Рубрики

Новость часа

Алиса Алдашева

Автор Алиса Алдашева

Ноябрь 24, 2014
Хабарал руго ишал гьечIо

Пачалихъияб хIалтIуда рос-лъадул цоял хIалтIулел гIолохъанал хъизабазе рукъзал кьеялда хурхараб Федералияб программа Дагъистаналда хIалтIизе байбихьун буго 2010 соналда. Гьеб программалъул гIурхъабалъ рукъзал кьун руго 644 хъизамалъе, амма кьезе хутIаразул къадар бахунеб буго анлъазаргоялде. Гьезие рукъзал щвеялдаги щаклъи буго гьеб программаялъе биччараб гIарац кибе арабали лъачIого лъугIун букIиналъ ва программа тIасияб соналда къазе букIиналъ.
Ноябрь 22, 2014
ХIажимурад МухIамадов: «Гугари дагъистаниязул бидулъ буго»

Дагъистаналда Эркенаб гугари тIибитIараб букIиналъе гIиллаби кинал ругелилан суалал кьола гIемересиз. Гьеб тIибитIиялъе гIиллаби ва дагъистаниязул Эркенаб гугариялъул борхалъуде рахиналъул тарих баян гьаруна гара-чIвариялда эркенаб гугариялъул Россиялъул старший тренер ХIажимурад МухIамадовас.
Ноябрь 20, 2014
Митинг жеги цебе буго

19 ноябрялъ цо-цо маршрутазда хIалтIулез тIобитIун буго митинг. КъватIире рахъаразухъе рачIун руго шагьаралъул тIалъиялъул вакилзабиги. Митинг тIобитIиялъе гIиллалъун ккун буго рекIадухъ багьа бахинабизе бугилан тIалъиялъ габураб лъазаби. Сундаса рази гьечIел маршруткабазда хIалтIулел ва щиб гьезда ракIалда бугеб.
Ноябрь 18, 2014
ЖамгIияб транспорт хиралъулеб буго

МахIачхъалаялда жамгIияб транспорталда рекIадухъ кьолеб гIарац I6 гъурщиде бахине бугила гIагараб заманаялъ. Кинал гIиллаби ругел багьа бахиналъе ва кинал пикру бугеб гIадамазул иргадулаб нухъалъ гьеб бахинабиялда хурхун.
Ноябрь 17, 2014
«Гьединал чIвай-хъвеязе кинабгIаги ритIухъгьари гьечIо»

Буйнакск мухъалда гьаб соналъул май моцIалъ ккараб чIвай-хъвеялда сверухъ цIех-рех рагIалде бахъун буго. Гьеб кколеб буго «Намус цIунун» абулел чIвайхъеязул цояб. Кинаб къимат кьолеб гьединал такъсиразе къануназ ва шаргIалъ?
Ноябрь 15, 2014
Рахьдал мацIалъул даража холеб буго

Шагьаралъул щколазда рахьдал мацI лъазабиялъул суал цIакъ захIматаб буго. Гьедин рикIкIунеб буго гIемер соназ магIарул мацI шагьаралъул школалда кьолей мугIалим Камилова Загьраца. Кинал захIмалъаби ругел жакъасеб школалда Рахьдао мацIал лъазариялъулъ?
Ноябрь 15, 2014
Рахьдал мацIалъул дарсалда

МахIачхъалаялъул школаялъул рахьдал мацIалъул дарсалда
Ноябрь 14, 2014
Туризмалъе ресал берда церего руго

Дагъистаналда ругел туристикиял ресал жакъа къоялъ кколел руго цIакъ мукъсанал. ГIицIго Дагъистаниязул тIалабаздацин данде кколарел. Гьеб ахIвал-хIал хисибази бихьизабун буго туризм цебетIеялъул хасаб программа. Кинал ресал ругел дагъистаналда туризмалъул?
Ноябрь 10, 2014
Фермерал кумек щвеялда щаклъун руго

Дагъистаналъул магIишатчагIазе кумекалъе 580 млн. гъурущ гIарцул биччазе бугилан лъазабулеб буго Росдал магIишаталъул министерлъиялъ. Росдал магIишат цебетIезабиялъул 20I5-20I7 соназда бихьизабураб программаялда жаниб магIишатчагIазе квербакъи гьабулеб буго хIукуматалъ. Кинаб пикру гьелда тIасан бугеб жалго магIишатчагIазул, ай фермеразул?
Ноябрь 07, 2014
Щай хIенцлъулеб "хехаб кумек"?

МахIачхъалаялда бугеб Хехаб кумекалъул станциялъул ресал гIадамазул хIажалъалабазда данде кколел гьечIо. Хехаб кумек тIаде щвезе гIемер заман балеб буго, ай гьеб тIаде щвечIогонцин хутIулеб буго. Кинал гIиллаби ругел Хехаб кумек хIенцалде сверун букIиналъе?
Ноябрь 03, 2014
Сакъатлъи - лъай щвеялъе квекIен гуро

Дагъистаналда ругел сакъатал лъималазул аслияб къадаралъе мугIалимзабаз рокъо-рокъоре хьвадун лъай кьола. Гьелдаго цадахъ, Дагъистаналда хIалтIулеб буго сакъатал лъималазе манзилалда лъайкьеялъул идараги. Гьеб республикаялда хIалтIулеб бугелдаса исана гIола лъабго сон.
Ноябрь 01, 2014
Рекъаб ритIухълъиялъул кверщаликь

Дагъистаналда рагIалде бахъун буго «Намус цIунун» гьабураб чIвай-хъвеялъул иш. Гьеб кколеб буго, тIоцебес, гьеб тайпаялъул такъсиразул рагIалде бахъараб ишлъун. Кинаб бугеб «Намус цIунун» абулел чIвай-хъвеязул хIакъикъатали баян гьабуна адвокат Салимат Къадировалъ.
Октябрь 30, 2014
Насибовалъул иш халат бахъунеб буго

17 октябрялъ ПатIимат Насибовалъул ишалъул цIидасан хал гьабизе къотIараб хIукму рекъон, 29 октябрялъ Советский мухъалъул диваналъ цIияб хIукму къотIун буго. Диваналъул хIукмуялда рекъон, Насибова туснахъгьайиялъул болжал халат рахъинарун руго.
Октябрь 30, 2014
Наркотиказда данде къеркьолел хIалтIухъаби ккун руго

Дагъистаналъул цIех-рехалъул идараялъ гIайиб гIунтIизабулеб буго наркотиказда данде къеркьолеб идараялъул хIалтIухъабазде. Гьез чиясе зулму гьабун, наркотикал гьесухъе рехун рукIиналда хурхун. ХIакъикъаталда, наркотикал рехулин низам цIунулез кквезе къваригIаразде гIайиб гIунтIизабизейилан рикIкIунеб буго адвокатаз.
Октябрь 29, 2014
Вакцина: гьабилищ, гьабиларищ?

Хаслихълъи тIаде щвеялда цадахъ цогидал регионаздаго гIадин, Дагъистаналдаги байбихьун буго гриппалда данде вакцинация. Аслияб куцалъ гьеб тIобитIулеб буго школазда ва лъималазул ахазда. Улбузул разилъиялда рекъон гьабулебищ яги тIадабищ бугеб дагъистаналда вакцинация?
Октябрь 27, 2014
Тоннель рагьи щакаб буго

Унсоколо мухъалъул Временный росулъ халат бахъунеб буго изну гьечIого яргъид гIуцIарал ралагьизелъун хасал хъулухъаз лъазабураб низам. Гьеб сабаблъун араб моцIалдаса нахъе къараб гендерил тоннель жеги рагьун гьечIо. Исана гьеб рагьи щакаб бугилан баян гьабулеб буго экспертаз. Щиб балагьулеб бугев рагъулаз Временный росулъ?
Октябрь 25, 2014
ГIумруялъул магIна хвезабулеб нухда

Кальян бухIулел бакIазда ва кеп-гIоркьалъул ханабазда хIалбихьулеб буго гIолилаз тIоцебесеб нухалъ наркотиказул. Жакъа гьел кальян бухIулеб бакI къазе изхну гьечIо, щай гурелъул гьел квана-гьекъолел бакIал гIадин хъван рукIиналъ сияхIалда. Гьел ва цогидал кIвар ругел суалал рорхун данделъи тIобитIун буго Наркотиказда хадуб халкквеялъул федералияб хъулухъалъул минаялда.
Октябрь 23, 2014
"Спайс" - хабзалалъе яги психиатрияб изоляторалде билет

Ахираб заманаялъ Дагъистаналда кибго рагIараб спайс абураб хъалияналъ зарал гьабуразул къадар гIемерлъулеб буго. Спайсалъ зарал гьабурал гIолилал психиатриялъулаб азарханаялде ккезе рес бугилан баян гьабулеб буго медикиял хIалтIухъабаз. Гьелдаго цадахъ спайс цIан квеш лъугьарал хIинкъулел руго азарханаялде ине ва хехаб кумек тIалаб гьабизе, жидерго хIалалда мадаралде вачIинавулев вуго квеш лъугьарав, амма гьел тадбиразул хIасил цIакъ пашманаб ккезеги рес бугила.
Октябрь 21, 2014
ЧIужугIаданалъул ихтиярал руччабазда бихьухъе

Казань шагьаралда тIобитIараб «Бусурбанаяй чIужугIадан: Жакъа дунялалда инсанасул ихтиярал» абураб конференциялда гIахьаллъун йиго Дагъистаналъул вакилги. Жакъа , ихтиярал цIунулезул пикруялда, Дагъистаналда чIужугIаданалъул ихтиярал хвезариялъул хIужаби дандчIвалел руго жамгIияталъулъ, хъизамалда жаниб, ва хIалтIуда.
Октябрь 18, 2014
ВатIан бокьи гIицIго тIохьол тIанчаздасан бижуларо

Дагъистаналъул культурияб ва тарихалъул ирс дагь-дагьккун лъугIулеб бугилан пикру загьир гьабулеб буго экспертаз. 20I4 сон культураялъул сонлъун рикIкIун бугониги гьеб цIуниялъе гьабураб жо цIакъго дагь бугилан баян гьабулеб буго тарихчIужу ПатIимат Тахнаевалъ.

Загрузить еще

XS

SM

MD

LG