Метер магIарул мацI хвезе батани...

20 ва 21 февралалда Авар театралда тIобитIана Халкъаздагьоркьосеб рахьдал мацIаpул къо кIодо гьабиялъул тадбир. Исана лъабабилеб нухалъги МагIарул Миллиябун Маданияб Автномиялъул хIаракаталдалъун тадбиралда гIахьаллъи гьабуна миллиял мацIазда къватIире риччалел республикаялъул щибаб мухъалъул, гьединго шагьаразул газет ва журналазул редакцияз. Соналдаса соналде гьенире рачIунел гIадамзул, хасго миллияб ретIелги ретIун гьениб гIахьаллъи гьабулезул къадар цIикIкIунеб буго. Тадбиралда гьединго гIахьаллъи гьабуна миллиял кверзул махщелазул устарзабазги. Тадбиралда рагьун букIана миллиял мацIазда къватIире риччалел ва гьединго диниял тIахьазул экспозицияги. Автор: Юсупов Ашахан.