалдаса кколин, лъазабуна турказул газетаз. Гьез хъвавухъе, гьей ккола Дагъистаналдаса яги Чечанлъиялдаса Диана Рамазова. Гьелда бан хисизе рес бугищ жидерго хIинкъигьечIолъи цIуниялъул мурадалда Шималияб Кавказалдаса Туркиялде лъутарал гIадамаздехун гьениб бербалагьи?
Январь 07, 2015
Донецкалда дагъистаниял чIвай гьанже балъголъи гуро

Украиналда чIварал 11 дагъистаниясул цIар тIатинабуна гьал къоязда «Рагьараб Россия» гIуцIиялъ. Республикаялдаса журналистазни абулеб буго, жидеда мухIканго лъалин Дагъистаналдаса къого чи Донецкалда чIваравлъийин. ЧIваразул гIагаразул лъицаниги гьел хIужабазда хурхун баянал кьолел гьечIо, жал хIинкъулел ругин абулеб буго гьез.
Январь 06, 2015
Лъимал инсуца хьихьизе ккола

Шималияб Кавказалъул регионазда гьоркьоб алиментазул налъулал бищунго гIемер руго Дагъистаналда. Гьедин лъазабулеб буго диваналъул хIукмуял тIуразариялда хадуб халкколеб идараялъ. Экспертазул рагIабазда рекъон, республикаялда гIемерисезда алиментазул суалал лъалел гьечIо ва гьединлъидал чара гьечIого къваригIун буго информалатаз гьелъул бицине.
Январь 05, 2015
Лъица ва щай чIварав футболист?

«Анжи» клубалъул футболист МухIамадов ХIасан мекъиги ккун чIван ватулин рикIкIунеб буго цIех-рехчагIаз. ЧIварасул гIагарлъиялда бичIчIулеб гьечIо ХIасаница лъие квал-квал гьабулеб букIарабали. Лъица ва щай гьев чIварав?
Январь 03, 2015
Шималияб Кавказ ва экономикалъул кризиз: экспертазул баянал

Россиялда исана экономикалъул кризис букIине бугин прогнозал гьарулел руго гIемерисел экспертаз. Украиналда бугеб сулалдехун Россиялъ бербалагьи хисичIони, санкциял гIемерлъизе бегьула ва гьелдалъун экономикадул хIалги хIалуцина. Шималияб Кавказалъул регионал рикIкIунаан Россиялда экономикаялъул рахъалдасан ахирисел бакIазда ругеллъун. Кинаб букIинеб 2015-леб сон гьел регионазда?
Январь 02, 2015
Ракьазул суал бигьаго тIубалеб суаллъун батичIо

Дагъистаналул пачалихъияб магIишаталъул Министерлъиялда хъутабазул ракьазда 199 росу батун буго. Министерлъиялъул лъазабиязда рекъон, гьел росабалъ гIумру гьабулеб буго 78 азаргоялдаса цIикIкIун чияс.

Загрузить еще

XS

SM

MD

LG