Гьесул рагIабазда рекъон, «рохьилаз» гьеб гIарац харж гьабулеб буго балъгоял нухалги батIи-батIиял щулалъабиги ругел рукъзал разеги, жидерго хIажалъабазе транспорт босизеги. Амма росабигун мухъаздасан байбихьун республикаялъул батIи-батIияб даражаялъул хъулухъазде жидерго чагIи ккезаризелъун гьес бищунго цIикIкIун гIарац харж гьабулеб бугин рикIкIунеб буго Кониница. Ругищ нухмалъиялъул идарабазда гьединал чагIияли жидеца гьаб сагIат хал гьабулеб бугинги тIаде жубана гьес республикаялъул антитеррористияб комиссиялъул данделъиялда.
БисавгIалиев МухIамад
Кин пачалихъалде данде къеркьолел ругел чагIазулгун бухьен бугел гIадамал пачалихъиял хъулухъазде ккезе рес бугеб? Гьел яргъидгIуцIаразул кверчIваялдалъунищ гьенире кколел яги нухмалъиялде ккун хадусанищ гьезул «рохьилазулгун» гьоркьорлъаби байбихьулел? Гьел суалал нижеца кьуна Дагъистаналда щибаб анкьица къватIибе бачIунеб «Миллат» газетаялъул редактор БисавгIалиев МухIамадие.Your browser doesn’t support HTML5
1. БисавгIалиев МухIамад
ЭР: Кониница абуна жидеца ралагьизе ругин хIукуматалъул хъулухъазда ва республикаялъул тIалъиялда «рохьилазулгун» бухьенал рукIине бегьулел гIадамалин. Хъат гIанасеб Дагъистаналда рес бугищ гьединал чагIи ругищ гьечIищали хасал хъулухъазда гьанжелъизегIан лъачIого хутIизе?
Your browser doesn’t support HTML5
2. БисавгIалиев МухIамад
ЭР: Дур пикруялда ФСБ гIадинаб гучаб идараялда республикаялъул тIалъиялда лъица щиб гьабулеб бугебали лъачIого хутIулареб буго. Гьедин батани кколеб буго гьезда гьел лъалел ругин ва чанго сонаца гьел гьедин гьенир тунги ругин абураб. Гьанжеги бокьарал ккун бокьарал тундай гьез хIалтIи гIуцIизе бугеб?
Your browser doesn’t support HTML5
3. БисавгIалиев МухIамад
ЭР: Гьедин батани кколеб бугоха нилъер улкаялда тIалъиги къанунги батIа-батIайиса хIалтIулеб бугин. Гуреб батани, къануналде данде кколареб жо гьабулев чи тIасан буюри бачIинегIан кквечIого щай тезе кколев?
Your browser doesn’t support HTML5
4. БисавгIалиев МухIамад
Дагъистаналда дагьав цевегIан ккуна «рохьилазулгун» щаклъи букIиналда бан депутат МухIамадов МухIамад. МахIачхъалаялъул Семендер абулеб авалалда яргъидгIуцIаразде данде хасаб операция тIобитIулеб бакIалда чIвана Унсоколо мухъалъул депутат МухIамадгIалиев МухIамадхIабиб.
Гьеб хасаб операциялда чIванин абулеб буго ХIажидадаев Ибрагьимги. Хасал хъулухъазул баяназда рекъон, гьес нухмалъи гьабулеб къукъаялъ гIарац гьабулеб букIун буго гIадамал рикъун, цогиязул тIадкъаял тIуразарун гIадамал чIван ва хIинкъаби кьун бахъун. Гьедин гьезие щолел рукIун руго долларазул миллионал.
Гьединазе квербакъулеб бугин гьезул къурбаназ полициялде гIарз гьабунгутIиялъгийин рикIкIунеб буго Кониница.