13 марталда низам цIунулез гIайиб гIунтIизабуна чанго къоялъ цере МахIачхъалаялъул аэропорталдасан ккун арал ЦIияб Сасикьа гIолохъабазде гьел Шамалда хIукуматалъул аскаразде данде рагъулел рукIанилан.
Гьел ккола АхΙмад МагΙазов, МухΙамад Денгаев, МикагΙил ГΙабдулкаримов, АхΙмад Исматулаев ва АхΙмадула Асадулаев.
Гьезул гIагарлъи 17 марталда хIадурулеб буго Хасавюрталда полициялда цебе пикет гьабизе. Щайин абуни жидер васал къануналда данде кколаредухъ рачун анин низам цIунулезин рикIкIунеб буго гьез.
Пикет гьабизе гIарза кьезе ингун гьел дандчIван руго ХIайбула ГIумаров абурав чигун. Ярагъги гIодоб лъун халкъ ракълиде ахIулеб комиссиялъул секретарь ккола гьев. Абулеб буго гьес рагIи кьунин дол гIолохъаби къанунги хвезабун рачун иналъе къимат кьезеги.
Гьел гIолохъабазул гIагарлъиялъ ЭР-ялъе цебеккун бицун букIана гьезул цо вас гурони вукIинчIин Шамалда рагъ бугеб заманалда. Амма гьенир рагъарал чагIи экстремистазда ращалъизарулилан Россиялда къанун къабул гьабун хадуб, гьевги нахъе вачIанин доваса.
Сасикьа гIолохъабиго гIадин къануналда данде кколаредухъ рачун анин диниял гIолохъаби МахIачхъалаялъул Котровасул къотIносаян абурал баяналги руго. Масала, Кавказский узел сайталъ хъвалеб буго 12 марталъул сардилъги 13 марталъул радалги Котровасул къотIноб бугеб мажгиталъусаги гьениса гIебеде ругел тукабаздасаги къогоялде гIагарун чи анин гьурмазда маскабиги ххурал чагIаз.
Амма ЭР-гун букIараб гара-чIвариялда гьеб мажгиталъул имам ХIасан-хIажица ритIухъ гьабичIо гьеб хабар.
ХIасан-хIажи: «Валлагь лъаларо, жеги рагIичIоха гьединаб хабар дида. Лъицаниги гьединаб гIарзги бахъичIоха дидехун. Гьале рогьалил какалдаса байбихьун къоялъ какал ралев вуго дун гьанив мажгиталда. Щибниги гьединаб хабар бицунев чи ккечIо».
Амма «Правозащита» абулеб жамгIияб гIуцIиялъул вакил ГIайша Селимовалде мугъчIвайги гьабун, добго Кавказский узел сайталъ хъвалеб буго гьеб хIужа уяб бугин. Гьел гIолохъабиги МахIачхъалаялъул Советский мухъалъул полициялде рачун анин.
Гьезул гIагарлъи 17 марталда хIадурулеб буго Хасавюрталда полициялда цебе пикет гьабизе. Щайин абуни жидер васал къануналда данде кколаредухъ рачун анин низам цIунулезин рикIкIунеб буго гьез.
Пикет гьабизе гIарза кьезе ингун гьел дандчIван руго ХIайбула ГIумаров абурав чигун. Ярагъги гIодоб лъун халкъ ракълиде ахIулеб комиссиялъул секретарь ккола гьев. Абулеб буго гьес рагIи кьунин дол гIолохъаби къанунги хвезабун рачун иналъе къимат кьезеги.
Гьел гIолохъабазул гIагарлъиялъ ЭР-ялъе цебеккун бицун букIана гьезул цо вас гурони вукIинчIин Шамалда рагъ бугеб заманалда. Амма гьенир рагъарал чагIи экстремистазда ращалъизарулилан Россиялда къанун къабул гьабун хадуб, гьевги нахъе вачIанин доваса.
Сасикьа гIолохъабиго гIадин къануналда данде кколаредухъ рачун анин диниял гIолохъаби МахIачхъалаялъул Котровасул къотIносаян абурал баяналги руго. Масала, Кавказский узел сайталъ хъвалеб буго 12 марталъул сардилъги 13 марталъул радалги Котровасул къотIноб бугеб мажгиталъусаги гьениса гIебеде ругел тукабаздасаги къогоялде гIагарун чи анин гьурмазда маскабиги ххурал чагIаз.
Амма ЭР-гун букIараб гара-чIвариялда гьеб мажгиталъул имам ХIасан-хIажица ритIухъ гьабичIо гьеб хабар.
ХIасан-хIажи: «Валлагь лъаларо, жеги рагIичIоха гьединаб хабар дида. Лъицаниги гьединаб гIарзги бахъичIоха дидехун. Гьале рогьалил какалдаса байбихьун къоялъ какал ралев вуго дун гьанив мажгиталда. Щибниги гьединаб хабар бицунев чи ккечIо».
Амма «Правозащита» абулеб жамгIияб гIуцIиялъул вакил ГIайша Селимовалде мугъчIвайги гьабун, добго Кавказский узел сайталъ хъвалеб буго гьеб хIужа уяб бугин. Гьел гIолохъабиги МахIачхъалаялъул Советский мухъалъул полициялде рачун анин.