Рубрики

Новость часа

Алиса Алдашева

Автор Алиса Алдашева

Март 11, 2015
Эбелгун лъимер тIагIун руго

МахIачхъалаялдаса ТIалхIатова ГIайшат кий йигеяле лъазе кIолеб гьечIо гьелъул гIага-божаразда. Полициялъул бутIабазда гIагаразухъе киналгIаги баянал щун гьечIо. НизамцIунулезул сияхIалда ругел чагIи рукIиналъ, гьей ккун ятизеги рес бугила.
Март 10, 2015
Умумузул рукIа-рахъингун лъай-хъвай гьабизе бегьула ХIариколо

Дагъистаналда этнотуризм тIибитIиялъе ресал ругел мухъаллъун кколел руго Хунзахъ, Гъуниб, Табасаран, Дахадаев ва жеги чанго мухъ. 2015 соналъул байбихьуде цо-цо мухъазда рагьун руго гьединал туристал къабул гьаризе умумузе хасиятаб хIалалда къачIарал рукъзал.
Март 07, 2015
Аваразул багьадур: КIикIуниса ГIусман

20 гIасруялъул тIоцебесеб бащалъиялда жакъа гIадин гIемер Дагъистаналъул цIар рагIизабурал гугарухъаби рукIинчIо, рукIана гьеб параялъ циркалъул гугарухъабилъун цIар рагIарал дагъистаниял. Гьединал цIар рагIаразул цоявлъун ккола КIикIуниса ГIабдурахIманов ГIусманги, мегIер-ГIусман абун цIар жиндие щварав.
Март 06, 2015
ХIариколоб ясли-ах гьечIого хутIана лъимал

Хунхахъ мухъалъул ХIариколо росдал лъималазул ах бухIун буго 5 марталъ, сардилъ. ЦIа ккеялъе яслияб гIиллалъун рикIкIунеб буго басралъарал токалъул квараздасан чIири речIчIи. Дагъистаналда ругел школабазул ва лъималазул ахазул 35 процент кколеб буго цIа ккеялъул хIинкъи бугеллъун.
Март 05, 2015
Низам цIунулез къанун цIунулеб гьечIо

Дагъистаналда низамцIунулез къанун хвезабиялъул хIужаби соналдаса соналде цIикIкIунел ругин лъазабулеб буго жиндирго докладалда Дагъистанаъул бетIерасда цее инсанасул ихтиярал цIуниялъул тIадкъаял ругей Уммупазиль ГIумаровалъ. ХIакъикъаталда киналгIаги гIарзабазул 90 процент хурхарал рукIунин низамцIунулез гьарулел къануналда рекъечIел ишаздайин лъазабулеб буго адвокатас.
Март 04, 2015
Полициялда цо нухалда жидехъего ккарав чи кIочонаро

МахIачхъалаялда викъун анин лъазабулев вукIарав Артем Алхасов низамцIунулез ккун вугин лъазабулеб буго гьесул гIага-божараз. Гьесде изну гьечIого яргъидгIуцIаразулгун бухьен букIиналда хурхун гIайиб гIунтIизабулеб бугила. Дагъистаналда гIадатияб ишлъун лъугьунеб бугила цин чи тIагун, цинги гьев низамцIунулез ккун ватийин рикIкIунеб буго юристас.
Март 03, 2015
Нечаевка росулъа чи кив вугевали чIезабизе кIолеб гьечIо

Гъизилюрт мухъалъул Нечаевка росулъа МухIамадов Джаба тIагIаралдаса лъабго къо баниги, гьесул щибго лъалеб жо гьечIо. БакIалъул гIадамаз лъазабулеб буго гьев автомобилалда жанив къазавун, вачун анилан.
Март 01, 2015
ГIашилтIа школалда цIа гъеялда щаклъи буго

Унсоколо мухъалъул ГIашилтIа росдал школаялда цIа рекIун букIун буго тIоцебесеб матралъул сардилъ. Гьеб радалалде свинабизеги кIун буго. Школалда ургъунго цIа лъун букIиналда щаклъи бугин абулеб буго бакIалъул гIадамаз.
Февраль 27, 2015
Жакъа дагъистаниязе хIажатаб буго руччабазул такси

Автомобиль бачуней чIужугIадан Дагъистаналда гIадатияб хIакъикъаталде сверулеб буго. Гьелдаго цадахъ тIибитIулеб буго руччабазе гIадатияблъун кколареб таксиялда хIалтIи. Рокъобе гIарац балагьизе ккеялъ тIамулел руго гьел гьеб жидее ругьунаб гуреб ишалде.
Февраль 26, 2015
КТО халат бахъунеб буго

Гъизилюрт мухъалъул ункъго росулъ- СултIанянгъиюрт, Нечаевка, Кировавул ва Чонтаул росабалъ халат бахъунеб буго итни къоялъ лъазабураб терроризмалде данде чIараб операциялъул низам. БатIи-батIиял баяназда рекъон, гьенив 6-ялдаса 10 -ялде щвезегIан изну гьечIого яргъидгIуцIарав чIван вугин лъазабулеб буго низам цIунулез. АрбагI къоялдаса хамиз къоялъул сардилъ цIидасан байбихьараб кьвагьи рогьинегIан къотIичIин лъазабулеб буго бакIалъул гIадамаз.
Февраль 25, 2015
Таксиялъул рулалда нахъ - Загьра Мутаева

Кавказалда руччабазе гIадатияблъун кколареб нух бищун буго жиндирго хъизаналъе бетIербахъи гьабиялъул мурадалда кIиго лъимадул эбел Мутаева Загьраца россасдаса ятIалъун хадуб. Шофер хIисабалда гIемерал соназ гьелъ яччулей йикIун йиго пачалихъияй хъулухъчIужу.
Февраль 23, 2015
Рахьдал мацIазул къо кIодо гьабун

22-23 февралалда МахIачхъалаялда Авар театралъул минаялда исана кIиабилеб нухалда тIобитIана Халкъазда гьоркьосеб рахьдал мацIазул къоялъул гIурхъабалъ хIадурараб магIарул басма бихьизабиялъул II-билеб тадбир. Соналдаса соналде гьеб тадбиралде кIвар цIикIкIунеб ва мацI цIуниялъе гьабулеб хIалтIи гIемерлъулеб бугин абулеб буго гьелъул гIахьалчагIаз.
Февраль 21, 2015
Ракьул бутIаялда хадуб халатаб иргаялда

Дагъистаналдаса гIемер лъимал ругел хъизабазул рес буго рукIа-рахъин лъикI гьабизе ракьул бутIа щвезе. Амма бугеб ракь бикьулеб бугониги, гIицIго лъабил бутIаялъе гурони рес гьечIила гьеб щвезе. Щай?
Февраль 20, 2015
Гьекъолеб лъедасан унтарал цIикIкIунел руго

Дербент мухъалда Гепатит А унти бахаразул къадар цIикIкIиналда бан, Дагъистаналъул ЦIех-рехалъул коммитеталъ такъсир гьабиялъул иш рагьун буго. Гьеб тIоцебесеб нух гуро кколеб Дербент мухъалда лъедасан унтаби тIиритIараб. ГIаммаб куцалъ Дагъистаналда лъим санитарияялгун эпидемиял шартIазда данде кколареб бугин лъазабулеб буго экспертас.
Февраль 19, 2015
Пенсиязул фондалда сверун цIидаса гьерсал тIиритIизаруна

Дагъистаналъул Пенсиязул фондалъул киналгIаги финансазда хурхарал документал нахъе рахъулел ругин абураб хабар тIибитIана интернеталда. Амма жибго идараялъул вакильзабаз абулеб буго гьел кьучI гьечIого рицарал харбал кколин.
Февраль 17, 2015
Ралъдал туризмалъе нух хъулухъчагIазул кIалгIабаз къалеб буго

ТIабигIат цIуниялъул прокуратураялъ такъсирияб иш рагьун буго ралъдал рагIалда бугеб ракь ижараялъ кьуралъухъ ришват босулаго тIад ккурав «МахIачхъалаялъул рохьил магIишат» гIуцIиялъул нухмалъулев хисулесда хурхун. Жакъа кинабгIаги туризмалъул бицине бегьуларин, ралъдал рагIаллъи ккурал жалго хIакимчагIи рукIагойин рикIкIунеб буго экспертаз.
Февраль 12, 2015
45 сон тIубайдал паспорт хисичIони щиб букIунеб

Эркенлъи Радиоялъухъе бачIараб иргадулаб суал хурхараб буго паспорт хисиялъул болжалазжа.
Февраль 10, 2015
Хурзалгун кIкIалал рощнол цIун руго

21 гIасруялда Дагъистаналъул шагьаразда гуребги мухъалгун росабалъги кIудияб гIунгутIилъун лъугьун буго рищниялъул суал. БухIизе, тIагIинабизе рес гьечIеб тайпаялъул рищни букIиналъ гьелда данде рагъ бан хIалтIи гьабизе байбихьун буго ахираб заманаялда, амма живго инсанасул тIабигIаталдехун бербалагьи хисун гурони гьеб хIалтIул хIасил ккезе гьечIин абулеб буго экспертаз.
Февраль 09, 2015
ГIадамазул ургьел ккун гуро, берцин рихьизе...

Дагъистаналда цIигьабулеб буго шагьаразда гьрокьоб электричкабазул бухьен. Гьедин 9 февраралда цIигьабун хIалтIизе биччан буго Дербент-ГIурхъи маххул нухда хьвадулеб электричка. ГIадатиял гIадамазе кIвар бугеб гьеб маршрут кинабгIаги экономикияб пайда гьечIеблъун бихьулеб буго цо-цо экспертазда.
Февраль 07, 2015
МахIачхъалаялъул къватIазде нахъе руссунел руго автобусал

7 февралалда хIалтIуде рахъана араб соналъул декабралда Дагъистаналъул тахшагьаралъе республикаялъул бюджеталдаса росарал цIиял автобусазул къокъа. МахIачхъала-Каспийск, маршруталда хьвадизе байбихьана 17 автобус. Шагьаралъул бутIрузул рагIабазда, хутIарал маршрутал рагьизе руго 12 февралалда.

Загрузить еще

XS

SM

MD

LG