Рубрики

Новость часа

МухIамадов Закир

Автор МухIамадов Закир

Март 03, 2015
ГучучгIалиевасул иш: прокуроразул рагIула 127 нугI

«Шамилхъалаялъул секторин» «рохьилаз» абулеб мухъалъул амирлъун рикIкIунев вукIарав Сиражудин ГучучгIалиевасда чанги гIайиб чIвалеб буго: «рохьилазул» къукъа гIуцIи, полициялъул хIалтIухъаби чIвай, диванчи чIвай ва цогидал вахIшиял такъсирал.
Март 03, 2015
Тохтурзабаз ришватал росиялда министр божуларо

Лъимал гьарулеб МахIачхъалаялъул кIиабилеб азарханаялда лъимер хвеялда тIаса такъсир гьабиялъул иш рагьана низам цIунулез. СахлъицIуниялъул министерлъиялдани абулеб буго тохтуразул гIаийбалдалъун хвечIилан лъимер.
Февраль 28, 2015
Сириялдаса нахъруссунел – ракIбуссаралищ рагъизе рачIунелищ?

Рес бугищ исана Сириялда рагъизе арал дагъистаниязул къадар цIикIкIине? «Исламияб пачалихъин абулеб» экстремистияб къукъаялде рагъизейин гIолилал иналъе гIиллаби кинал ругел? Гьенире ун рукIарал щай тIадруссунел ругел?
Февраль 26, 2015
Полициялъ ккун арав моргалда ватана

Полициялъул хIалтIухъабаз ккун вукIарав Тарки росулъа Салаватов ГIалимхан гIагарлъиялда ватун вуго моргалда. Низам цIунулез абулеб буго жидеца гьев нахъе виччан вукIанин ва цо заманалдасан гьесул жаназа жидеда рохьил рагIалда батанин. Наркотикал цIикIкIун ратилин гьесийинги тIадежубан буго полицияз Салаватовасул гIагарлъиялъе баян кьолаго. Иш гьедин батаниги, гьев гьез жидецаго чIван ватичIониги, чи чIван яги хун ватиялъул цIех-рех гьабизе кколарищ гьезин абураб суал буго чIварасул гIагарлъиялъул полициялъе.
Февраль 25, 2015
Балъгояб экономикаялъул лъие пайда бугеб?

Банкал, гьоркьохъеб бизнес, федералиял хасал программаби - балъгояб экономикаялъул лъалкI батичIел сфераби Дагъистаналда гьечIин, рикIкIунеб буго экспертаз. Гьезул рагIабазда рекъон, республикаялъул экономиялда 70 процент кколеб буго балъгояб экономикаялъ ва хIакимзабазе гьелдаса пайдаги рагIула.
Февраль 23, 2015
«ЛъикIал дагъистаниял» ва дотациязул экономика

Дагъистаналъул аслияб инвестор буго Россиялъул федералияб бюджет, гьединлъидал киналгIаги экономикиял кризисалги гьелда хъвалел гьечIо. Гьел инвестициял кьолезул кьердаги Дагъистан цебесеб бакIалда гьечIо. Республикаялда ракIарарал магъалоязул 80 % гьенибго хутIулеб буго. Россиялъул шагьаразде халтIизе унел жанисел мигрантазда гьоркьор бищунго цIикIкIун руго дагъистаниял. Гьаб заманаялда дагьлъарабин ккараб кавказофобиялъул магIна гьеб тIагIиялъул гIаламатлъун кколаро. Гьел ва гьезда релъарал цоги суалазул бицунеб букIана гьал къоязда Москваялдаса экспертаз МахIачхъалаялда тIобитIараб данделъиялда.
Февраль 20, 2015
Адвокатазе рес кьолеб гьечIо жидерго клиенталгун дандчIвазе

Адвокат Рустам Юнусовас ва адвокат Сапият МухIамадовалъ низам цIунулел идарабазул хIалтIухъабазул ишазда тIаса гIарзаби хъвана.
Февраль 19, 2015
Дагъистаниял гьанжеги гIедегIулел гьечIо яргъидаса ратIалъизе

Дагъистаналъул жанисел ишазул министерлъиялъул лъазабиязда рекъон, республикаялда гIумру гьабулезухъ кодоб бугеб яргъидул къадар кIудияб бугин абизе бегьула, амма мухIканлъи кьун тарихал рачине бажаруларо. Санаидаса санаиде республикаялда тIобитIунеб буго «ярагъилан» абураб операция ва гIадамаз полициялде щвезабулеб буго жидехъ кодоб бугеб ярагъ. Амма гьеб операция къазе жеги гIезегIан заман бугин, рикIкIунеб буго жанисел ишазул министерлъиялда.
Февраль 18, 2015
АхIвал-хIал лъикIлъана, парахалъиялъе багьана гьечIо

Араб соналда Дагъистаналда оперативияб ахIвал-хIал лъикIлъанин, амма низам цIунулезул хIалтIудалъ гIунгутIаби ругин бицунеб букIана гьал къоязда Дагъистаналъул хIукуматалда тIобитIараб хасаб данделъиялда. Гьенир ракIарарал низам цIунулел идарабазул нухмалъулезги, депутаталгун цогидал хIакимазги бицунеб букIана исана терроралде дандечIараб хIалтIи кин гьабизе кколебали.
Февраль 17, 2015
ХI. Ахъаев: "Дун полициялъул статистикаялъул къурбан ккола"

МахIачхъалаялъул Киров мухъалъул полициялъул идараялда жив квешго вуханин низам цIунулезилан гIарзагун инсанасул ихтиярал цIунулезухъе вачIана ХIанипа Ахъаев. 33 сон барав Ахъаевас бицухъе, полициялъулаз гьев тIамулев вукIана жинца гьабичIеб такъсир тIаде босизе.
Февраль 16, 2015
Тарбия ва цIали - гIолохъабазул битIараб нух

Шималияб Кавказалда жакъа къоялда гIадатал тIагIунел руго, жамгIияталъе гIадатал хисулел руго диналъилан, рикIкIунеб буго экспертаз. Гьезул пикруялда рекъон, рукIарал гIадатал сверулел руго цIиял гIадатазде ва гьезда абизе бегьула диналъ хисизарулал гIадаталилан.
Февраль 13, 2015
И. Стародубровская: Политикияб элита хисизе ккола Дагъистаналда

Шималияб Кавказалда ахIвал-хIал хIалуциналъе кинал гIиллаби ругел? Гьеб суалалъе жаваб кьуна политолог ва экономист Ирина Стародубровскаялъ жиндир хасаб онлайн-лекциялда. Эркенлъи Радиоялъе Стародубровскаялъ бицана Шималияб Кавказалъул республикабазда ругелин бицунел проблемабазул кинал ургъараллъун кколелали ва хIакъикъаталдаги ругел масъалаби кин тIуразе бегьулебали. Эксперталъул пикру лъазабуна МухIамадов Закирица.
Февраль 12, 2015
РишватчагIазда яхI-намус щиб жояли лъаладай?!

Исана Дагъистаналда коррупциялде данде къеркьеялъул программа рагIалде бахъинабизе биччан буго 10 млн.гъурущ. Араб соналда жидер хIалтIул хIасилалъул бицунаго республикаялъул юстициялъул министерлъиялъул вакилас абун букIана цебеги коррупциялде данде къеркьеялъе биччан букIараб гIарцул бащдаб къадар кибе арабали лъачIого тIагIун бугин. Гьебго заманаялда коррупциялда хурхун 425 иш рагьун буго республикаялда араб соналда ва гьезулги цIикIкIунисеб бутIа рагIула бюджет бикъиялда бараб.
Февраль 11, 2015
«ЧIегIерал сияхIал», «багIарал адвокатал», гIакъуба…

Гъизляр мухъалдаса Имнагъазали МухIамадовасда тIад диваналъул процесс ахиралде щолеб буго. Гьесул адвокатас рикIкIунеб буго диваналъ МухIамадовасда гIунтIизарулел гIайибазе далилал гьечIин, амма диванчияс прокурорасул рахъ кквезе рес бугин. Прокурорас абуни МухIамадовасе туснахъалъул микьго сон тIалаб гьабулеб буго. ГIакъуба кьей, «багIарал» адвокатал, «чIегIерал сияхIал» - Дагъистаналъул низам цIуниялъул системаялъул гьел киналго къагIидаби рукIанин МухIамадовасул ишалда хурхун хIалтIизарулелин абулеб буго инсанасул ихтиярал цIунулез.
Февраль 10, 2015
ГIабдулатIиповасде данде гьабулеб кампаниялъул къурбанал?

Дагъистаналъул нухмалъулев Рамазан ГIабдулатIиповасде данде гьабулеб информационияб кампаниялъул къурбаналлъун рахъунел ругин Гамлет Кельбисов ва Рустам ХIабибовин абулеб буго гьезул гIагарлъиялъ, щайгурелъул гьездаса тIалаб гьабулеб бугила ГIабдулатIиповасул вац Ражабиде данде хIалтIизаризе баянал кьезейин. Декабралда рикъарал гьел гьал къоязда ратана Владикавказалда. Гьезие гIакъуба кьолеб ругин, абулеб буго гьезул вацаз.
Февраль 09, 2015
ГучучгIалиевасе диван Ставрополалда гьабулеб буго

Ставрополь икълималъул диванханаялда итни къоялда байбихьана Сиражудин ГучучгIалиевасул ишалда сверун процесс. Дагъистаналъул «рохьилазда» гьоркьоса бищун гIемерал такъсирал гьаруразул цоявлъун рикIкIунев вуго гьев цIех-рехчагIаз.
Февраль 06, 2015
"Кристалл-Сити": инвесторал рачIиналде хьулалгун

«Кристалл-Сити» абураб индустриалияб парк батизе бегьула Каспийск шагьаралда аскIоб. Паркалъул ракьал «МахIачхъала-Аэропорт» трассаялда гIагарда руго. Дагъистаналда тIоцебесеб гьеб паркалъе хIукуматалъ ракьалъул 18 гектар бихьизабун буго.
Февраль 05, 2015
ХIакимал хадур цIазе бегьулев "рохьилав"

«Хасавюрталъулаб» абураб рохьилазул къукъаялъул цевехъанлъун вукIарав Крымчи Крымчиевасда хурхун рагьун букIараб такъсир гьабиялъул иш Дагъистаналъул прокуратураялъ диваналде битIана гьал къоязда. Хасавюрт мухъалъул диванханаялда хал гьабизе буго гьеб ишалъул. ТIадежоялъе, низам цIунулел идарабаздаса щварал баяназда рекъон, Крымчиевасул бухьенал рукIун ратизе бегьула Хасавюрт мухъалдаса хIакималгун.
Февраль 03, 2015
Дагъистаниязул берал "рагьизарулел" руго блогер Илья Варламовас

Гьал къоязда МахIачхъалаялда щвана Москваялдаса машгьурав блогер Илья Варламов. Интернет-сайтазда ругел жиндирго гьурмазда Варламовас МахIачхъалаялъе кьурал квешал къиматаз дагъистаниязда гъорлъ бахIсал раккизаруна. Рищнидул цIураб хъубаб шагьарлъун батана МахIахъалаилан хъвана Варламовас жиндирго интернет-даптаралда.
Февраль 02, 2015
КIиго гIолохъанчи валагьулев вуго Дагъистаналда

Гьал къоязда Дагъистаналда вилун вуго лъабго гIолилав. ГIагарлъиялдаса чагIаз рикIкIунеб буго, низам цIунулез гьел рикъун ратизе бегьулин. Инсанасул ихтиярал цIунулел гIуцIиязда абулеб буго, ахираб заманалда къуваталъулаз гIадамал рикъиялъул хIужжаби дагьлъанин Дагъистаналда.

Загрузить еще

XS

SM

MD

LG