Рубрики

Новость часа

МухIамадов Закир

Автор МухIамадов Закир

Декабрь 30, 2014
Ришватал росулел полициялъулаз экстремизм цебетIолеб буго

Дагъистаналъул полициялъул хIалтIудал хIасилазул бицана гьал къоязда жанисел ишазул Министерлъиялъул вакилаз. Рохьилазде данде къеркьей, полициялъул системаялда ругел гIунгутIаби, низам цIунулез гьарулел такъсирал – чанги суалал рорхана.
Декабрь 29, 2014
Дагъистаналъул цIияв амирги «Имарат Кавказалъул» лъазабиги

«Имарат Кавказ» гIуцIиялъул цевехъан ГIалиасхаб Кебековас лъазабуна Дагъистаналъул амир Абу-МухIамад рохьилазда гъорлъ дагIба-къец баккиялъулъ гIайибияв вугин. YouTube сайталда лъураб видеориликалда Кебековас абулеб буго Абу-МухIаммад хиянатчилъун кколин.
Декабрь 27, 2014
Экстремизм гIодобе кколеб рагIула, амма парахалъизе замaн щун рагIуларо

Терактал, чIвай-хъвеял, журналистал ва низам цIунулел идарабазул хIалтIухъаби чIвай ва гьел такъсиразда хурхун гьарулел цIех-рехазул бицана гьал къоязда журналистазе ЦIех-рехалъул Комитеталъул Дагъистаналда бугеб идараялъул нухмалъулев Эдуард Кабурнеевас.
Декабрь 26, 2014
Щиб бугеб Дагъистаналъе Д. Медведевас кьолеб хасаб кIваралда нахъа?

Россиялъул хIукуматалъул нухмалъулев Дмитрий Медведевас Дагъистан цебетIеялъе тIоцебего кIвар кьезе кколел суалал рехсараб хасаб хIукмуялда рехсон руго росдал магIишаталъул, лъай кьеялъул, экономикагун туризмалъул, социалиял ва цогидал суалал. Щай гьединаб хIукму гьабун бугеб хас гьабун Дагъистаналда хурхун?
Декабрь 25, 2014
С. МахIамадова: «Cулаев полициялъул статистикаялъул къурбанлъун гьавулев вуго».

«Рохьилазул» кумекчи вукIанин абураб гIайиб гIунтIизабун буго Хасавюрт мухъалдаса МухIамад Сулаевасда низам цIунулез. Амма адвокат Сапият МахIамадовалъ рикIкIунеб буго, ахирисез жидерго хIалтIул статистика лъикIлъизабизе ккун вугин Сулаевин.
Декабрь 24, 2014
Дагъистаналда лагълъи жакъаги хутIулеб буго

200-ялдаса цIикIкIун лагъ эркен гьавун вуго волонтерал исана Дагъистаналда. Гьезда гьоркьоса гIемерисел ратун руго кирпич къотIулеб заводазда. Волонтеразул рагIабазда рекъон, гьанже лагъзал Дагъистаналде рачун руго Москваялдаса гуребги, цогидал кIудиял шагьараздасаги.
Декабрь 22, 2014
Кванил нигIматазул багьаби тIаде унел руго

10-15%-алъ кванил нигIматазул багьаби хиралъизе руго цIияб соналдасаилан, лъазабулеб буго экспертаз. Гьез абухъе, экономикалъул цониги бутIа хутIизе гьечIо багьаби цикIкIинаричIеблъун.
Декабрь 20, 2014
БукIине бугищ Шималияб Кавказалда рагъ?

Дагъистаналъул амирин жинда абулев Абу-МухIамадицаги Шамилхъалаялъул секторалъул амирин жинда абулев Агъач-аулалдаса Абу-МухIамадицаги «Исламияб пачалихъилан» абулеб радикалияб исламияб къукъаялъе ритIухълъиялъул гьа бан буго гьал къоязда.
Декабрь 19, 2014
ЦIар хъвазе лъараб гIолищ ясазе?

КIинусгоялда цIикIкIун лъимер къабул гьабизе бегьулеб щибго гIилла гьечIого школазде хьвадулел гьечIин Дагъистаналдаилан, лъазабулеб буго республикаялъул прокуратураялъ. Экспертазул пикрабазда рекъон, гьединал лъимазул къадар жеги цIикIкIараб буго.
Декабрь 17, 2014
Временныялдаса чагIазе компенсациял кьолел гьечIо

Дагъистаналъул Унсоколо мухъалъул Временный росулъа гIадамазул гIарзал руго, жидее рихьизарурал компенсациял кьолел гьечIолъиялда ва кьезе бихьизабураб гIарацги цIакъго дагьаб букIиналда бан. Гьениб биххизабун яги пайдаялдаса бахъун буго кинабниги 50ялдаса цIикIкIун рукъ. Росулъ гьабсагIаталда гьечIо я ток, я газ. Гьединго хIалтIулел гьечIо школагун медпункт.
Декабрь 16, 2014
Терроралъе гIарац бакIарулел ралагьулел гьечIо

Араб соналда дандеккун исана терроралъул хасияб бугел такъсирал Дагъистаналда гIемерлъанин лъазабулеб буго республикаялъул прокуратураялъ. Экспертазул пикруялда, низам цIунулез жидерго халтIи хашго гьабиялъги гьел цIикIкIиналъе квербакъулеб буго.
Декабрь 15, 2014
Къадировасулги Каляпинилги конфликт хIалуцана

«ГIакъуба кьеялде дандечIараб Комитеталъул» Грозныялда бугеб къукъаялъул офис бухIун ва гьелъул гIахьалчагIи полициялъ ккун рукIана гьал къоязда. Чачан республикаялъул жанисел ишазул министерлъиялъул нухмалъулев хисулев Апти Алаудиновас лъазабуна комитеталъул хIалтIухъабазда регионалда гьезие хIинкъи гьечIолъи чIезабизе жинда кIоларин. Щиб ккараб инсанасул ихтиярал цIунулезе гьединаб тIадецуй гьабиялъе гIиллалъун?
Декабрь 15, 2014
«Рохьазде» нух къай мурадгун

Жакъа Дагъистаналда изну гьечIого яргъидгIуцIарал къукъабазда вуго кIинусго чи вуго, жеги кIинусго дагъистанияв Сириялда «Исламалъул пачалихъ» абулеб радикалияб къукъаялъул ахъккун вагъулев вуго. Гьедин лъазабулеб буго республикаялъул Жанисел ишазул министерлъиялъ. Гьединазул къадар дагьлъизабиялъул мурадалда гьал къоязда Дербенталда рагьун буго экстремизмалъе профилактика гьабулеб центр
Декабрь 13, 2014
ЯцгIал чIварасе диван гьабулеб буго

Буйнакск мухъалда диван гьабулеб буго яцгIал чIварав ЧIикIаб росулъа 3I сон барав ГIабдулазиз ГIабдурахIмановасе. ЦIех-рехалъул материалазда рекъон, 25 сон барай яцгIал гьес чIван йиго маялъул ахиралда. Гьесие рекIее гIун гьечIо гьелъул хьвада-чIвади.
Декабрь 13, 2014
Минабазул масъала – Амировасул ирсищ?

Парк гьабизехъин букIараб бакIалда минаби ралел ругин гIарзагун Киров мухъалдаса махIачхъалаялъулал рачIун руго гьал къоязда «Дагъистаналъул улбул» абураб инсанасул ихтиярал цIунулеб гIуцIиялде.
Декабрь 12, 2014
Кьвагьа-гIанхъиял гIемерлъулел руго

Изну гьечIого яргъидгIуцIаразул щугояв чIвана къуваталъулаз Гъарабудахкент мухъалда тIобитIараб хасаб операциялда. Терроралде дандечIараб миллияб комитеталъул лъазабиязда рекъон, хасаб операция гьабуна Гурбуки росулъ.
Декабрь 08, 2014
Тунка-гIусиялда гIайиб гьечIелищ чIварал?

Изну гьечIого яргъид гIуцIарал къукъабазде гъорлъе унел кIигоял чIванин гьал къоязда Гъизилюрт мухъалдаилан лъазабуна прессаялдаса. Информациялъул алатазул баяназда рекъон, лъугьа-бахъин ккана Шушановка росда гIагарда.
Декабрь 05, 2014
Левада-центр: "Шималияб Кавказалда хIалуцин гIодобе кколеб буго".

Шималияб Кавказалда терроралъулал такъсирал тIагIунел ругилан ва республикабазда ахIвал-хIал хисулеб бугилан рикIкIунезул къадар Россиялда жеги цIикIкIана — гьедин лъазабулеб буго жамгIияталъул пикруялъул цIех-рехал гьарулеб «Левада-централъ». ЦIех-рех «Левада-централъ» гьабун буго Россиялъул 46 регионалда гIумру гьабулелгун. Суалал кьун руго 1600 чиясе.
Декабрь 03, 2014
«Лазурный берег» проект къана

Инвестициязул аслиял проектазул сияхIалдаса Дагъистаналъул хIукуматалъ гьал къоязда бахъана «Лазурный берег» илан цIар бугеб проект. Гьеб проект тIубаялъе бихьизабун букIараб ракьалда сверун кланазул хIаял рагъарун ругин, хъвалеб буго цо-цо информалатаз.
Декабрь 01, 2014
Имидж информалатаз гуреб, мухIканал бергьенлъияз лъикIлъизабула

Шималияб Кавказалъул имиджалда хурхараб суал гьоркьоб лъун букIана гьал къоялда Ростовалда. Левада-централъги цо-цо экспертазги лъазабулеб буго регионалъул имидж дагьалъ лъикIлъанин. Аммайин абун буго гьениб тIобитIараб хасаб тадбиралъул цо-цо гIахьалчагIаз, гьелъул имидж информалатаз гурин борхизабизе кколеб, гьеб борхизе кколин жалго республикабаз жидеего щварал бергьелъабаздалъунин.

Загрузить еще

XS

SM

MD

LG