Дагъистаналда бюджеталъул гIарац бикъиялда гIахьаллъулел ругин пачалихъалъул кIудиял хъулухъчагIаздаса байбихьун гIадатиял гIадамазде щун дагъистаниялин, хъвалеб буго интернет форумазда. Бикьулеб гIарцил ва ккуразе гьабулеб тамихIалъул масшатабал батIи-батIиял рукIаниги, гьединал гIадамазе данде кколеб къимат жамгIияталъ кьолеб гьечIони, гьединаб хIакъикъат республикаялда хадубги хутIизе бугин, рикIкIунеб буго гьез. Амма кин жамгIияталъ гьединаб къимат кьелин, хIакъикъаталдаги жибгоги коррупциялъул схемабазда гIахьаллъулеб бугиниян? суал лъолеб буго лъабабилез.
