Гунашев Марат гьабсагIаталда вуго Владикавказалда. ГIагарлъиялъул пикруялда рекъон, гьев гьениве вачун иналъе киналгIаги гIиллаби рукIинчIо, гьесда тIадецуй гьабиялъул ва гIайиб тIаде босизабиялъул мурадалда вачун ун вуго. Ахиралда диваналъ къотIараб хIукмуялда рекъон, Марат туснахъалъув чIезавизе вуго 27 январалде щвезегIан. Адвокат МухIамадил Заурил пикруялда рекъон, гьеб болжалалдаса хадувги гьев къватIиве виччазе гьечIо.
Марат Гунашевасул гIагарай журналистка ГIабдулаева Заираца бицана, гьесул чIужу ва гьитIинаб лъимер рачун рукIун ругин цIех-рех гьабизе. Гьединго гьелъ абуна Маратил рокъоб чIухь балаго нугIзал рукIанилан хъван ругин гьесул мадугьалзаби, амма хIакъикъаталда гьер гьенир рукIинчIин, нугIзаллъун рукIанин щал лъаларел гIадамал. Гьеб гурел, цоги батIи-батIиял ихтиярал хвезариялъул хIужаби ругин, киналго данде гьарулел ругин адвокатасилан бицана гьелъ Эркенлъи радиоялъе.
Живго адвокат МухIамадов Заур жакъа щун вуго Владикавказалда Марат вихьизе. Гьес кьурал баяназда рекъон, гьабсагIаталда Маратидехун киналгIаги цIех-рехалъул хIалтIаби гьарулел гьечIо, Маратил рахIат хун буго хIалтIи халат бахъиналъ. Эркенлъи радиоялъе адвокат МухIамадов Заурица гьадин абуна:
МухIамадов Заур: «Жакъа дун щвана гьесухъе, вихьана гьев. ЦIех-рехалъулал хIалтIаби гьесда аскIор гьарулел гьечIо киналниги. ГIицIго, чIезавун вуго туснахъалъув, ургъун бахъараб гIайибги гIунтIизабун. Гьеб кинабго гьабураб гIечIого, тIаде жоялъе, жеги вачун батIияб республикаялда чIезавун вуго, жиндирго хъизамалдасагун гIагарлъиялдасаг
ГIайибги добго доб буго, хисизабун гьечIо, гIицIго батIа гьабун буго рокъор ратаралилан рикIкIунел наркотиказда хурхун уголовияб хIалтIи. Дида бичIчIуларо щай гьеб гьез батIа гьабун бугебали. Гьелда хурхун гьесул чIужугун гьитIинай яс рачун ун рукIана цIех-рех гьабизе, дун вукIана гьенив цадахъ. Наркотикал руго гьенире реххарал жидецаго, кквеялъул мурадалда. ЗахIмат буго щай гьеб батIа гьабураб абизе, щайгурелъул гьез божилъиялда рекIкI гьабулеб буго, жидецаго кьураб рагIи кколеб гьечIо ва хадусеб гали кинаб букIине бугебали лъаларо».
Маратил чIужу Гунашева Аминаца хитIабалъулаб кагъат хъван буго Россиялъул президент Владимир Путинихъе жиндир гIайиб гьечIого тамихIалде цIалев росасде кIвар кьейилан. Кагътида гьелъ хъвалеб буго, къануналда рекъон диваналъул процессалда гьоркьов жувазе Президентасе ихтияр гьечIониги, гьарулеб бугилан Конситуционниял ихтиярал цIунизе кумек гьабейин. Гьелъ рикIкIунеб буго жиндир росасда тIадецуй гьабиялъе гIоло вачун вугин Владикавказалде. Гьединабго пикру загьир гьабулеб буго адвокат ГучучIалиев МахIачица. Гьесул пикруялда рекъон, къануналда рекъон тохтур Гунашевасул гIайиб чIезабизе гIурал далилал гьечIо цIех-рехалъул идарабазул, гьединлъидал тIадецуй гьабизе кколеб буго гьез. Наркотиказда хурхун уголовияб хIалтIи батIа гьабиялъулъги гьесда бихьулеб буго хадубккун гьелъул гIайиб чIезабизе захIмалъизе букIин.
ЦIех-рехалъул комитеталъул хIалтIухъанас «Public Post» сайталъе балъго кьураб баяналда бицунеб буго, тохтурас гIайиб тIаде босун бугин. Гьесул баяназда рекъон, Марат Гунашевас ва Шамиль ХIасановас сах гьавулеб вукIун вуго полициялъул нухмалъулев АхIмад МухIамадов чIварав Генуса ХIажидадаев Ибрагьим. Амма гIагарлъиялъ гьеб гьедин гьечIин, гIайиб тIаде босун гьечIилан чIезабулеб буго. Адвокат МухIамадов Заурицаги гьеб тасдикъ гьабичIо.
Журналист Джалал Бутаевги божулев гьечIо гьел тохтурзабазул гIайиб букIиналда. Мисалалъе гьес рачунел руго цереккун гьелдаго релълъарал, рагIалде рахинчIел уголовиял хIалтIаби.
Джалал Бутаев: «Гьединал лъугьа-бахъинал нилъер республикаялда гIемер кколел руго. Мисалалъе босани, ракIалде щвезаре Жанисел ишазул министр ГIадилгерей МухIамадтIагьиро
Гунашев Маратида цадахъ ккурав ва хадув чIвараб тохтур ХIасанов Шамилил адвокат Измаилов ХIажимурадица прокуратура диваналде кьун буго. Гьес рикIкIунеб буго тохтурзаби гIайиб гьечIого ккун ругин.
