Рубрики

Новость часа

Ашахан Юсупов

Автор Ашахан Юсупов

Июль 02, 2014
Цогояб тIехьалъ хвасар гьабулищ лъай кьеялъул даража?

Россиялъул гIаммаб лъайкьеялъул школазда малъулеб гIурус мацIалъул ва литератураялъул киналго школазда цо тIехь хIажат букIиналъул суал цебе лъолеб буго Дагъистаналъул рахъалдаса Пачалихъияб Думаялъул депутат СафаргIалиев ХIажиметица. Гьеб суал улкаялъул президент Владимир Путингун дандбазе буго гьес хамиз къоялда миллатазда гьоркьосел суалазул рахъалъ тIобитIулеб данделъиялда. Кинал ругел гьелъие гIиллаби ва кинаб бугеб гьелда тIасан жалго гIурус мацIалъул мугIалимзабазул пикру?
Июль 01, 2014
Телефоназул "макручагlи" гlемерлъун руго

Рекламаялъул магIна бугел кагътал яги спам телефоназдасан ритIулезе гIадлу гьабизе бокьарал гIадамазе гьединаб рес кьолеб буго гьанже Россиялъул антимонополияб хъулухъалъул Дагъистаналда бугеб бутIаялъ. Гьеб идараялъул баяназда рекъон, гьединал кагътал ахираб заманалда цIикIкIунел руго ва гьеб пишаялде данде къеркьезе ккола. Гьелъул ва рекламаялъул къануналда ккарал хиса-басиязул бицунеб пресс-конференция тIобитIана рехсараб идараялъ талат къоялда МахIачхъалаялда.
Июнь 30, 2014
Лъица бикъараб 20 миллион?

Дагъистаналъул Пачалихъияб Педагогикияб университеталъул хIалтIухъабазул цо къукъаялъ кагъат хъван буго Россиялъул президент Владимир Путинихъе. Кагътида гьез гьарулеб буго студентазе материалияб кумек хIисабалда биччан букIараб 20 миллион гъурущ бикъарал чагIи ралагьизе кумек гьабеян. Гьезул щаклъи буго универститеталъул ректорасул ишал тIуразарулев ГIабдулаев МухIамадица гьел чагIи ургъунго рахчулел рукIиналда. Университеталъул нухмалъиялъ гьелда тIасан жеги киналниги баянал кьолел гьечIо.
Июнь 28, 2014
МугIалим инжит гьавурав цIалдохъан тамихIалде цIазехъин вуго

Лъай кьеялъул хIалтIухъан инжит гьавураб калам гьабурав чи кватIичIого уголовияб тамихIалде цIазе рес буго Россиялда. Гьелъул хIакъалъулъ къануналъул проект халгьабиялде босун буго Пачалихъияб Думаялде.
Июнь 27, 2014
МархIаба, Шагьру-Рамазан

ТIаде щвана бусурбабазул хирияб моцIазул цояб, кIалкколеб Рамазан моцI. Дагъистаналда исана гьеб кколеб буго шамат къо, къоло микьабилеб июнь. Амма тахшагьаралъул аслияб мажгиталъул имамас абуна жеги гьеб мухIканаб баян кколарилан, къаси цIияб моцI баккун бихьичIони кIалкколеб къо букIине бугин гьатIан къо 29 июнь.
Июнь 25, 2014
Лъабго миллиард гъурщил заралги хвезабураб тIабигIатги

МахIачхъалаялъул тIабигIат цIуниялъул прокуратураялъ лицензиялдаса махIрум гьабун буго Дербенталда бугеб, ралел бакIазе хIалтIизабулеб ралъдал сали бахъулеб фирма.Чанго моцIида жаниб гьелъул хIукматалъе гьабураб зарал бахун буго 20 миллион гъурщиде. Гьединабго кIудияб зарал гьабун буго Хъумторхъала мухъалда сали бахъулел чагIазги.
Июнь 17, 2014
Экзаменазул къагIидабазда хиса-басиял

Пачалихъалъул цогояб экзамен кьеялда жанир хиса-басиял халат рахъунел руго. Математикаялъул экзаменалъул балалъул бищун гIодобегIанаб гIорхъи дагь гьабизе хIукму гьабуна гьал къоязда «Рособрнадзоралъ». Цебе букIараб 24- ялъул бакIалда 20 бал щваниги гIола гьезие экзамен кьураблъун рикIкIине ккани.
Июнь 16, 2014
МугIалимзабазеги харж щолеб гьечIо

2013 соналдаса нахъе Дагъистаналъул пачалихъиял хъулухъчагIазе щун гьечIо моцIрол харж ва жакъа налъул гIаммаб къадар буго 106 миллионгун 946 азарго гъурущ. Гьелда гьоркьоса 57 миллион гъурущ ккола лъай кьеялъул хIалтIухъабазе кьезе кколеб букIараб гIарац. Гьеб хIужа тасдикъ гьабулеб буго лъай кьеялъул хIалтIухъабазул ихтиярал цIунулеб идараялъул нухмалъулев ГIамиродинов МухIамадицаги.
Июнь 14, 2014
Ричурахъаби дандечIун руго базар нахъе бахъиялда

Дагъистаналъул тахшагьар МахIачхъалаялда ругел киналго базарал тIасияб соналъул ахиралде щвезегIан шагьар бахун къватIире гочинаризе ругилан лъазабуна гьал къоязда, заманаялъ МахIачхъалаялъул мэрасул ишал тIуралев Сулейманов МухIамадица.
Июнь 11, 2014
"Матвееский базаралъул" иш жеги лъугlун гьечlо

Дагъистаналдаса рос-лъади МухIамадов Расулил ва ХIалиматил гIага-божараз гIарза хъван буго Москваялъул диванханаялъ гьабураб хIукмуялда тIасан. Араб соналъул риидал Москваялъул Матвеевский абулеб базаралда ккараб дагIба-рагIиялъул хIасилалда полициялъул хIалтIухъан кьабанин абун гьел кIиязего цадахъ туснахъалъул 30 сон къотIана дагьаб цебегIан. Амма жидер лъималазда гIайиб гьечIин, гьез кьабилалде цеве полицияс гьезде кьвагьун букIанин абулеб буго МухIамадовазул гIага-божараз.
Июнь 10, 2014
ХIукуматалъ халкъалъухъа бичун босизе буго ярагъ

Дагъистаналда 10 июналдаса нахъе байбихьизе буго изну гьечIого халкъалъухъ кодоб цIунараб ярагъ ва цогидаб кьвагьулебщинаб яргъилаб сурсат нахъе бакIаризе. Гьеб программа халат бахъине буго 2017 соналде щвезегIан. Гьеб мурадалъе республикаялъул хIукуматалъ биччан буго 4 миллионалдаса цIикIкIараб гIарац. Амма жамгIиял хIарактчагIазул цо-цоял божулеб гьечIо гьеб тадбиралъ хIасил кьелин абуралда. МухIканлъигун Юсупов Ашаханица
Июнь 04, 2014
ЕГЭ: объективазул "балагьиялдасаги" рахчизе бегьулеб буго

Дагъистаналъул чанго школалда пачалихъиял экзаменал кьолеб мехалда къанунал хвезариялъе гIоло къвативе къотизе ккун вуго анцI-анцI цIалдохъан. Гьединал лъазабиял гьаруна МахIачхъалаялда тIобитIараб лъай кьеялъул идараялъул данделъиялда. «Роскомобрнадзоралъул» вакил Максим Жуковасни лъазабун буго коррупциялъул хIужжабиги загьирлъун ругин гьеб процесс унеб мехалдайин. Амма гьеб баян тIубанго тадикъ гьабулеб гьечIо.
Июнь 02, 2014
ЦIидаса мугIалим чIвана Дагъистаналда

ТIоцебесеб июналъул сардикь Гъизилюрт мухъалъул Комсмольское росулъ щалали лъаларел чагIаз чIван вуго ЦIунтIа мухъалъул Шауриб росдал школалъул мугIалим. Гьеб хIужжаялда хурхун загьир гьарулел руго батIи-батIиял версияби. Гьезул цоялъ гьев чIваялъул гIилла хурхинабулеб буго чачаназул яргъид гIуцIаразул къокъаялъул бетIер Руслан Гелаев кквеялъул ишазда гьесул гIахьаллъи букIине бегьиялда.
Май 30, 2014
"Матвееский базаралдаса" Мухlамадовазе тамихl къотlана

Москва шагьаралъул диваналъ туснахъалъул 18 сон кьун буго МухIамадов Расулие 2-13 соналъул риидал Матвеевский базаралда полицияв чIвазе къасд гьабунин абун. Гьесул лъади ХIалиматие кьун буго 12-гун бащдаб сон,гьеб такъсиралъулъ гIахьаллъунин абун. Гьей тIамизе рагIула гIаммаб низам бугеб колиниялда.
Май 27, 2014
Сугъралъ халкъиял низам цIунулезул къукъаби: лъикlищ, квешищ?

Изну гьечIого яргъид гIуцIарал кквеялъе полициялъул хIалтIухъабазе кумекалъе халкъиял низам цIунулезул къукъа гIуцIизе ккеялъул суал лъун букIана дагьаб цебегIан Сугъралъ росулъ букIараб жамагIаталъул данделъиялда. Гьединаб пикруялде гьел рачIана дагьаб цебегIан Гъуниб мухъалда изну гьечIого яргъид гIуцIараз лъабго полициялъул хIалтIухъан чIван, анцIгониги чи лъукъун хадув. Амма гьел къукъаби гIуцIиялъ щибниги хIасил кьезе гьечIилан рикIкIунеб буго цо-цояз.
Май 26, 2014
ЕГЭ: КIалъазени киса, цоцазухъ балагьизецин гьукъулеб букIана

Итни къоялъ Россиялъул киналго школазда байбихьана Пачалихъалъул Цогояб экзамен кьезе. Дагъистаналда исана экзамен кьолеб куцалда хадуб халкквезе Москваялдаса витIун вуго 120-гIанасев тохалчи, киналго мактабазда рекъезарун руго видеокамераби ва цересел соназде дандеккун, Пачалихъалъул Цогояб экзамен кьолеб куц тIубан батIияб низамалда анилан бицана нижеца бухьен гьабурал гIадамаз.
Май 22, 2014
МахIачхъалаялдаса Самараялде ункъо сагIаталда жанир

Гьанже МахIачхъалаялъул аэропорталдаса роржине бегьула Мин-Воды, Ростов, Казань Санкт-Петеребург ва Самара шагьаразде. «Аэросервис» абураб авиакомпаниялъул тIоцересел рорженал байбихьизе руго бачIунеб моцIалдаса байбихьун. Гьелъул хIакъалъулъ журналистазе гIатIидго бицунеб букIана 22 маялда, рехсараб авиакомпаниялъул нухмалъулезул цояв Алексей Савченкоца.
Май 21, 2014
Налъулазе тамихI гьабизехъин буго «Газпромалъ»

«Газпроммежрегионгаз»абураб гIуцIиялъ хъахIилаб цIатариялъухъ гIарац кьечIел Шималияб Кавказалъул росабалъе гьебги къотIизабун, гIарац кьурал гIадамазе гьеб щвезабулеб батIияб нух ургъун буго. РогIразухъан унеб цIатариялъул бакIалда гьезие кьезе буго баллонахъ букIонеб газ. Налъулазул рахъалъ бищун цебесеб кьерда рагIула Дагъистан.
Май 19, 2014
ЕГЭ кьезе бегьула кIиго-лъабго нухалъги

2016 соналдаса байбихьун школа лъугIулел гIолилазул рес букIине буго Пачалихъалъул Цогояб экзамен лъабго нухалда кьезе. Гьединаб баян къватIибе кьуна 19 маялда Россиялъул лъай кьеялъул министр Ливанов Дмитрийица.
Май 16, 2014
Багьаби цIикIкIун руго 20 проценталъ

Сон байбихьаралдаса чанго нухалда хиралъун руго Россиялда кванил нигIматазухъ багьаби. Гьезда гьоркьоб бищунго багьа эхеде бахараллъун рикIкIунел руго рахьдал нигIматал. Статистикаялъ кьурал баяназда рекъон бищунго цIакъ кванил нигIматазул багьаби хиралъун руго Шималияб Кавказалъул республикабазда. Дагъистаналда кинаб къагIидаялъ багьабазул иш бугебали лъазе гьикъа-бакъи гьабуна нижеца.

Загрузить еще

XS

SM

MD

LG