Бергьенлъиялъул ирсилазул парад

7 маялда МахIачхъалаялда тIобитIана Бергьенлъиялъул ирсилазул парад. Гьелда гIахьаллъана Дагъистаналъул киналго мухъазул школлъималги, тIадегIанал цIалул идарабазул студенталги. МахIачхъалаялъул аслияб майдан къотIун унаго, гьез кодор ккун рукIана батIи-батIиял хъвай-хъвагIаял гьарурал байрахъалги, рагъул гIахьалчагIазул сураталги. Парадалдаса хадуб, МахIачхъалаялъул мэриялда аскIоб бугеб ахикь, херал солдатазе квана-гьекъейги чIезабун букIана, гьединго гьезие кьуна сайгъаталги.