Унсоколо мухъалъул Времменное росулъ хIалтIизе байбихьун буго, контртероралъулаб режим гьабулаго гIадамазе ккараб заралалъул цIех-рехал гьарулеб хасаб комиссия. Гьелда гъорлъе унел руго бакIалъул нухмалъиялъул рахъалдаса чагIиги, инсанасул ихтиярал цIунулезул вакилзабиги, къуваталъул идарабазул чагIиги, гьединго росулъ гIумру гьабун рукIарал гIадамалги. Цо-цо мухIканал гурел баяназда рекъон, хасаб комиссиялъ гьабулеб хIалтIи лъугIун хадуб сентябралдаса нахъе къан бугеб Гендерил тоннельги рагьизе бугилан.
