Улбузул гIоди лъиданиги рагIунеб гьечIо

Хасал хъулухъазул зулмуялда дандечIараб митинг тIобитIана 28 июлалда МахIачхъалаялда. Гьеб тадбиралда гIахьаллъана 6 июналда рикъарал Шамиль ГIабдулаевасул ва Шамил Кадырагъаевасул гIагарлъи. Гьез рикIкIунеб буго хасал хъулухъазул хIалтIухъабаз рикъанин ГIабдулаевги Къадырагъаевги. ГIабдулаевасул эбел ПатIимат ГIабдулкъадыровалъги абуна жинцаги чанги гIарза хъванин батIи-батIиял бакIазде, амма жаваб щвечIин.