Наркотиказда данде къеркьолеб Федералияб хъулухъалъул Дагъистаналда бугеб бутIаялъ кьурал баяназда рекъон араб соналда жаниб гьезул хъулухъалъ тIатинабун буго кинабниги 2300 такъсир.
Республикаялъул тIолалго информ. алатаз жиб-жиб къоялъ борхулеб тема букIиналда бан Дагъистаналда киналго ругьунлъун ругин регионалда бищунго кIудияб проблемалъун тIоцебесеб иргаялда хIалуцараб криминалияб ахIвал-хIал букIиналде, амма гьелдасаги къураб къагIидаялъ гьечIин жакъа наркотикал тIиритIизариялъул суалгиян бицана «Эркенлъи» радиоялъе рехсараб идараялъул пресс-хъулухъалъул хIалтIухъан Сайпулаев Шамилица. Гьес гьединго бицана республикаялда къойидаса къойиде гIемерлъулел ругин жалго бетIергьанал рукъзабахъ наркотикал хIадурулел хIужабиги. Гьединал чанго бакIал тIатинарун руго гьез араб соналда.
Амма гIицIго Дагъистаналъул шагьаразда гурелги гIолохъабаз наркотикал тIиритIизариялъул хIужаби ахираб заманалда гIемерлъулел руго, гьединго мугIрузул мухъаздаги. Гьедин нижехъе щварал баяназда рекъон бидулъе биччараб наркотикалъул къадарги цIикIкIун ккун гьал къоязда Шамил мухъалъул Гьолокь росулъ хун вуго цо гIолилав, кIиабилев захIматаб къагIидаялъ азарханаялда вегизавун вугилан бицана нижеда жиндир цIар бицине разилъичIев чияс.
Хакъикъаталадги ругин гьединал хIужаби магIарухъ гьеб заралияб пишаялде гIолеб гIел ругьунлъулеб букIиналъул, амма гьедигIанго квешаб хIал бугилан абиларин жинцаян бицана «Эркенлъи» радиоялъе Гъуниб мухъалъул Гьонодаса МухIамадов МуртазагIалица.
Гьеб мухъалъул гIолилазда хурхун гьабулеб политикаялъул ва спорталъул бутIаялъул жавабияв хIалтIухъан ккола гьев. Гьеб хъубаб пишаялдаса гIолилал цIуна-къазелъун батIи-батIиял спортивиял тадбирал тIоритIулин жидеца районалдаян бицана МуртазагIалица.
МухIамадов МуртазагIали: « ЦIакъго цIодорлъи гьабизе ккараб мех букIуна хасго шагьаралдаса студентал эхеде рачIараб мехалъ, щайгурелъул гьез цадахъ босун бачIуна жидедаго тIаде цIиял лъарал наркотиказул батIи-батIиял тайпаби, гьез хIаракат бахъула росулъ ругездаги гьеб лъазабизе. ГIаммаб куцалъ балагьани мухъалда гьелъул рахъалъ абизегIанасеб хIалуцараб ахIвал-хIал бугилан дица абиларо. Руго цо-цо хIужаби нижеца гьезда тIад хIалтIиги гьабулеб буго».
ЦохIо къватIир ругел чагIазул бицинчIониги гьабсагIат заманаялъ цIех-рехалъул изоляторалъур жанир тIамун ругезул 80 проценталъ наркотикал хIалтIизарулилан бицана МахIачхъалаялда ругел гьединал цIех-рехалъулал изоляторалъув цоялъув хIалтIулев вукIарав ХIажиев МухIамадгIалица. Гьениб хIалтIулеб чанго соналда жаниб наркотиказда данде къеркьолеб идараялъ къватIире загьир гьаричIел хIужабазул гIемераб жо лъалеб бугоан гьесда. Мисалалъе МухIамадгIалица бицана бидулъе биччараб наркотикалъул къадар цIикIкIун ккун хварав чиясул баян кьолаго гьеб букIараб куцалда къватIибе кьоларила, щайгурелъул эркенлъиялдаса махIрум гьарурал чагIи жанир ругеб бакIалде наркотик биччанилан абураб хIужа къватIибе загьирлъани гьелъул кIудияб ахIи-хIур бахъунелъул, гьез батIи-батIияб нух балагьулин гьеб бахчизе . Гьелъул хIакъалъулъ гьадинан бицана гьес ЭР-ялъе.
ХIажиев МухIамадгIали: «Цогидаб унтуда хурхинабула гьез кинабго, мисалалъе ракI унтун ялъуни би лагIун ва гьел гурел цогидал тайпаялъул унти букIонин хварасулилан чIезабула. Гьеб гуребги жаназаялде жанире раккун хал гьабуларо хварасул унти чIезабизе. Нилъер анив гIемераб мехалъ толарелъул хварав чи, хехго вукъизе тIалаб гьабула. Гьелъулги кIудияб квегIенлъи буго гьеб хIужа бахчулел чагIазе»
ЦохIо февраль моцIалъул тIоцебесеб анкьида жаниб Дагъистаналда наркотиказда данде къеркьолеб идараялъ батIи-батIиял шагьаразда тIатинабун буго гьединаб 4 хIужа.
Республикаялъул тIолалго информ. алатаз жиб-жиб къоялъ борхулеб тема букIиналда бан Дагъистаналда киналго ругьунлъун ругин регионалда бищунго кIудияб проблемалъун тIоцебесеб иргаялда хIалуцараб криминалияб ахIвал-хIал букIиналде, амма гьелдасаги къураб къагIидаялъ гьечIин жакъа наркотикал тIиритIизариялъул суалгиян бицана «Эркенлъи» радиоялъе рехсараб идараялъул пресс-хъулухъалъул хIалтIухъан Сайпулаев Шамилица. Гьес гьединго бицана республикаялда къойидаса къойиде гIемерлъулел ругин жалго бетIергьанал рукъзабахъ наркотикал хIадурулел хIужабиги. Гьединал чанго бакIал тIатинарун руго гьез араб соналда.
Амма гIицIго Дагъистаналъул шагьаразда гурелги гIолохъабаз наркотикал тIиритIизариялъул хIужаби ахираб заманалда гIемерлъулел руго, гьединго мугIрузул мухъаздаги. Гьедин нижехъе щварал баяназда рекъон бидулъе биччараб наркотикалъул къадарги цIикIкIун ккун гьал къоязда Шамил мухъалъул Гьолокь росулъ хун вуго цо гIолилав, кIиабилев захIматаб къагIидаялъ азарханаялда вегизавун вугилан бицана нижеда жиндир цIар бицине разилъичIев чияс.
Хакъикъаталадги ругин гьединал хIужаби магIарухъ гьеб заралияб пишаялде гIолеб гIел ругьунлъулеб букIиналъул, амма гьедигIанго квешаб хIал бугилан абиларин жинцаян бицана «Эркенлъи» радиоялъе Гъуниб мухъалъул Гьонодаса МухIамадов МуртазагIалица.
Гьеб мухъалъул гIолилазда хурхун гьабулеб политикаялъул ва спорталъул бутIаялъул жавабияв хIалтIухъан ккола гьев. Гьеб хъубаб пишаялдаса гIолилал цIуна-къазелъун батIи-батIиял спортивиял тадбирал тIоритIулин жидеца районалдаян бицана МуртазагIалица.
МухIамадов МуртазагIали: « ЦIакъго цIодорлъи гьабизе ккараб мех букIуна хасго шагьаралдаса студентал эхеде рачIараб мехалъ, щайгурелъул гьез цадахъ босун бачIуна жидедаго тIаде цIиял лъарал наркотиказул батIи-батIиял тайпаби, гьез хIаракат бахъула росулъ ругездаги гьеб лъазабизе. ГIаммаб куцалъ балагьани мухъалда гьелъул рахъалъ абизегIанасеб хIалуцараб ахIвал-хIал бугилан дица абиларо. Руго цо-цо хIужаби нижеца гьезда тIад хIалтIиги гьабулеб буго».
ЦохIо къватIир ругел чагIазул бицинчIониги гьабсагIат заманаялъ цIех-рехалъул изоляторалъур жанир тIамун ругезул 80 проценталъ наркотикал хIалтIизарулилан бицана МахIачхъалаялда ругел гьединал цIех-рехалъулал изоляторалъув цоялъув хIалтIулев вукIарав ХIажиев МухIамадгIалица. Гьениб хIалтIулеб чанго соналда жаниб наркотиказда данде къеркьолеб идараялъ къватIире загьир гьаричIел хIужабазул гIемераб жо лъалеб бугоан гьесда. Мисалалъе МухIамадгIалица бицана бидулъе биччараб наркотикалъул къадар цIикIкIун ккун хварав чиясул баян кьолаго гьеб букIараб куцалда къватIибе кьоларила, щайгурелъул эркенлъиялдаса махIрум гьарурал чагIи жанир ругеб бакIалде наркотик биччанилан абураб хIужа къватIибе загьирлъани гьелъул кIудияб ахIи-хIур бахъунелъул, гьез батIи-батIияб нух балагьулин гьеб бахчизе . Гьелъул хIакъалъулъ гьадинан бицана гьес ЭР-ялъе.
ХIажиев МухIамадгIали: «Цогидаб унтуда хурхинабула гьез кинабго, мисалалъе ракI унтун ялъуни би лагIун ва гьел гурел цогидал тайпаялъул унти букIонин хварасулилан чIезабула. Гьеб гуребги жаназаялде жанире раккун хал гьабуларо хварасул унти чIезабизе. Нилъер анив гIемераб мехалъ толарелъул хварав чи, хехго вукъизе тIалаб гьабула. Гьелъулги кIудияб квегIенлъи буго гьеб хIужа бахчулел чагIазе»
ЦохIо февраль моцIалъул тIоцебесеб анкьида жаниб Дагъистаналда наркотиказда данде къеркьолеб идараялъ батIи-батIиял шагьаразда тIатинабун буго гьединаб 4 хIужа.
