Хамиз къоялъ 6 июналъ радал сагIат анцIго тIубан къого минут араб мехалъ Унсколо мухъалъул Шамилхъалаялда живго бетIергьанаб автомашинаги кьвагьун чIвана полициялъул сержант, 25 сон барав Рихьуниса ХIажиев МахIач.
Гьевгун цадахъ автомашинаялда жанив вукIарав полициялъул сержант Унсоколоса ХIамзатов Мурад автомашина кьвагьиялъул гучаб карачелалъ сандехун речIун вуго. ЗахIматго лъукъарав Мурад Шамилхъалаялъул азарханаялъул реанимациялда вегизавун вуго.
Радал сагIат 9 тIубараб мехалъ Шамилхъалаялъул жанисел ишазул идараялда киналго полициялъулазул данделъи тIобитIулеб мехалдаги полициялъул кавудахъ чIезабун букIун буго МахIачил автомашина.
Данделъиги лъугIун 150 метраялъ автомашинагун МахIач цевехун аравго бахъун буго кIудияб кьвагьи гьедин бицана гьеб иш ккараб бакIалда сверухъ рукIарал гIадамаз.
МахIач живго гIумру гьабун вукIун вуго Шамилхъалаялдаса 7 километралъул рикIкIалъуда бугеб Рихьуни росулъ, щибаб къоялъ гьенисан хьвадулев вукIун вуго гьев хIалтIудеги. Автомашина кьвагьизабураб алат сардилъ росулъго хурхинабун букIун батизеги бегьулилан абулеб буго гьесулгун махщелцояз.
Гьесул хъулухъалъул ишазда хурхун абуни, гьез жаваб кьолеб бутIаялда цIикIкIараб жавабчилъи щибго бугеб хъулухъги букIун гьечIо гьалмагъасулги гьесулги.
ХIажиев МахIачил нахъе хутIун йиго лъимер гьабизе йигей хъизан, 23 сон барав ХIамзатов Мурадил жеги хъизан гьабун гьечIо.
ЦIех-рехалъул хIалтIухъабазги,прокуратураялъул хъулухъалда ругезги,гьеб кьвагьиялъул хIужаялъе къимат кьезе жеги цудунго бугилан абулеб буго.
Радал сагIат 9 тIубараб мехалъ Шамилхъалаялъул жанисел ишазул идараялда киналго полициялъулазул данделъи тIобитIулеб мехалдаги полициялъул кавудахъ чIезабун букIун буго МахIачил автомашина.
Данделъиги лъугIун 150 метраялъ автомашинагун МахIач цевехун аравго бахъун буго кIудияб кьвагьи гьедин бицана гьеб иш ккараб бакIалда сверухъ рукIарал гIадамаз.
МахIач живго гIумру гьабун вукIун вуго Шамилхъалаялдаса 7 километралъул рикIкIалъуда бугеб Рихьуни росулъ, щибаб къоялъ гьенисан хьвадулев вукIун вуго гьев хIалтIудеги. Автомашина кьвагьизабураб алат сардилъ росулъго хурхинабун букIун батизеги бегьулилан абулеб буго гьесулгун махщелцояз.
Гьесул хъулухъалъул ишазда хурхун абуни, гьез жаваб кьолеб бутIаялда цIикIкIараб жавабчилъи щибго бугеб хъулухъги букIун гьечIо гьалмагъасулги гьесулги.
ХIажиев МахIачил нахъе хутIун йиго лъимер гьабизе йигей хъизан, 23 сон барав ХIамзатов Мурадил жеги хъизан гьабун гьечIо.
ЦIех-рехалъул хIалтIухъабазги,прокуратураялъул хъулухъалда ругезги,гьеб кьвагьиялъул хIужаялъе къимат кьезе жеги цудунго бугилан абулеб буго.