Умумузул тIагIелазул экспозиция

Январалъул ахиралда МахIачхъалаялъул миллияб библиотекаялъул фойеялда тIобитIана Казбек мухъалъул Гуни росулъа цIулал устар Дадаев Багьавудинил хIалтIабазул экспозиция. Умумумузе гIадатияллъун рукIарал рукъ-свериялъул тIагIелал жакъасеб гIелалъе экзотикалъун бихьулеб бугин, абулеб буго авторас. Гьесулго рагIабазда, экспозиция кколеб буго магIарулал жидерго кьалбал кIоченалдаса цIуниялъе гьабулеб галабазул цояб.