2014 соналда Россиялъул пропагандаялъул сурсатаз цIакъ кIудияб жигарлъи бихьизабуна къватIисел улкабазда. Жибго улкаялда жаниб гIадамал Кремлалъ абурабщиналда божизаризе гIамал гьабулеб батани, къватIиб гьез хIаракат бахъулеб буго гIадамал къосинаризе.
Россиялъул сенаторас улкаялда жиндирго «суверениябин» абун рехсараб Интернет гIуцIиялъул тема тIокIаб борхизабулеб гьечIониги, Кремлалъ гIамал гьабулеб буго Интернеталда тIад жиндирго контроль чIезабизе. Кинаб тайпаялъул фильтр Россиялъ гьеб мурадалда халтIизабизе бегьулеб?
