Рубрики

Новость часа

Ашахан Юсупов

Автор Ашахан Юсупов

Март 13, 2013
ГIабдулатlиповасул хIалтIуе къимат кьезе байбихьана

Заманаялъ Дагъистаналъе нухмалъи гьабизе Рамазан ГIабдулатIипов вачIаралдаса араб моцIгун бащадабгIан заманалда жаниб гьес гьабураб хIалтIул хIасил гьабизе байбихьун буго Дагъистаналъул цо-цо экспретаз.
Март 12, 2013
Балъгояб заводалъул «гьитIинаб мунагь»

Россиялъул Генералияб прокуратураялъ такъсир гьабиялъул иш рагьун буго Каспийскалда бугеб «Дагдизель» абураб заводалда тIасан. Гьелъие гIиллалъун ккун буго Улка цIуниялъул министерлъиялъулгун гьабураб къотIиялда рекъон гьезие хIажатаб рагъулаб сурсат заводалъ хIадур гьабичIолъи. «Дагдизелалъул» нухмалъиялъ инкар гьабуна гьелда тIасан кинал ругониги баянал кьезе.
Март 05, 2013
Сталин гьечIого 60 сон...

Щуабилеб марталда 60 сон тIубала Советияб хIукуматалъул тIоцересел нухмалъулезул цояв Иосиф Сталин хваралдаса. Кинавлъун хутIарав гьев халкъалъул рекIелъ - кIудияб улкаялъул къадруяв цевехъанлъуниш, ялъуни аза-азар чиясул рокъобе къварилъи бачарав вахIшияв гIаштIичилъуниш?
Март 04, 2013
Ишан диналдейищ босун бугеб?

Иргадулав динияв хIаракатчи чIвана гьал къоязда Гъарабудахкент мухъалъул Губден росулъ. Щалали лъаларел чагIаз жиндирго рукъалда цеве чIван вуго мадрасалъул мугIалим Биясланов МухIамад. ТакъсирчагIи кодоре щун гьечIо.
Февраль 28, 2013
Сайгидил меседил медаль

Сиднеялда тIоритIарал Олимпиялъул хIаязда меседил медаль щварав дагъистанияв Сайгид МуртазагIалиевас инкар гьабуна гьал къоязда гьеб шапакъаталдаса. Гьелъие гIиллалъун гьес баян гьабуна Халкъазда гьоркьосеб олимпиялъул комитеталъ эркенаб гугари гьел хIаязул программаялда гьоркьоса рехизе хIукму гьаби. Кинаб пикру бугеб гьелда тIасан Дагъистаналъул цогидал спортсменазул?
Февраль 26, 2013
12 соналъ хIехьараб зулму

Талат къоялъ МахIачхъалаялде ракIарун рукIана республикаялъул Дохъузпара мухъалъул жамагIаталъул церехъаби. Мухъалъул нухмалъулев ГIабасов Керимханица гIадамазда хурхун гьарулел къанун хвезабиялъул хIужабазда хурхун тIобитIараб данделъиялда гIатIидго бицунеб букIана чанго гьединал мисалазул.
Февраль 25, 2013
«Махщалил лъай кьолел цIалул идарабазул букIинесеб кIудияб буго»

Советияб заманалдаго нилъер улкаялда рагьун рукIарал хадур цIигьабун гIуцIиялъул заманалда цадахъ къазе байбихьараб мехалдацин къачIого хутIараб Каспийскалъул №6 Профессионалияб техникумалда жакъаги цIалулев вуго 800 саги цIикIкIун чи. 1940 соналдаго рагьараб гьеб цIалул идараялда кIвана бищун захIматал соназдаги улкаялъе жиндирго хадубккунисеб хIажалъи къваригIунеблъи тасдикъ гьабизе.
Февраль 20, 2013
ЦIале, цIале, цIале дир «цIодор»

Гьал къоялда Москваялда унеб буго лъай кьеялъул идараялъул хIалтIухъаби хIадур гьариялда сверун улкаялда лъугьун бугеб ахIвал-хIалалда тIасан конференция. Щив кколев жакъа мугIалим? Кинаб бугеб гьесдехун хIукуматалъул бербалагьи ва гьесул гIумруялъул даража? Гьеб суалалъ борхулеб буго кIудияб проблема. Масала, Дагъистаналъул мугIалимазе исана февралалдаги кьун букIинчIо декабралъул харж. Кинаб тарбия кьезе кколеб гьединав мугIалимас бачIунеб гIелалъе ва кинаб лъай бугеб живго мугIалимасул?
Февраль 19, 2013
Антимонополистаз лъагIалил «бачIиналъул» баян кьуна

Республикаялъул ва федералияб бюджеталде чанго миллион гъурущ тIадбуссинабизе кIун буго араб соналда Дагъистаналъул монополиялда дандечIараб хъулухъалда. Гьедин лъазабуна гьеб хъулухъалъул нухмалъулев Кубасаев Къурбаница талат къоялда МахIачхъалаялда букIараб пресс-конференциялда. Амма гьелдаго цадахъ гьес абуна жеги гIемер ругин рагьичIого хутIарал такъсиралгиян.
Февраль 15, 2013
МагIарухъги гIемерлъулел руго наркоманал

Дагъистаналда гIемерлъулел руго наркотикал тIиритIизариялъул хIужаби. ЦохIо гьаб моцIалъул байбихьуда гьеб заралияб пишаялда данде къеркьолеб идараялъул Дагъистаналда бугеб бутIаялъ тIатинабун буго 4 гьединаб хIужа. «Эркенлъи» радиоялъухъе щварал баяназда рекъон наркотик сабаблъун гьал къоязда мугIрузул мухъаздаги хун вуго цо гIолохъанчи, кIиабилев захIматаб хIалалда азарханаялда вегизавун вуго.
Февраль 14, 2013
Теракт: фронт гьечIеб рагъ халат бахъунеб буго

Хамиз къоялъул радакь хеккого Хасавюрталъул Полициялъул посталда ккараб теракталъул хIасилалда хун вуго 5 полициялъулав. ЧIваразул лъабгоял рукIун руго Вологда икълималдаса командировкаялъ Дагъистаналде ритIарал гIолохъаби. Щуабилев жеги кодове щун гьечIо.
Февраль 11, 2013
Дербент: «Нилъехъе вачIунев вуго ревизор!»

Чвахун цIадалъ зарал гьабураб Дагъистаналъул Дербенталда гIумру гьабун ругел гIадамазул нахъойги руго гIарзал нухмалъиялъ жидее рецIалил гIарац кьолеб гьечIилан. Гьал къоязда гьениве вачIине вуго заманаялъ республикаялъе нухмалъи гьабизе витIарав Рамазан ГIабдулатIипов. ТIабигIияб балагьалдаса хадуб шагьаралъул къватIахъ бугеб чороклъи гьесдаса бахчизелъун тадбирал ургъизе хIаракат бахъулеб буго гьениб шагьаралъул нухмалъиялъ. Амма нижехъе щварал баяназда рекъон зарал ккарал гIадамаз рагIалде бахъинабизе течIо гьеб масъала.
Февраль 08, 2013
ГIолохъанал нухмалъулел гьечIила Дагъистаналда

Республикаялъул цIияб хIукуматалда хъулухъал рикьа-къотIиялда жидерго разилъи гьечIолъи загьир гьабуна гьал къоязда Дагъистаналъул цо-цо экспертаз. Жеги Москваялда вукIаго Дагъистаналъул нухмалъулевлъун вачIунаго жинцаго кьун букIараб рагIиялъул цонигияб рагIалде бахъинабичIин ГIабдулатIиповасилан абулеб буго гьез.
Февраль 06, 2013
Бигьаяб гьечIо жакъа гIумру мугIалимасул

Дагъистаналда нахъойги руго гIарзал лъай кьеялъул хIалтIухъабазе чанго моцIалъухъ моцIрол харжал кьолел гьечIин абураб. МугIалимзабазул махщалил цолъиялъул нухмалъулес бицунелда рекъон республикаялъул финанасазул министерлъиялъ абулеб буго жидер гIарац гьечIин гьезие кьезейилан.
Февраль 04, 2013
«Шамил жеги тIуванго лъалев гьечIо халкъалда»

ГIадатлъун билълъухъе 4 февралалда Дагъистаналда ракIалде щвезавула КIудияв Имам Шамил. Республикаялда цебегоялдаса нахъе хIалтIулеб бугеб кIудияв имамасул цIаралда бугеб фондалъги Шамил ракIалде щвезабиялъул тадбир тIобитIана итни къоялъ тахшагьаралда.
Февраль 01, 2013
Камуфляж лъица ретlун бугеб жакъа?

Комуфляж ретIарал чагIаз гIадамал рикъиялъул 30 гIанасеб гIарза бачIун буго араб соналъ Дагъистаналъул прокуратураялде. Гьезул бащадазда хурхун цIех-рех тIобитIанин баян кьуна гьез гьал къоязда. Амма инсанасул ихтиярал цIунулез абулеб буго гьел такъсиразул цонигияб рагьун гьечIин республикаялда ва гьалдаса хадуб рагьиги щакаб бугин. Гьединго гьез рикIкIунеб буго рехсараб тайпаялъул хIужаби араб соналъ республикаялда дагьалги гIемер рукIанин.
Январь 31, 2013
Эльдаров: ГIакълу бугев чияс банкалда гIарац лъоларо

Дагъистаналда бугеб Сбербанкалъул бутIаялъ рузманкъоялдаса байбихьун кьезе буго моцIалъ цебе лицензиялдаса махIрум гьабураб «Экспресс» банкалда жидерго гIарац цIунун рукIарал чагIазе кьолеб рецIалил гIарац. Банкалъул вакилзабаз кьураб баяналда рекъон халкъалъухъе нахъбуссинабизе буго жидер счеталда 700 азарго гъурщидаса тIадехун цIикIкIун букIинчIеб гIарцул къадар. Гьединго гьеб щвезе буго гIумру гьабун вугеб бакIалъухъ балагьичIого республикаялъул бокьараб мухъалда Сбербанкалъул бутIа бугеб бакIалдаса.
Январь 30, 2013
Ракь гьечIони- гьечIо нилъ…

Цо-цо баяназда рекъон, жакъа Дагъистаналда гIумру гьабулеб буго лъабго ва цIикIкIун лъимер бугеб 70 000-гIан хъизаналъ. Гьединазе хIалтIизаризе ракьул бутIа кьеялда сверун суал борхун букIана гьал къоязда Дагъистаналъул Халкъияб Мажлисалъул данделъиялда. Амма росабалъ гIумру гьабулел гIадамазул пикруялда рекъон, лъимал гIемерал хъизамазени кин гурин, гьанжего гьанже хъизан-рукъалде руссаразецин кьезе гIураб ракь гьечIо жакъа маг1арухъ
Январь 25, 2013
А. Анварбегов: «ТIолабго полициялде гъегъ базе гIедегIуге нуж!»

Дагъистаналда гIодоцунел гьечIо низам цIунулел хIалтIухъабазул гIумруялде квер борхиялъул хIужаби. Гьаб нухалда такъсирчагIазул къурбанлъун ккана хIалхьиялда вугев, цеве жанисел ишазул идараялда хIалтIулев вукIарав херав пенсионер. Кинаб къимат кьолеб бугеб жакъасеб Дагъистаналъул низам цIунулел хIалтIухъабазул хIаракатчилъиялъе гIемерал соназ гьенир хIалтIулел рукIарал гIадамаз?
Январь 23, 2013
Би тIей халат бахъунеб буго Дагъистаналда

Низам цIунулел хIалтIухъабазде тIаде кIанцIи гьабиялъул чанго хIужа ккана араб сардилъ Дагъистаналъул чанго мухъалда. ЦIех-рехалъул комитеталъул Дагъистаналда бугеб бутIаялъ арбагI къоялъ кьураб баяналда абулеб буго Гъизилюрт мухъалъул полициялъул хIалтIухъабазулгун букIараб кьвагьа-гIанхъиялъул хIасилалда чIварав чи цевеги низам цIунулезул идараялъул хIалтIухъан вукIанилан.

Загрузить еще

XS

SM

MD

LG