Рубрики

Новость часа

Алиса Алдашева

Автор Алиса Алдашева

Декабрь 30, 2014
Культура гьабулаго квачалел магIарулал

Хасалил заманаялъ электроэнергиялъул гIемерал лазатбахъил кколел руго мухъазда ва росабалъ. Электрикиял алатал гIемерлъи ва цIаракиял гIемерлъи, гьелдаго цадахъ, 10-15 соналъ цебего хисизе заман щварал токалъул кварал рукIин абулеб буго гIадамаз аслияб гIиллалъун гьелъие.
Декабрь 29, 2014
Киназего цогояб гуреб къанун

Хасавюрт шагьаралдаса маскаби хураз ккун арав Ибрагьимов Сабир вугеб бакI лъазе толеб букIун гьечIо гьесул гIага-божаразда. ГьабсагIат гьев заманалъул туснахъалда вугин баян гьабулеб буго гьесул адвокатас. Амма адвокатасда гьев вихьизе толев гьечIила. Гьединго адвокатас лъазабулеб буго низамцIунулезул рахъалъ ругел къанун хвезабиялъул хIужабазул.
Декабрь 27, 2014
ЦIияб соналъул байрам: гьукъиялдаса тIадаблъун гьабиялде щун

Дагъистаналда цIияб соналъул байрамалда хурхарал тадбирал тIоритIи ва гьезда гIахьаллъи тIадаблъун бихьизабун бугин цо-цо бакIаздайин бицунеб буго нижер мухбир Алиса Алдашевалъ. Экспертазда базабун гьелъго абулеб буго байрам кIодо гьабулезул къадар Дагъиситаналда гIодобе кколеб бугин.
Декабрь 24, 2014
Медикасул гъалатIалдасан лъимер хвана

Гъуниб мухъалъул азарханаялда хIалтIулел тохтуразул гъалатI сабаблъун, лъабго моцI бараб лъимер хун буго . Хвараб лъимадул эбел-инсуца ва гIага-божараз гIайибиял тамихIалде цIай тIалаб гьабулеб буго ва гьединаб лъугьа-бахъин тIоцебесеб гурин абулеб буго.
Декабрь 20, 2014
Унсоколо бегавулас вухун депутат азарханаялде ккун вуго

Унсоколо мухъалъулъ Унсоколо росдал бетIер МухIамадовас ЭР абулеб буго жив рокъов вугин ва жиндир хIалтIул планалда хиса-басиял гьечIин. Гьес гьедин абиялъе гIиллалъун ккун рукIана гьев ОМОНалъ вачун ун вугин абураб хабар рузман къоялъул къаси гьеб мухъалда тIибитIи.
Декабрь 19, 2014
Мажгиталдаса жанисел ишазул бут1аялде

Дагъистаналъул Буйнакск шагьаралъул салафиязул абулеб мажгиталдаса гIадамал низам цIунулез ккун рачун ун ругин лъазабулеб буго бакIалъул гIадамаз.
Декабрь 19, 2014
Унсоколо мухъалъул нухмалъулев нахъе унев вуго

Унсоколо мухъалъул нухмалъулев МухIамадов Шамиль гьеб хъулухъалдаса нахъе ун вугин абурал баянал ритIарал гьечIин лъазабулеб буго мухъалъул администрациялъ. Амма гьев ун ватичIони, гIагараб заманалда хIакъикъаталдаги хъулухъалдаса нахъе ине рес бугин абулелги руго баянал, хIатта рехсолеб буго гьев хисун вачIунесул цIаргицин. Щиб ккараб гьел харбазе гIилла?
Декабрь 18, 2014
Бугищ Аль Къайидагун хурхен дагъистаниялъул?

Дагъистаналъул ЦIияб Гъаякент росулъ ккурай Халикъова Саида Москваялъул «Лефортово» туснахъалда жаний тIамун йигин абулеб буго гьелъул гIагарлъиялъ. Гьезул баяназда рекъон, гьелда гIунтIизабулеб бугила Аль-КъагIидагун бухьен букIиналъул гIайиб. Кин дагъистаналъул Аль-КъагIидаялде ирга щвараб?
Декабрь 17, 2014
Щиб балагьулеб букIараб Хасавюрт шагьаралъул ва мухъалъул администрациязда?

16 декабралда Хасавюрт мухъалъул ва шагьарул администрациялъул минабазда низам цIунулез балагьулеб букIун буго 2005 соналде щвезегIан къануналде данде кколареб куцалда ракьал ричиялда хурхарал документал. Амма лъицаго баян гьебичIо пачалихъияб идараялдаса документал росулаго рагъулаб техника щай хIалтIизабизе кколебали.
Декабрь 16, 2014
Хасавюрталда администрациялъул минаби сверун ккун руго

Хасавюрт шагьаралъул ва Хасавюрт мухъалъул администрациялъул минаби сверун ккун руго аскарияз. Гьелъие гIиллалъун ккун буго низамцIунулез гьениса документал нахъе росулел рукIин.
Декабрь 15, 2014
«Маскаби хураз» рачун арал туснахъалда ратун руго

ЦIунтIа мухъалдаса араб анкьалда гьурмазда маскаби хурал чагIаз рачун арал гIолилал кир ругелали лъалеб букIун гьечIо гьезул гIагаразда чанго къоялъ. Ахирги гьел ратун руго МахIачхъалаялъул батIи-батIиял туснахъазда. Гьезул цоязда тIад диван гьабун, туснахъ гьарун руго, цогидал жеги заманалъул изоляторалда руго. Низам цIунулез лъазабухъе, киналго ккуразда буго изну гьечIого яргъидгIуцIаразулгун бухьен букIиналда щаклъи. МухIканлъи лъазабулеб букIана Алдашева Алисаца.
Декабрь 13, 2014
«Ниж ричIчIулел гьечIо гIадамазда»

Гьал къояз Временный росдал гIадамазе рахIмуялъул кумек щун буго. Гьеб кумек гьезие гьабун буго «Чистое сердце» абураб рахIмуялъул гIуцIиялъ. ТIоцебесеб нухалъ гуро гьел Унсоколо мухъалде рахIмуялъул кумекгун щолел ругел.
Декабрь 11, 2014
Гулиев Камиль туснахъ гьавун вуго

Араб бакI лъачIого тIагIарав Гулиев Камиль лъабго къоялдасан Карабудахкент мухъалъул жанисел ишазул бутIаялда ватун вуго. Гьесде гIайиб гIунтIизабулеб буго изну гьечIого цIунараб ярагъ батиялда бан. 9 декабрялъ, диваналъул хIукмуялда рекъон, гьев туснахъ гьавун вуго.
Декабрь 09, 2014
ХIалтIизе инкар гьабиялъул тадбир лъугIун гьечIо

8 декабрялъ МахIачхъалаялда транспорталъул коллапс лъугьана. Гьелъие гIиллалъун ккана маршуткабазул хIалтIухъабаз лъазабураб забастовка. ХIалтIухъабаз рекIадухъ багьа бахинаби тIалаб гьабулеб буго. Амма шагьаралъул тIалъи гьелгун рази гьечIо. 9 декабрялъги гIемерисез забастовка халатбахъинабун буго.
Декабрь 08, 2014
Цойги чи араб бакI лъачIого вилана Дагъистаналда

Чачаналъ ккараб тунка-гIусиялдаса хадуб Дагъистаналда гIадамал тIагIине байбихьанин рикIкIунеб буго экспертаз. Гьедин, 5 декабрялдаса нахъе вугеб бакI лъачIого тIагIун вуго Гулиев Камиль. Гьесул гIага-божаразул щаклъи буго гьев полициялъ ккун вукIиналда.
Декабрь 05, 2014
ГьоцIдерие компенсацияби кьолел гьечIо

ГьоцIдерил ГЭС балеб бакIалда лъеда гъоркье унел ракьазухъ рецIалил гIарац 2015 соналъги тIубан щвей щакаб бугин баян гьабулеб буго Экономикаялъул министерлъиялъ. Кинал гIиллаби ругел 2014 соналъ бецIун лъугIизе кколеб букIараб гIарац бецIун бахъунгитIиялъе ва жалго гIадамазул гьелда тIасан пикру.
Декабрь 02, 2014
КТО лъугIана, балагь хутIана

1 декабрялъ рагьун буго Гендерил тоннель ва, лъабго гIан моцIалъ дунялалдаса тIезабун, зазихараб кварица сверун ккун букIараб Временный росулъе гIадамазе ккараб зарал рикIкIине комиссия щун буго. Амма кинабгIаги рикIкIен гьабун бажарулеб хIал гьечIин гьенибин абулеб буго бакIалъул гIадамаз.
Декабрь 02, 2014
Сахлъиялъул багьа ришват батани...

Дагъистаналъул сахлъицIуниялда жаниб ругел гIунгутIабазул бищун аслияблъун кколеб буго ришватчилъи. Щай жидер гъалатIал сабалъун унтаразе гIажизлъи ккарал хIалтIуда хутIулел ва кинал гIиллаби ругел сахлъицIуниялда жаниб цебетIей гьечIолъиялъе.
Ноябрь 27, 2014
Къоралде сверулеб буго гъансито

2 2000 соналдаса байбихьун, Цолъарал Миллатазул ГIуциялъ 25 ноябрь лъазабун буго рокъоб зулмуялде данде къеркьеялъул халкъаздагьоркьосеб къолъун. Гьелъул мурадги буго рокъоб зулмуялде кколел руччабазул проблемабазде кIвар буссинаби. Амма рокъоб хIал-зулму гьабиялъул къурбаназул къадар Россиялда ва Дагъистаналда цIикIкIун гурого дагьлъулеб гьечIо. Гьеб бихьулеб буго батIи-батIиял цIех-рехазул идарабазул баяназда. Амма дунялалда гьединал къурбаназе кумек гьабулел идараби ратании, Дагъистаналда гьел гьечIо, гьелдаго цадахъ, киса-кибего зулмулъун рикIкIунеб респуликаялда ругьунаблъун лъугьун буго. Гъанситодул хважаинин лъазавулей чIужугIан гъанситодул лъагълъун лъугьуней йигин рикIкIунелги руго.
Ноябрь 26, 2014
Kилисаялъе бегьулеб мажгиталъе бегьун гьечIо

Ахираб заманаялъул гIаламатлъун лъугьун буго Россиялъул жамгIиял лъайкьеялъул школазда ва ТIадегIанал цIалул идарабазда динияб ишара бихьизабулеб ретIел, гьездаго гьоркьоб хIижабал яги бусурманаял ясаз кIазал къай гьукъи. Гьелдаго цадахъ, ГIурус килисаялъ хIалбихьулеб буго Россиялъул школазда гIодор къоязда лъималазда ГIисал диналъул аслуял малъулел дарсал лъезе. Килиса пачалихъалдаса батIа бугин рикIкIунеб Россиялда кин гIуцIизе бугеб гьеб хIалтIи ва цоги диналъул вакилзабаз щиб гьабизе кколеб?

Загрузить еще

XS

SM

MD

LG