Рубрики

Новость часа

Ашахан Юсупов

Автор Ашахан Юсупов

Ноябрь 11, 2015
Допингалъ спорталда «чIел» босун буго

Информалатазда цIикIкIунеб буго Россиялъул тIадагьаб атлетикаялда ва допингалда хурхараб скандалалъул хъуй. Допингазде данде бугеб тIолгодунялалъул Агентлъиялъ гьал къоязда загьир гьабураб докладалда абулеб буго Москваялда допингал тIатинарулеб лабараториялъул хIалтIуде гъорлъе лъугьун ФСБялъ ва Минспорталъ жидее данде кколарел тестазул хIасилал тIагIинаризелъун гьелъие тIадецуй гьабулеб букIанин.
Ноябрь 09, 2015
Сунде хисилеб гьанже Египет?

Россиялъул «Когалымавиа» авиакомпаниялъул аэроплан 31 октябралда бортиялъул ва гьелдаса хадуб россиялъулазе Мисралде роржине гьукъиялъул хIасилалда Россиялъулго турфирмабазего гIадин зарал кколеб буго Дагъистаналъул туристикиял фирмабазеги. Гьелде тIадеги, жалго гIадамалги хIинкъулел руго гьеб рахъалде роржине.
Ноябрь 06, 2015
Мажгитал гIемерлъулел руго, лъималазул ахал гIолел гьечIо...

Дагъистаналдаса олигарх Зиявудин МухIамадовас тIаде босун буго Каспийскалдагун МахIачхъалаялда гьоркьоб бакIалда Европаялдаго кIудияб мажгит базе. Гьадингоги мажгитал гIемераб Дагъистаналда кинаб хIажалъи бугеб гьеб мажгиталъул?
Ноябрь 02, 2015
ГI. ГIалиев: "Рищватчилъи гьечIеб бакI гьечIо Дагъистаналда"

2015 соналда жаниб Дагъистаналда тIатинабун буго 400-саги цIикIкIун ришватчилъи хIалтIизабураб такъсир. Гьединаб баян кьолеб буго республикаялъул прокуратураялъ. Амма такъсирчилъиялда данде къеркьезелъун Дагъистаналъул хIукуматалда цебе гIуцIараб комитеталъул вакил ГIалибег ГIалиев рази гьечIо прокуратураялъ гьабулеб хIалтIуда.
Октябрь 31, 2015
«ГIурус мацIалъ рахьдал мацI нахъе цузе биччазе бегьуларо»

Гьедин абулеб буго Дагъистаналдаса магIарул ва гIурус мацIалъул мугIалимзабаз 30 октябралда МахIачхъалаялда тIобитIана гIурус мацIгун литература цIуниялда тIасан ТIолгороссиялъулаб форум. Гьеб ккола исана тIоцебе тIобитIулеб гьединаб даражаялъул данделъи. ХIажат бугиш жакъа Дагъистаналда гIурус мацI цебесеб даражаялда цIунизе ва гIурус мацIалдего гIадин кIвар рахьдал мацI цIуниялдеги кьолеб бугиш республикаялда? Гьел суалазда тIасан рахьдал ва гIурус мацIалъул мугIалимзабигун гара-чIвари гьабуна нижеца.
Октябрь 30, 2015
Полициялъул хIалтIухъабаз инжилъи гьабулеб бугони…

Дагъистаналъул Тарумовка мухъалда дагьаб цебегIан ккун буго цIакъ рокьукъаб иш. Нухазда хIинкъи гьечIолъи чIезабиялъул лъабго хIалтIухъанас тIадеги руссун кьабун вуго ЦIунтIа мухъалдаса гIолохъанчи. ГьабсагIат гьев азарханаялда вуго. Вухарасул гIага-божарал цIакъ ццидахун руго, полициялъул хIалтIухъабазе щибниги тамихI гьабизе къасдцин гьабулеб гьечIин гьезда тIад бугеб идараялъ.
Октябрь 28, 2015
Автомобилал чурулеб лъеца бетIербахъи гьабун

Гъизляралда гIумру гьабун ругел гIадамазул гIарз буго жал лъимги гьечIого хутIун ругилан. МоцIидасаги цIикIкIун заман бан буго гьезул рукъзабахъе лъим къотIаралдаса. ГIилла - лъим бачунел мухъал хун рукIин. Шагьаралъул нухмалъиялъ гьезда абун буго нужецаго гIарацги бакIарун хисейин лъим бачунел рогIрал.
Октябрь 23, 2015
Маршруталъул такси учузлъана... дагьалъго

МахIачхъалаялда дагь гьабун буго шагьаралда жаниб гIадамал раччулеб цо маршруткаялда рекIаралъухъ босулеб багьа. Гьелъул бетIергьабаз бицухъе гьез гьеб дагь гьабун буго, хIукуматалъул кисинибе инчIого, «Гортранс» абураб гIуцIиялъ щибаб моцIие босулеб букIараб гIарац халкъалъе тIокI гьабиялъул мурадалда.
Октябрь 17, 2015
Аллагьасул калам питнаялъе хIалтIизабизе гьукъулеб буго Путиница

Къуръаналда рехсарал аятал экстремизамалъул ва терроризмалъул магIна бугел хъвай-хъвагIаяллъун рикIкIине гьукъизе бегьула кватIичIого Россиялда. Гьединаб къануналъул проект битIун буго Владимир Путиница Пачалихъияб Думаялде. Дагъистаналдаса диниял хIаракатчагIазул хьул буго гьелдалъун «исламияб терроризм» абураб бичIчIиялъе ахир лъелилан.
Октябрь 14, 2015
ЦIададе гIурдахIанал гIадин рижулел КТО-ял

13 октябралда Дагъистаналъул ЦIумада мухъалда лъазабуна терроралда дандечIараб низам. Гьелде щвезегIан контртерроралда дандечIарал низамал лъазабун рукIана республикаялъул жеги чанго мухъалдаги. Кинаб гIилла букIине бегьулеб ахирал моцIазда Дагъистаналда гьединал тадбирал такрарлъиялъе? Гьел суалазда тIасан эксперталгун гара-чIвари гьабуна нижеца.
Октябрь 12, 2015
Кутакаб хехлъиги, хашал нухалги

12 октябралда Дагъистаналда автомобилалъ авария гьабиялъул хIасилалда хвана ункъо чи. Гьезул кIигоял ккола полициялъул хIалтIухъаби. 2015 соналъул август моцIалде щвезегIан Дагъистаналда автоавариялъул хIасилалда хун вуго лъабнусгогIан чи. Кинаб бугеб бищун кIудияб гIилла Дагъистаналъул нухазда авария ккеялъе?
Октябрь 05, 2015
ЧIамучIаб цIех-рех - жаваб щвечIеб суал

Шималияб Кавказалдаса журналистал чIваялъул цIех-рех халат бахъунеб бугин, гьеб дурго жавабчилъиялда гъорлъе босеян гьарана президент Путинида, инсанасул ихтияразул рахъалъ мажлисалъул вакил Максим Швеченкоца. Кьезе бугиш гьелъ пайда ва кин тIобитIизе кколеб журналистал чIваялъул цIех-рехилан абурал суалазда тIасан, батIи-батIиял эксперталгун гара-чIвари гьабуна нижеца
Октябрь 01, 2015
18 сон барал щай ахIулел гьечIел Россиялъул армиялде?

ТIоцебесеб октябралда Россиялда байбихьана гIолохъаби армиялде ахIиялъул тадбир. ТIубараб Россиялдаса рагъулаб хъулухъ тIубазе исана ине вуго 147 азарго гIанасев чи. Дагъистаналдаса ритIулезул къадарги цIикIкIинабун бугилан абулеб буго республикаялъул рагъулаб комиссариаталъ. Аслияб къагIидаялъ кинал гIолохъаби тIаса рищулел ругел рагъулаб хъулухъ тIубазе ва армиялде гIолохъаби ахIиялъул тадбир унеб куцалъул цIех-рех гьабуна нижеца.
Октябрь 01, 2015
«Анжиялъ» галаби нахъехун тIамулел руго

МахIачхъалаялъул «Анжи» клубалъул иргадулав бетIерав тренерасги къо-лъикI гьабуна командаялъулгун. Чанго моцIалъ цеве гьениве тIамун вукIарав Юрий Семин гIодов чIана гьеб хъулухъалдаса. Гьев нахъе иналъе аслияб гIиллалъун рехсолеб буго премьер лигаялде тIадбуссаралдаса МахIачхъалаялъул клубалъ цониги ракIчIараб бергьенлъи босичIолъи.
Сентябрь 29, 2015
Эбелалъулаб капитал бикъарав полициялъулав тамихIалде цIазехъин вуго

«Улбузул капитал» щвезелъун гьереси документалги гьарун гьеб гIарац бикъарав полициялъул хIалтIухъанасда тIад такъсир гьабиялъул иш рагьун буго Дагъистаналда. ГIемер ругиш гьединал хIужаби республикаялда ва «улбузул капитал» щварал гIадамаз гьеб гIарац аслияб куцалда сунда тIад харж гьабулеб бугебан цIех-рех гьабуна нижеца.
Сентябрь 19, 2015
ТIахьал ричулел директоралги, гIарац гьечIилан ахIдолеб министерлъиги

МахIачхъалаялъул кIиабилеб базаралда аскIоб тIахьал ричулеб бакIалда ричулел ругин школазе риччан рукIарал цIалул тIахьалилан щаклъи буго цо-цо чагIазул. Официалияб куцалъ гьеб баян лъицаниги тасдикъ гьабулеб гьечIо. Амма «Эркенлъи» радиоялъе щварал комментариязда рекъон гьеб хIакъикъат батизеги рес буго. Щай школазе цIалул тIахьал щолел гьечIел ва кинаб бугеб гьелъие бищун кIудияб гIилла?
Сентябрь 18, 2015
Кьвагьул алатал хIадурулеб лабаратория батиялда божулел гьечIо ансал

Унсоколо мухъалъул Майданское росдада аскIоб кьвагьул алатал хIадурулеб лабаратория тIатинабун бугог къуваталъул идарабаз. Гьединаб баян кьуна 18 сентябралда Дагъистаналъул информалатазе республикаялъул жанисел ишазул пресс-хъулухъалъ. Амма гьеб мухъалда гIумру гьабун ругел гIадамал божулел гьечIо гьениб гьединаб лабаратория батанин абураб хабаралда.
Сентябрь 16, 2015
ХIажат ругиш Дагъистаналъе хъазахъазул къукъаби?

Хъазахъазул къукъа гIуцIизе, гьединго регионалда гIурус миллаталъул гIадамалги цIикIкIинариялъул мурадалда Дагъистаналъул Гъизляр шагьаралъе биччазехъин буго 38 миллион гъурущ. Гьедин лъазабуна гьал къоязда шагьаралъул нухмалъиялъулгун букIараб дандчIваялда, Дагъистаналъул миллияб политикаялъул нухмалъулей Татьяна Гамалейица.
Сентябрь 15, 2015
Халкъал цолъизариялъе байрамищ къваригIунеб?

15 сентябралда Дагъистаналда кIодо гьабуна «ТIолго республикаялъул халкъал цолъиялъул къо» абураб байрам. Гьеб байрам кIодо гьабизе байбихьаралдаса исана ункъо сон тIубалеб бугониги жеги цо-цо дагъистаниязда рагIа-ракьанде щун лъалеб гьечIо гьеб байрам сунда хурхараб бугеб ва гьеб кIодо гьабиялъе аслулъун кинаб лъугьа-бахъин букIарабалиги. Амма мугIрузул мухъалда гьеб къоялда хурхун кIудияб тадбир тIобитIарал чагIаз абулеб буго гьеб байрамалъул къимат лъалел чагIи соналдаса соналде цIикIкIунел ругилан.
Сентябрь 14, 2015
«Сарир» пачалихъалъул цIар даим гьабиялда дандечIарал тарихчагIи

МахIачхъалаялда бугеб ТIоцебесеб Туралиялъул абураб къватIалъе Сарир абураб, некIсияб Дагъистаналда букIараб пачалихъалъул цIар кьезе хIукму гьабун буго тахшагьаралъул нухмалъиялъ. Амма цо-цо тарихчагIи дандечIун руго гьеб хIукмуялда. Щай хас гьабун Сарир абураб пачалихъалъул цIар гьеб къватIалъе кьезе кколебилан абулеб буго тарихчIужу ПатIимат ТахIнаевалъ. Кинаб бугеб гьелда тIасан цогидал тарихчагIазул пикруяли цIех-рех гьабуна нижеца.

Загрузить еще

XS

SM

MD

LG