МухIамад Мурсил лъади-Наджла ГIали МахIмуд

Наджла ГIали МахIмуд ккола Мисриялъул цIияв президент МухIамад Мурсил лъади. Гьелъие бокьуларо жиндего тIоцеесей ледийин абизе, гьелъ жийго рикIкIуна миллаталъул лагълъун. Гьелъ къанагIатго гурони кьоларел интервьюязул цояб гьабун букIана «Америкалъул Гьаракь» радиоялъ. Гьеб интервьюялда Наджла ГIали МахIмудица бицунеб буго гьей жеги балугълъиялде яхинчIей яс Мурсие росасе иналъул, «Вацал бусурбаби» багъа-башариялде гьел лъугьиналъул, гьединго Мисриялда гIумру гьабун ругел бусурбабазул ва христианазул гьоркьорлъабазул.