Чачаназул тахшагьар Грозныялда цIа рекIун буго 40 талаялъулаб «Грозный-Сити» абулеб гIадамаз гIумру гьабулеб комплексалда. Интернеталда лъурал суратазда ва видеоялда бихьулеб буго гьеб минаялъул цо рахъ цIадуца кверде босун букIин. Цересел баяназда рекъон, минаялъуса киналго гIадамал гочинарун руго. БакIалъул гIадамаз лъазабулеб буго гьединаб борхалъуда рекIараб цIа свинабизе бажарулеб техника шагьаралда гьечIин.
Грозныялда цIа рекIараб 40 тIалалъулаб «Олимп» абулеб хъалаялъул борхалъи бахунеб буго 145 метралде. Сунжа гIурул рагIалда бугеб гьеб ккола Россиялда Москва бахун ругел рукъзазул бищунго борхатаблъун.
«Грозный-сити» абулеб комплекс буго шагьар бакьулъ Къадиров АхIмадхIажил цIаралда бугеб къотIноб. Февраль моцIалда гьеб комплексалъул минабазул цоялда сайгъат гьабун рукъ кьун букIана франциялдаса актёр Жерар Депардьее.
«Цин кIкIуй кIанцIун буго 4-5 тIалаяздасан. Гьеб бакIалде ана Грозныялъул цIа свинабулезул ункъго бутIа. Гьениб щиб ккарабали лъазабулеб ва бищунго кIудияб цIа бугеб бакIалда къуват цIикIкIинабулеб буго»,-гьедин лъазабуна ГIорхъолъа арал ахIвал-хIалазул министерлъиялъул Шималияб Кавказалда бугеб регионалияб централъул пресс-хъулухъалъул нухмалъулев Давыдов Кантемирица. Гьесулго рагIабазда рекъон, цIа рекIиналъул информация гьезухъе щун буго анкьгоялде 15 минута хIалтIараб мехалда.
http://www.youtube.com/embed/ToSZmVdyzkc
«Грозный-сити» абулеб комплекс буго шагьар бакьулъ Къадиров АхIмадхIажил цIаралда бугеб къотIноб. Февраль моцIалда гьеб комплексалъул минабазул цоялда сайгъат гьабун рукъ кьун букIана франциялдаса актёр Жерар Депардьее.
«Цин кIкIуй кIанцIун буго 4-5 тIалаяздасан. Гьеб бакIалде ана Грозныялъул цIа свинабулезул ункъго бутIа. Гьениб щиб ккарабали лъазабулеб ва бищунго кIудияб цIа бугеб бакIалда къуват цIикIкIинабулеб буго»,-гьедин лъазабуна ГIорхъолъа арал ахIвал-хIалазул министерлъиялъул Шималияб Кавказалда бугеб регионалияб централъул пресс-хъулухъалъул нухмалъулев Давыдов Кантемирица. Гьесулго рагIабазда рекъон, цIа рекIиналъул информация гьезухъе щун буго анкьгоялде 15 минута хIалтIараб мехалда.
http://www.youtube.com/embed/ToSZmVdyzkc