30-абилел соназул гIумру хутIарал рукъзабахъ

МахIачхъалаялда 30-абилел соназдаго хехаб къагIидаялда бараб 50-ялдаса цIикIкIун тIалаязул мина гIадамаз гIумру гьабиялъе хIинкъи бугеблъун рикIкIун, гьенисан цIиял рукъзабахъе гочинаризе тIаде босун анцI-анцI сонал ана. Пушкинил къватIалда бугеб гьединаб кIиго минаялдаса гIадамал 2015 соналда гочинаризе ругин рагIи кьун букIана тахшагьаралъул бутIруз. Амма тIоцересел рагьунлъун руго жал кIиябилез кидаго гукIкIулел рукIиналде. Хинал кабинетазухъ гIодор чIарал хъулухъчагIазда лъалин жал хасало квачалел, риидал рухIулел рукIин. Амма гьез тIубараб гIумруялъ го гIадин халат бахъунеб жидер балагьалдасаги захIматаблъун рикIкIунин жидерго кабинетазда кондиционерал камиялъул проблемайин, гIарз гьабулеб буго гIиссинал, киналгIаги санагIалъаби гьечIел рукъзабазухъ гIумру гьабураз.