Бидулаб итни - 2
20 маялда МахIачхъалаялда гьабураб теракталдалъун къварилъи ккарал гIадамал щвезаруна шагьаралъул чанго батIияб азарханаялде – жанисел ишазул министерлъиялъул медикиябгун санитарияб бутІаялде, республикаялъул клиникияб азарханаялде, ортопедиябгун травмотологиялъул централде, МахIачхъала шагьаралъул тIоцебесеб азарханаялде. Бищунго гIемер лъукъарал щвезарун рукІун руго ортопедиябгун травмотологиялъул централде – 20 чи. Кьвагьиял гьарун гІемер заман инчІого гьение щун йикІана нижер мухбир Зульфия ХІажиева.