Операция гьабун хадуб тохтур Марат Гунащев гьанже дагьаб мадаралда вугин, амма гьесие букIине кколеб медицинаялъул кумек щолеб гьечIин туснахъалъул азарханаялдайилан лъазабулеб буго тохтурасул гIагарлъиялъ. Гьезул рагIабазда рекъон 7 январалда рескъотIиялъ гьабун буго Маратил боххалъе операция, тIокIабги нахъбахъани гьесул гIумруялъе хIинкъи бугеб хIал букIанин абулеб буго гьез.
МахIачхъалаялъул жанисел ишазул бутIаялъул нухмалъулев АхIмад МухIамадов чIваялъул гIайибги гIунтIизабун 2012 соналъул 28 ноябралдаса нахъе туснахъ гьавун вуго МахIачхъалаялъул кIиабилеб азарханаялда хIалтIилев вукIарав тохтур-анестезиолог Марат Гунащев. Гьев цин Владикавказалъул туснахъалда, хадуб Черкесскалда вукIана, бащадаб лъагIалица цеве Гунащев МахIачхъалаялда аскIоб бугеб Шамхалалъул туснахъалде вачун гьенив вукIана. Чанго соналъ цебе авариялдеги ккун, Маратил бохх сакъатлъун ккун букIана, амма гьев жанив тIамун вукIарав цониги туснахъалда гьев сакъатав чиясе рукIине кколел шартIал чIезарун рукIинчIолъиялъ ва гьесие букIине кколеб медицинаялъул кумек гьабичIолъиялъ тохтуразул носокье кканин Гунащевилан бицана «Эркенлъи» радиоялъулгун букIараб гара-чIвариялда гьесул адвокат Заур МухIамадовас.
Заур МухIамадов: «Гьаб сагIат Марат мадаралда вугин абизе бегьула. Гьев Шамхалалъул туснахъалъул азарханаялда вегизавун вуго. Жакъа дида вихьана гьев, Мраатица бицухъе тромб букIараб бакI нахъе къотIун буго гьесул бохалъул бидурихьалъул. Тохтурзабаз абулеб буго гьединал операциял жеги чанцIулго гьаризе кколилан, щай гурелъул гьесул жеги тромбал рагIула. Гьел тромбал бокьараб мехалда тIезе бегьула гьединлъидал гьабун гьаб операцияги. Заманалда букIине кколеб медицинаялъул кумекги щун букIарабани, хIалхьиги, квенги рекъезабун букIарабани гьеб операция гьабизе кколароан ».
Марат Гунащевасде ва гьесдаго цадахъ ккун вукIарав тохтур Шамиль ХIасановасде полициялъул бутIаялъул нухмалъулев чIвай гуребги, гьел изну гьечIого яргъидгIуцIаразул кьерулъ рукIиналъул, ярагъ цIуниялъул, рохьилазе кумек гьабиялъул гIайибалги гIунтIизарулел рукIана. 20I2 соналъул 28 ноябралда Шамиль ХIасанов жиндирго рокъоб чIухь балаго чIвана полициялъулаз. Гьев жидеде дандечIей гьабунин, гьединлъидал чIвазе кканин ХIасановилан, лъазабуна хадусахун низамцIунулез. Шамиль чIвараб къоялъ ккурав Гунащевасде церехун рехсарал гьел киналго гIайибал жакъа къоялде щвезегIанги гIунтIизарулел рукIанин, амма гьанже гьесде батIияб гIайиб гIунтIизабизехъин бугина абурал баянал щванин жиндихъейилан лъазабулеб буго адвокат Заур МухIамадовас.
Заур МухIамадов: «Диванханаялъул хIукмуялда рекъон Марат 27 январалде щвезегIан туснахъ гьавун вуго. Дихъе щварал мухIканал гурел баяназда рекъон Гунащевасде, церехун гьесде гIунтIизарун рукIарал гIайибалги нахъе рахъун, изну гьечIого яргъидгIуцIаразул кьерулъ вукIанин абураб гIайиб гIунтIизабизехъин буго цIех-рехчагIаз».
МухIамадовас рикIкIунеб буго къуваталъул идарабазда жидедаго бичIчIун бугин тохтур Гунащевасда кинабниги гIайиб гьечIолъи, гьединлъидал гьесде гIунтIизабулеб гIайибги цебегIадаб захIматаб гьечIин, амма гьеб жидецаго гъалатI биччаялъе гьел киданиги мукIурлъуларин. Гьединлъидал кинаб рахъалде сверизабунги, щиб гIайиб гIутIизабунги тохтур жанив тIамичIого тезе ракIалда гьечIин низам цIунулездайилан
МахIачхъалаялъул жанисел ишазул бутIаялъул нухмалъулев АхIмад МухIамадов чIваялъул гIайибги гIунтIизабун 2012 соналъул 28 ноябралдаса нахъе туснахъ гьавун вуго МахIачхъалаялъул кIиабилеб азарханаялда хIалтIилев вукIарав тохтур-анестезиолог Марат Гунащев. Гьев цин Владикавказалъул туснахъалда, хадуб Черкесскалда вукIана, бащадаб лъагIалица цеве Гунащев МахIачхъалаялда аскIоб бугеб Шамхалалъул туснахъалде вачун гьенив вукIана. Чанго соналъ цебе авариялдеги ккун, Маратил бохх сакъатлъун ккун букIана, амма гьев жанив тIамун вукIарав цониги туснахъалда гьев сакъатав чиясе рукIине кколел шартIал чIезарун рукIинчIолъиялъ ва гьесие букIине кколеб медицинаялъул кумек гьабичIолъиялъ тохтуразул носокье кканин Гунащевилан бицана «Эркенлъи» радиоялъулгун букIараб гара-чIвариялда гьесул адвокат Заур МухIамадовас.
Заур МухIамадов: «Гьаб сагIат Марат мадаралда вугин абизе бегьула. Гьев Шамхалалъул туснахъалъул азарханаялда вегизавун вуго. Жакъа дида вихьана гьев, Мраатица бицухъе тромб букIараб бакI нахъе къотIун буго гьесул бохалъул бидурихьалъул. Тохтурзабаз абулеб буго гьединал операциял жеги чанцIулго гьаризе кколилан, щай гурелъул гьесул жеги тромбал рагIула. Гьел тромбал бокьараб мехалда тIезе бегьула гьединлъидал гьабун гьаб операцияги. Заманалда букIине кколеб медицинаялъул кумекги щун букIарабани, хIалхьиги, квенги рекъезабун букIарабани гьеб операция гьабизе кколароан ».
Марат Гунащевасде ва гьесдаго цадахъ ккун вукIарав тохтур Шамиль ХIасановасде полициялъул бутIаялъул нухмалъулев чIвай гуребги, гьел изну гьечIого яргъидгIуцIаразул кьерулъ рукIиналъул, ярагъ цIуниялъул, рохьилазе кумек гьабиялъул гIайибалги гIунтIизарулел рукIана. 20I2 соналъул 28 ноябралда Шамиль ХIасанов жиндирго рокъоб чIухь балаго чIвана полициялъулаз. Гьев жидеде дандечIей гьабунин, гьединлъидал чIвазе кканин ХIасановилан, лъазабуна хадусахун низамцIунулез. Шамиль чIвараб къоялъ ккурав Гунащевасде церехун рехсарал гьел киналго гIайибал жакъа къоялде щвезегIанги гIунтIизарулел рукIанин, амма гьанже гьесде батIияб гIайиб гIунтIизабизехъин бугина абурал баянал щванин жиндихъейилан лъазабулеб буго адвокат Заур МухIамадовас.
Заур МухIамадов: «Диванханаялъул хIукмуялда рекъон Марат 27 январалде щвезегIан туснахъ гьавун вуго. Дихъе щварал мухIканал гурел баяназда рекъон Гунащевасде, церехун гьесде гIунтIизарун рукIарал гIайибалги нахъе рахъун, изну гьечIого яргъидгIуцIаразул кьерулъ вукIанин абураб гIайиб гIунтIизабизехъин буго цIех-рехчагIаз».
МухIамадовас рикIкIунеб буго къуваталъул идарабазда жидедаго бичIчIун бугин тохтур Гунащевасда кинабниги гIайиб гьечIолъи, гьединлъидал гьесде гIунтIизабулеб гIайибги цебегIадаб захIматаб гьечIин, амма гьеб жидецаго гъалатI биччаялъе гьел киданиги мукIурлъуларин. Гьединлъидал кинаб рахъалде сверизабунги, щиб гIайиб гIутIизабунги тохтур жанив тIамичIого тезе ракIалда гьечIин низам цIунулездайилан
