МахIачхъалаялда бугеб лъимал гьарулеб кIиабилеб рокъоб, араб соналъул январалда лъимер хвеялда бан рагьараб такъсир гьабиялъул иш къазехъен буго цIех-рехчагIаз. Хвараб лъимадул улбуз лъимер тохтуразул гъалатIалда хванин рикIкIунеб буго, амма цIех-рехчагIаз ишалъе гIурал хIужаби гьечIин чIезабулеб бугила. Гьелда тIадеги, лъимал гьарулеб кIиабилеб рукъалъул нухмалъиялъ лъимер хвараб ИсхIакъовазул хъизам диваналде кьезехъен буго, жидеде бугьтан лъунилан.
